'ಪ್ರೇಮಲೋಕ'ದ ಸರದಾರ ರವಿಚಂದ್ರನ್ ಮನೆಯಲ್ಲಿ ಪ್ರೀತಿ ತುಂಬಿ ತುಳುಕುತ್ತದೆ!

ಪ್ರೀತಿಗೆ ಅದರ ರೀತಿಗೆ ತೆರೆಮೇಲೆ ಹೊಸ ವ್ಯಾಖ್ಯಾನ ನೀಡಿದವರು ಕ್ರೇಜಿ ಸ್ಟಾರ್ ರವಿಚಂದ್ರನ್. ತರಹೇವಾರಿ ಲವ್ ಸ್ಟೋರಿಗಳನ್ನ ತೆರೆಮೇಲೆ ತಂದಿರುವ ಮನೆಯಲ್ಲೂ ಪ್ರೀತಿ ತುಂಬಿ ತುಳುಕುತ್ತದೆ. ಹೀಗಂತ ಹೇಳಿದವರು ನಿರ್ದೇಶಕ ಬಿ.ಸುರೇಶ. ರವಿಚಂದ್ರನ್ ಕುರಿತಾದ ಹಲವು ಸಂಗತಿಗಳನ್ನು ನಿಮ್ಮ ‘ವಿಜಯ ಕರ್ನಾಟಕ ವೆಬ್’ ಆರಂಭಿಸಿರುವ ‘’ ವಿಶೇಷ ವೆಬ್ ಸರಣಿಯಲ್ಲಿ ಹಂಚಿಕೊಂಡಿದ್ದಾರೆ. ರವಿಚಂದ್ರನ್-ಹಂಸಲೇಖ ಕಾಂಬಿನೇಶನ್ ‘’ಹಾಡುಗಳ ಕಂಪೋಸಿಂಗ್ ವೇಳೆ ರವಿಚಂದ್ರನ್ ಮತ್ತು ಹಂಸಲೇಖ ಕಾಂಬಿನೇಶನ್, ಕೆಮಿಸ್ಟ್ರಿ ಅದ್ಭುತ. ಹಂಸಲೇಖ ಅವರನ್ನು ಗುರುತಿಸಿ ರವಿಚಂದ್ರನ್ ಅವರು ಮ್ಯೂಸಿಕ್ ಡೈರೆಕ್ಟರ್ ಆಗುವ ಅವಕಾಶ ನೀಡಿದರು. ‘ಪ್ರೇಮಲೋಕ’ ಬಳಿಕ ‘ಚಂದಮಾಮ’ ಅಂತ ಶೂಟಿಂಗ್ ಆಗದೇ ಇರುವ ಚಿತ್ರಕ್ಕೂ 10 ಅದ್ಭುತ ಹಾಡುಗಳನ್ನು ಮಾಡಿದ್ದರು. ಅದಕ್ಕಾಗಿ ಏಳು ದಿನ ನಾವು ಊಟಿಯಲ್ಲಿ ಕಂಪೋಸಿಂಗ್ ಮಾಡಿದ್ವಿ. ಏಳು ದಿನಗಳಲ್ಲಿ 10 ಹಾಡುಗಳು ಸಾಹಿತ್ಯವೂ ಸೇರಿದಂತೆ ರೆಡಿ ಆಗಿತ್ತು’’ ‘’ಹಂಸಲೇಖ ಇದ್ದ ಕಡೆ ನಗುವಿಗೆ ಬರವಿಲ್ಲ. ಅವರು ನಮ್ಮನ್ನ ಸದಾ ನಗಿಸುತ್ತಿದ್ದರು. ರವಿಚಂದ್ರನ್ ಅವರಿಗೂ ಸಂಭ್ರಮ. ಮ್ಯಾಜಿಕ್ ತರಹ ಹಾಡುಗಳು ಸಿದ್ಧವಾಗುತ್ತಿದ್ದವು. ‘ಚಂದಮಾಮ’ ಚಿತ್ರಕ್ಕೆ ಮಾಡಿದ್ದ ಹಾಡು ‘ಕಲಾವಿದ’ ಚಿತ್ರಕ್ಕೆ ಬಳಕೆಯಾಯಿತು. ಹಂಸಲೇಖ - ರವಿಚಂದ್ರನ್ ಒಟ್ಟಿಗೆ ಕೂತಾಗ ಸದಾ ನಗುವಿನ ವಾತಾವರಣ ಇರುತ್ತಿತ್ತು. ನಗುವಿನ ಜೊತೆಗೆ ಸಂಗೀತ ಹುಟ್ಟುತ್ತಿತ್ತು. ಒಬ್ಬರಿಗೆ ಒಬ್ಬರ ಬಗ್ಗೆ ಇರುವ ಗೌರವ, ವಿಶ್ವಾಸವೇ ಅಂಥದ್ದೊಂದು ವಾತಾವರಣ ಹುಟ್ಟಿಸೋಕೆ ಕಾರಣವಾಗಿತ್ತು. ದಿ ಬೆಸ್ಟ್ ಆಫ್ ಹಂಸಲೇಖ ಸಿಕ್ಕಿರೋದು ರವಿಚಂದ್ರನ್‌ಗೆ. ಹಂಸಲೇಖ ಅವರ ಜನಪ್ರಿಯ ಹಾಡುಗಳು ಸಿಕ್ಕಿರುವುದು ರವಿಚಂದ್ರನ್ ಚಿತ್ರಗಳಿಗೆ’’ ಎಂದು ಸಂದರ್ಶನದಲ್ಲಿ ಬಿ.ಸುರೇಶ ಹೇಳಿದ್ದಾರೆ. ಹೆಮ್ಮೆಯ ಸಂಸ್ಥೆ ಈಶ್ವರಿ ಪ್ರೊಡಕ್ಷನ್ಸ್ ‘’ಈಶ್ವರಿ ಪ್ರೊಡಕ್ಷನ್ಸ್ ಕನ್ನಡ ಚಿತ್ರರಂಗದ ಬಹಳ ಪ್ರಮುಖ ನಿರ್ಮಾಣ ಸಂಸ್ಥೆಗಳಲ್ಲಿ ಒಂದು. ಅವರು ತಯಾರು ಮಾಡಿದ ‘ನಾಗರಹಾವು’ ಚಿತ್ರದಿಂದ ಹಿಡಿದು ಹಲವು ಸಿನಿಮಾಗಳನ್ನು ನಿರ್ಮಿಸಿದ್ದಾರೆ. ಒಳ್ಳೊಳ್ಳೆ ಸಿನಿಮಾಗಳನ್ನು ನಿರ್ಮಿಸಲು ವೀರಾಸ್ವಾಮಿ ನಿರಂತರ ಪ್ರಯತ್ನ ಮಾಡಿದ್ದಾರೆ. ಈಶ್ವರಿ ಸಂಸ್ಥೆ ಇಷ್ಟು ಕಾಲ ಬದುಕಿದ್ದರೆ, ಅದಕ್ಕೆ ಬೇರನ್ನ ಭದ್ರ ಮಾಡಿದ ವೀರಾಸ್ವಾಮಿ, ಗಂಗಪ್ಪ ಕಾರಣ. ಈ ಸಂಸ್ಥೆಯ ದೊಡ್ಡ ಕೊಡುಗೆ ‘ಭೂತಯ್ಯನ ಮಗ ಅಯ್ಯು’ ತರಹದ ಸಿನಿಮಾ. ವೀರಾಸ್ವಾಮಿ ಅವರೇ ಸ್ವತಃ ಒಂದು ದೊಡ್ಡ ಶಕ್ತಿ. ಈ ಸಂಸ್ಥೆ ಇನ್ನಷ್ಟು ಒಳ್ಳೆಯ ಸಿನಿಮಾಗಳನ್ನು ಕೊಡಲಿ. 'ಭೂತಯ್ಯನ ಮಗ ಅಯ್ಯು’ ಚಿತ್ರದಲ್ಲಿ ಆ ಕಾಲಕ್ಕೆ ಪ್ರವಾಹವನ್ನ ಚಿತ್ರೀಕರಣ ಮಾಡಿಸಿದ್ದರು. ನಾವೀಗ ಪ್ರವಾಹ ಚಿತ್ರೀಕರಣ ಮಾಡೋಕೆ ಒದ್ದಾಡುತ್ತೇವೆ’’ ರವಿಚಂದ್ರನ್ ಮಡದಿ ಮಾಡುವ ಅಡುಗೆ ತಿನ್ನುವುದೇ ಆನಂದ ‘’ರವಿಚಂದ್ರನ್ ಅವರ ಮಡದಿ ಸುಮತಿ ಎಂಥಾ ಒಳ್ಳೆಯ ಅಡುಗೆ ಮಾಡ್ತಾರೆ ಅಂದ್ರೆ… ಅವರು ಮಾಡುವ ದೋಸೆ, ಚಟ್ನಿಯನ್ನ ತಿನ್ನುವುದೇ ಆನಂದ. ಅವರ ಇಡೀ ಮನೆಯಲ್ಲಿ ಪ್ರೀತಿಯನ್ನುವುದು ತುಂಬಿ ತುಳುಕುತ್ತಿದೆ’’ ಎಂದಿದ್ದಾರೆ ಬಿ.ಸುರೇಶ.