ಭಾರತವು ಕೋವಿಡ್ 19 'ಎಂಡೆಮಿಕ್' ಹಂತಕ್ಕೆ ಪ್ರವೇಶಿಸುತ್ತಿರಬಹುದು: WHO

ಹೊಸದಿಲ್ಲಿ: ಭಾರತದಲ್ಲಿನ ಬಹುಶಃ 'ಎಂಡೆಮಿಸಿಟಿ' ಹಂತಕ್ಕೆ ಪ್ರವೇಶ ಪಡೆಯುತ್ತಿದೆ. ಕಡಿಮೆ ಅಥವಾ ಮಧ್ಯಮ ಮಟ್ಟದ ವೈರಸ್ ಪ್ರಸರಣ ಪ್ರಸ್ತುತ ನಡೆಯುತ್ತಿದೆ ಎಂದು (ಡಬ್ಲ್ಯೂಎಚ್‌ಒ) ಮುಖ್ಯ ವಿಜ್ಞಾನಿ ಡಾ. ಹೇಳಿದ್ದಾರೆ. 'ಎಂಡೆಮಿಕ್' ಹಂತವು ಜನರು ವೈರಸ್ ಜತೆ ಹೊಂದಿಕೊಂಡು ಬಾಳುವುದನ್ನು ಕಲಿಯುವ ಸನ್ನಿವೇಶವಾಗಿದೆ. ಇದು ಸಾಂಕ್ರಾಮಿಕ ಹಂತಕ್ಕಿಂತ ವಿಭಿನ್ನವಾಗಿದೆ. ಸಾಂಕ್ರಾಮಿಕ ಹಂತದಲ್ಲಿ ವೈರಸ್ ಜನರನ್ನು ನಾಶಗೊಳಿಸುವಂತೆ ಹರಡುತ್ತಿರುತ್ತದೆ. ಎಂಡೆಮಿಕ್‌ನಲ್ಲಿ ಸ್ಥಳೀಯ ಮಟ್ಟಕ್ಕೆ ಸೋಂಕು ಸೀಮಿತವಾಗಿರುತ್ತದೆ. ಭಾರತದ ದಟ್ಟ ಜನಸಂಖ್ಯೆ ಹಾಗೂ ದೇಶದ ವಿಭಿನ್ನ ಭಾಗಗಳಲ್ಲಿನ ಪ್ರತಿರಕ್ಷಣಾ ಸ್ಥಿತಿಯನ್ನು ಗಮನಿಸಿದಾಗ ದೇಶದ ಕೆಲವು ಭಾಗಗಳಲ್ಲಿ ಒಟ್ಟಾರೆ ಸನ್ನಿವೇಶವು ಇದೇ ರೀತಿ ಏರಿಳಿತ ಮುಂದುವರಿಯುವ ಸಾಧ್ಯತೆ ಅತ್ಯಧಿಕವಾಗಿದೆ ಎಂದು ಅವರು ತಿಳಿಸಿದ್ದಾರೆ. 'ನಾವು ಕೊರೊನಾ ವೈರಸ್‌ನ ಸ್ಥಳೀಯತೆಯ ಹಂತದಂತಹ ಸನ್ನಿವೇಶ ಪ್ರವೇಶಿಸುತ್ತಿರಬಹುದು. ಈಗ ಕಡಿಮೆ ಮಟ್ಟದ ಅಥವಾ ಮಧ್ಯಮ ಗಾತ್ರದ ಪ್ರಸರಣ ನಡೆಯುತ್ತಿದೆ. ಆದರೆ ಕೆಲವು ತಿಂಗಳ ಹಿಂದೆ ಉಂಟಾದಂತೆ ಹಠಾತ್ ಏರಿಕೆಗಳು ಈಗ ಕಾಣಿಸುತ್ತಿಲ್ಲ' ಎಂದು ಹೇಳಿದ್ದಾರೆ. ಭಾರತದ ಗಾತ್ರ ಹಾಗೂ ಜನಸಂಖ್ಯೆಯ ವೈವಿಧ್ಯ ಮತ್ತು ದೇಶದ ವಿಭಿನ್ನ ಭಾಗಗಳಲ್ಲಿನ ವಿಭಿನ್ನ ಪ್ರತಿರಕ್ಷಣಾ ಸ್ಥಿತಿಗತಿಗಳನ್ನು ಗಮನಿಸಿದಾಗ, ನಾವು ಈಗ ಕಾಣುತ್ತಿರುವ ಪರಿಸ್ಥಿತಿಯಲ್ಲಿ ದೇಶದ ಕೆಲವು ಪ್ರದೇಶಗಳಲ್ಲಿ ಈ ಏರಿಳಿತದ ಸನ್ನಿವೇಶ ಹೀಗೆಯೇ ಮುಂದುವರಿಯಬಹುದು. ಮೊದಲ ಮತ್ತು ಎರಡನೆಯ ಅಲೆಗಳಲ್ಲಿ ಹೆಚ್ಚಾಗಿ ಬಾಧೆಗೆ ಒಳಗಾಗದ ಅಥವಾ ಕಡಿಮೆ ಮಟ್ಟದ ಲಸಿಕೆ ಕಾರ್ಯ ನಡೆದಿರುವ ಪ್ರದೇಶಗಳಲ್ಲಿ ಮುಂದಿನ ಕೆಲವು ತಿಂಗಳಲ್ಲಿ ಅಧಿಕ ಪ್ರಕರಣಗಳು ಉಂಟಾಗಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ. 2022ರ ಅಂತ್ಯದ ವೇಳೆಗೆ ನಾವು ಶೇ 70ರಷ್ಟು ಲಸಿಕೀಕರಣ ಸಾಧಿಸುವ ಭರವಸೆ ಇದೆ. ಬಳಿಕ ದೇಶಗಳು ಸಹಜ ಸ್ಥಿತಿಗೆ ತಲುಪಬಹುದು ಎಂದಿದ್ದಾರೆ.