"ನಾನು ಪರ್ಫೆಕ್ಟ್ ತಾಯಿಯಲ್ಲ, ತಪ್ಪು ಮಾಡ್ತೀನಿ" ಎಂದ ಶಿವಣ್ಣನ ಸಿನಿಮಾ ನಾಯಕಿ ಜೆನಿಲಿಯಾ ಡಿಸೋಜ!

ತೆಲುಗು, ತಮಿಳು ಸಿನಿಮಾಗಳಲ್ಲಿ ಮುದ್ದಾದ ಮುದ್ದಾಗ ಹಾವಭಾವದ ಮೂಲಕ ಗಮನಸೆಳೆದಿದ್ದ ನಟಿ ಅವರು ಮದುವೆಯಾಗಿ ಮಕ್ಕಳಾದ ಸ್ವಲ್ಪ ನಟನೆಯಿಂದ ದೂರ ಸರಿದರು. ಆದರೆ ಸೋಶಿಯಲ್ ಮೀಡಿಯಾದಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ. ಮಗನ ಹುಟ್ಟುಹಬ್ಬಕ್ಕೆ ವಿಶ್ ಮಾಡಿದ ಅವರು ನಾನು ಪರ್ಫೆಕ್ಟ್ ತಾಯಿ ಅಲ್ಲ ಅಂತ ಕೂಡ ಹೇಳಿಕೊಂಡಿದ್ದಾರೆ. ಮಗನಿಗೆ ಜೆನಿಲಿಯಾ ಶುಭಾಶಯ "ಪ್ರೀತಿಯ ರಾಹಿಲ್, ಇಂದು ನಿನ್ನ ಜನ್ಮದಿನ. ನೀನು ನನಗೆ ಎಷ್ಟು ಮುಖ್ಯ ಅಂತ ನಾನು ಅವಕಾಶ ಸಿಕ್ಕಾಗಲೆಲ್ಲ ಹೇಳುತ್ತಿರುತ್ತೇನೆ. ನಾನು ಪರ್ಫೆಕ್ಟ್ ತಾಯಿಯಲ್ಲ, ನಾನು ತಪ್ಪು ಮಾಡ್ತೀನಿ, ತಾಳ್ಮೆ ಕಳೆದುಕೊಳ್ತೀನಿ, ಕೆಲವೊಂದು ವಿಚಾರ ಮರೆಯುತ್ತೇನೆ, ಕೆಲ ಸಮಯ ಕ್ರೇಜಿಯಾಗಿ ನಡೆದುಕೊಳ್ತೀನಿ. ನಾನು ಇಷ್ಟೆಲ್ಲ ಕೆಟ್ಟದಾಗಿ ನಡೆದುಕೊಂಡರೂ ಕೂಡ ನೀನು ನನ್ನನ್ನು ನೋಡುವ ರೀತಿ ನೋಡಿದರೆ, ಪ್ರಪಂಚದ ಉತ್ತಮ ತಾಯಿ ನಾನು ಎನಿಸುತ್ತದೆ. ಬೆಳಗ್ಗಿನ ಜಾವದಲ್ಲಿ ನೀನು ಕೊಡುವ ಅಪ್ಪುಗೆ, ಅರ್ಥಮಾಡಿಕೊಳ್ಳುವ ರೀತಿಗೆ ಧನ್ಯವಾದಗಳು. ನಾನು ಜೀವನದಲ್ಲಿ ಏನನ್ನೋ ಸರಿ ಮಾಡಿದ್ದೀನಿ ಅನ್ನುವ ರೀತಿಯಲ್ಲಿ ನೀನು ಮಾಡುವೆ. ನೀನು ನನ್ನ ಪಾಲಿಗೆ ಮಿರಾಕಲ್" ಎಂದು ಜೆನಿಲಿಯಾ ಡಿಸೋಜ ಅವರು ಸೋಶಿಯಲ್ ಮೀಡಿಯಾದಲ್ಲಿ ಮಗನ ವಿಡಿಯೋ ಹಂಚಿಕೊಂಡು ಶುಭಾಶಯ ತಿಳಿಸಿದ್ದಾರೆ. 'ಸತ್ಯ ಈಸ್ ಇನ್ ಲವ್' ಸಿನಿಮಾದಲ್ಲಿ ನಟನೆ ನಟರಾದ ಸಂಜಯ್ ಕಪೂರ್, ಅಭಿಷೇಕ್ ಬಚ್ಚನ್, ಅನುಷ್ಕಾ ಶರ್ಮಾ ಸೇರಿದಂತೆ ಅನೇಕ ಬಾಲಿವುಡ್‌ ಸೆಲೆಬ್ರಿಟಿಗಳು ರಾಹಿಲ್‌ಗೆ ಹುಟ್ಟುಹಬ್ಬದ ಶುಭಾಶಯ ತಿಳಿಸಿದ್ದಾರೆ. ಮದುವೆಯಾದ ನಂತರ ಕೆಲ ಸಿನಿಮಾಗಳಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಜೆನಿಲಿಯಾ ಅವರು ಕೊನೆಯದಾಗಿ 'ಇಟ್ಸ್ ಮೈ ಲೈಫ್‌' ಚಿತ್ರದಲ್ಲಿ ನಟಿಸಿದ್ದರು. ತೆಲುಗು, ತಮಿಳು, ಹಿಂದಿ ಚಿತ್ರಗಳಲ್ಲಿ ಬಣ್ಣ ಹಚ್ಚಿರುವ ಜೆನಿಲಿಯಾ ಅವರು, ಕನ್ನಡದಲ್ಲಿ ಡಾ ಶಿವರಾಜ್‌ಕುಮಾರ್ ಅಭಿನಯದ 'ಸತ್ಯ ಈಸ್ ಇನ್ ಲವ್' ಸಿನಿಮಾದಲ್ಲಿಯೂ ಕಾಣಿಸಿಕೊಂಡಿದ್ದರು. ಜೆನಿಲಿಯಾ ಡಿಸೋಜಗೆ ಇಬ್ಬರು ಮಕ್ಕಳು ಆರಂಭದಲ್ಲಿ ನನ್ನ ಹಾಗೂ ಜೊತೆ ಗೆಳೆತನವಿದೆ ಎಂದು ಹೇಳಿಕೊಂಡಿದ್ದ ಜೆನಿಲಿಯಾ ಅವರು 2012ರಲ್ಲಿ ನಟ ರಿತೇಶ್ ದೇಶಮುಖ್ ಅವರನ್ನು ಹಿಂದು ಹಾಗೂ ಕ್ರಿಶ್ಚಿಯನ್ ಸಂಪ್ರದಾಯದಂತೆ ಮದುವೆಯಾಗಿದ್ದರು. ಈ ದಂಪತಿಗೆ ಇಬ್ಬರು ಗಂಡು ಮಕ್ಕಳಿದ್ದಾರೆ. ಮಕ್ಕಳ ಜೊತೆಗಿನ ಮುದ್ದಾದ ವಿಡಿಯೋಗಳನ್ನು ರಿತೇಶ್ ಹಾಗೂ ಜೆನಿಲಿಯಾ ಆಗಾಗ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ.