'ನಮ್ ಶಿವಣ್ಣನಿಗೆ ವಯಸ್ಸೇ ಆಗಲ್ವಾ'? 'ನೀ ಸಿಗೋವರೆಗೂ' ಸಿನಿಮಾದ ಲುಕ್ ನೋಡಿದವರ ಪ್ರೀತಿಯ ಪ್ರಶ್ನೆ ಇದು!

ಸ್ಯಾಂಡಲ್‌ವುಡ್‌ನಲ್ಲಿ ಸಖತ್ ಬ್ಯುಸಿ ಇರೋ ನಟರಲ್ಲಿ 'ಹ್ಯಾಟ್ರಿಕ್ ಹೀರೋ' ಅವರ ಹೆಸರು ಸದಾ ಮುಂದಿರುತ್ತದೆ. ಸಾಲು ಸಾಲು ಸಿನಿಮಾಗಳನ್ನು ಅವರು ಒಪ್ಪಿಕೊಳ್ಳುತ್ತಲೇ ಇರುತ್ತಾರೆ. ವಯಸ್ಸು 59 ದಾಟಿದ್ದರೂ, ಉತ್ಸಾಹ 29ರ ತರುಣನಂತಿದೆ. ಸದ್ಯ ಅವರ ಹೊಸ ಸಿನಿಮಾದ ಒಂದು ಲುಕ್ ನೋಡಿ ಅವರ ಫ್ಯಾನ್ಸ್ ಫುಲ್ ಫಿದಾ ಆಗಿದ್ದಾರೆ. 'ನಮ್ಮ ಶಿವಣ್ಣನಿಗೆ ವಯಸ್ಸೇ ಆಗಲ್ವಾ' ಅಂತ ಪ್ರೀತಿಯಿಂದ ಪ್ರಶ್ನೆ ಮಾಡ್ತಾ ಇದ್ದಾರೆ. '' ಸಿನಿಮಾದ ಶಿವಣ್ಣನ ಲುಕ್ ರಿಲೀಸ್ ಕೆಲದಿನಗಳ ಹಿಂದಷ್ಟೇ ಶಿವಣ್ಣ ನಟನೆಯ 124ನೇ ಸಿನಿಮಾ 'ನೀ ಸಿಗೋವರೆಗೂ' ಮುಹೂರ್ತ ನಡೆದಿತ್ತು. ಮುಹೂರ್ತ ನಡೆದ ಮರುದಿನದಿಂದಲೇ ಶೂಟಿಂಗ್‌ನಲ್ಲಿ ಬ್ಯುಸಿ ಆಗಿದೆ ಚಿತ್ರತಂಡ. ಈ ಸಿನಿಮಾದಲ್ಲಿ ಶಿವಣ್ಣನಿಗೆ ಲವರ್ ಬಾಯ್ ಇಮೇಜ್ ಇದೆ. ಹಾಗಾಗಿ, ತಮ್ಮ ಹಳೆಯ ಲವರ್ ಬಾಯ್ ಲುಕ್‌ಗೆ ಮರಳಿದ್ದಾರೆ ಶಿವಣ್ಣ. ಈಚೆಗೆ ಆ ಸಿನಿಮಾದ ಒಂದು ಲುಕ್ ರಿಲೀಸ್ ಆಗಿ, ಸಖತ್ ಹವಾ ಕ್ರಿಯೆಟ್ ಮಾಡಿದೆ. ಅದರಲ್ಲಿನ ಶಿವರಾಜ್‌ಕುಮಾರ್ ಅವರ ಲುಕ್ ಈಗ ಎಲ್ಲರ ಗಮನಸೆಳೆಯುತ್ತಿದೆ. 'ಇದೊಂದು ಎಮೋಷನಲ್ ಲವ್ ಸ್ಟೋರಿ.‌ ನನ್ನದು ಇದರಲ್ಲಿ ಎರಡು ರೀತಿ ಪಾತ್ರ. ನಿರ್ದೇಶಕರು ಚಿತ್ರಕಥೆ ಹೆಣೆದಿರುವ ರೀತಿ ತುಂಬಾ ಚೆನ್ನಾಗಿದೆ.‌ ಮಫ್ತಿ, ಟಗರು, ದಿ ವಿಲನ್ ಥರದ ಡಿಫರೆಂಟ್ ಸಿನಿಮಾಗಳನ್ನು ಮಾಡಿದ್ದೇನೆ. ಈಗ ಲವ್ ಸ್ಟೋರಿ ಸಿನಿಮಾ ಮಾಡ್ತಾ ಇದ್ದೇನೆ. ಈ ಸಿನಿಮಾ ಟೈಟಲ್ ನಾನೇ ಸಜೆಸ್ಟ್ ಮಾಡಿದೆ. ಸಿನಿಮಾದಲ್ಲಿ ಒಂದು ಹುಡುಕಾಟ ಇದೆ. ಹಾಗಾಗಿ, ಒಂದು ಐಡಿಯಾ ಬಂತು. ನಮ್ಮ 'ಭಜರಂಗಿ 2' ಸಿನಿಮಾದಲ್ಲಿ 'ನೀ ಸಿಗೋವರೆಗೂ' ಅಂತ ಒಂದು ಹಾಡು ಇದೆ. ಅದು ನನಗೆ ಇಷ್ಟ. ಈ ಸಿನಿಮಾಗೆ 'ನೀ ಸಿಗೋವರೆಗೂ' ಅನ್ನೋದು ಸೂಟ್ ಆಗ್ತಾ ಇತ್ತು. ಅದಕ್ಕೆ ನಾನೇ ಸಜೆಸ್ಟ್ ಮಾಡಿದೆ' ಎಂದು ಈ ಸಿನಿಮಾದ ಬಗ್ಗೆ ಶಿವಣ್ಣ ಹೇಳಿಕೊಂಡಿದ್ದರು. ಇಲ್ಲಿ ಶಿವರಾಜ್‌ಕುಮಾರ್‌ಗೆ ನಾಯಕಿಯಾಗಿ ಬಹುಭಾಷಾ ತಾರೆ ಮೆಹ್ರೀನ್ ಪಿರ್ಝಾದಾ ನಟಿಸುತ್ತಿದ್ದಾರೆ. ನಾಸರ್, ಸಂಪತ್ ಕುಮಾರ್, ಗಾಯಕಿ ಮಂಗ್ಲಿ ಮುಂತಾದವರು ಈ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. 'ಟಗರು' ಚಿತ್ರದಲ್ಲಿ ಕೆಲಸ ಮಾಡಿದ್ದ ಸಂಗೀತ ನಿರ್ದೇಶಕ ಚರಣ್ ರಾಜ್ ಹಾಗೂ ಛಾಯಾಗ್ರಹಕ ಮಹೇಂದ್ರ ಸಿಂಹ ಈ ಚಿತ್ರಕ್ಕೂ ಕೆಲಸ ಮಾಡುತ್ತಿದ್ದಾರೆ. ಈಚೆಗೆ ನಡೆದ ಮುಹೂರ್ತ ಸಮಾರಂಭಕ್ಕೆ 'ಕಿಚ್ಚ' ಸುದೀಪ್ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದು ವಿಶೇಷವಾಗಿತ್ತು.