ವೊಡಾಫೋನ್ ಐಡಿಯಾ ಕಂಪನಿ ವಿಫಲವಾದರೆ ಸರ್ಕಾರದ ಬೊಕ್ಕಸಕ್ಕೆ ಬರೋಬ್ಬರಿ ₹1.6 ಲಕ್ಷ ಕೋಟಿ ನಷ್ಟ!
ಸಾರ್ವಜನಿಕ ಬ್ಯಾಂಕ್‌ಗಳಿಗೆ 23,000 ಕೋಟಿ ರೂ. ಸಾಲವನ್ನು ವೊಡಾಫೋನ್ ಐಡಿಯಾ ಮರು ಪಾವತಿಸಬೇಕಾಗಿದೆ. ವೊಡಾಫೋನ್ ಐಡಿಯಾ ವಿಫಲವಾದರೆ ಸರಕಾರದ ಬೊಕ್ಕಸಕ್ಕೆ ಮತ್ತು ದೂರಸಂಪರ್ಕ ಇಲಾಖೆಗೆ ಭಾರಿ ನಷ್ಟವಾಗಲಿದೆ. ಅನಿಲ್‌ ಅಂಬಾನಿಯ ರಿಲಯನ್ಸ್‌ ಕಮ್ಯುನಿಕೇಶನ್ಸ್‌, ಏರ್‌ಸೆಲ್‌ ಇತ್ಯಾದಿ ಕಂಪನಿಗಳು ಪತನವಾದ ನಂತರ ಸಾವಿರಾರು ಕೋಟಿ ರೂ.ಗಳು ಹೀಗೆ ಸರಕಾರ ಮತ್ತು ಬ್ಯಾಂಕ್‌ಗಳಿಗೆ ಬಾಕಿಯಾಗಿ ಉಳಿದಿವೆ. ತೆರಿಗೆದಾರರ ಹಣ ಅತಿ ಹೆಚ್ಚು ನಷ್ಟವಾಗಿದೆ.
Admin
0
6
ಹೊಸದಿಲ್ಲಿ: ವೊಡಾಫೋನ್ ಐಡಿಯಾ ಸ್ಪೆಕ್ಟ್ರಮ್‌ ಮತ್ತು ಎಜಿಆರ್‌ಗೆ ಸಂಬಂಧಿಸಿ ಸುಮಾರು 1.6 ಲಕ್ಷ ಕೋಟಿ ರೂ. ಬಾಕಿ ಉಳಿಸಿಕೊಂಡಿದ್ದು, ಪಾವತಿಸುವಲ್ಲಿ ವಿಫಲವಾದರೆ ಸರಕಾರಕ್ಕೆ ಭಾರಿ ನಷ್ಟವಾಗಲಿದೆ.
ಸರಕಾರಕ್ಕೆ ಇದರ ಜತೆಗೆ ಮತ್ತೊಂದು ಸವಾಲೂ ಎದುರಾಗಲಿದೆ. ಸಾರ್ವಜನಿಕ ಬ್ಯಾಂಕ್‌ಗಳಿಗೆ 23,000 ಕೋಟಿ ರೂ. ಸಾಲವನ್ನು ವೊಡಾಫೋನ್ ಐಡಿಯಾ ಮರು ಪಾವತಿಸಬೇಕಾಗಿದೆ. ಹೀಗಾಗಿ ವೊಡಾಫೋನ್ ಐಡಿಯಾ ವಿಫಲವಾದರೆ ಸರಕಾರದ ಬೊಕ್ಕಸಕ್ಕೆ ಮತ್ತು ದೂರಸಂಪರ್ಕ ಇಲಾಖೆಗೆ ಭಾರಿ ನಷ್ಟವಾಗಲಿದೆ. ಅನಿಲ್‌ ಅಂಬಾನಿಯ ರಿಲಯನ್ಸ್‌ ಕಮ್ಯುನಿಕೇಶನ್ಸ್‌, ಏರ್‌ಸೆಲ್‌ ಇತ್ಯಾದಿ ಕಂಪನಿಗಳು ಪತನವಾದ ನಂತರ ಸಾವಿರಾರು ಕೋಟಿ ರೂ.ಗಳು ಹೀಗೆ ಸರಕಾರ ಮತ್ತು ಬ್ಯಾಂಕ್‌ಗಳಿಗೆ ಬಾಕಿಯಾಗಿ ಉಳಿದಿವೆ. ತೆರಿಗೆದಾರರ ಹಣ ಅತಿ ಹೆಚ್ಚು ನಷ್ಟವಾಗಿದೆ.
ವೊಡಾಫೋನ್ ಐಡಿಯಾ ಪ್ರಸ್ತುತ ಒಟ್ಟು 1.8 ಲಕ್ಷ ಕೋಟಿ ರೂ. ಸಾಲವನ್ನು ಹೊಂದಿದೆ. ಜನವರಿ-ಮಾರ್ಚ್ ತ್ರೈಮಾಸಿಕದಲ್ಲಿ 7,000 ಕೋಟಿ ರೂ. ನಷ್ಟ ದಾಖಲಿಸಿದೆ ಎಂದು ಐಸಿಐಸಿಐ ಸೆಕ್ಯುರಿಟೀಸ್‌ ತಿಳಿಸಿದೆ. ವೊಡಾಫೋನ್ ಐಡಿಯಾಗೆ ಪ್ರತಿ ಬಳಕೆದಾರನಿಂದ ಲಭಿಸುವ ಸರಾಸರಿ ಆದಾಯವು 107 ರೂ.ಗಳಾಗಿದ್ದು, ಇತರ ಕಂಪನಿಗಳಿಗೆ ಹೋಲಿಸಿದರೆ ಕಡಿಮೆ. ರಿಲಯನ್ಸ್‌ ಜಿಯೊ 138 ರೂ. ಭಾರ್ತಿ ಏರ್‌ಟೆಲ್‌ 145 ರೂ. ಆದಾಯ ಹೊಂದಿದೆ.
ಷೇರುಗಳಾಗಿ ಸಾಲದ ಪರಿವರ್ತನೆ?ವೊಡಾಫೋನ್ ಹೊಂದಿರುವ ಸಾಲವನ್ನು ಷೇರುಗಳಾಗಿ ಪರಿವರ್ತಿಸಿವುದರಿಂದ ಬ್ಯಾಂಕ್‌ಗಳಿಗೆ ಭಾರಿ ನಷ್ಟವನ್ನು ತಪ್ಪಿಸಬಹುದು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಹೀಗಿದ್ದರೂ, ಇದುವರೆಗೆ ವೊಡಾಫೋನ್ ಐಡಿಯಾ ಸುಸ್ತಿಸಾಲ ಹೊಂದಿಲ್ಲ. ಸುಸ್ತಿ ಸಾಲ ಆಗದ ಹೊರತು ಸಾಲವನ್ನು ಷೇರುಗಳಾಗಿ ಪರಿವರ್ತಿಸಲು ಅಸಾಧ್ಯ ಎಂದಿದ್ದಾರೆ.
