ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಶುಭರಕ್ಷಾ! ಇದು ಜೆ.ಡಿ. ಚಕ್ರವರ್ತಿ ನಿರ್ದೇಶನದ ಸಿನಿಮಾ
ನಟಿ ಶುಭರಕ್ಷಾ ಅವರು ತೆಲುಗಿನ ಜೆ.ಡಿ. ಚಕ್ರವರ್ತಿ ನಿರ್ದೇಶನದ ಬೈಲಿಂಗ್ವಲ್‌ ಚಿತ್ರವೊಂದರಲ್ಲಿ ಡಬಲ್‌ ಶೇಡ್‌ನ ಪಾತ್ರದಲ್ಲಿ ನಟಿಸುತ್ತಿದ್ದು, ಈ ಮೂಲಕ ಟಾಲಿವುಡ್‌ಗೆ ಕಾಲಿಡುತ್ತಿದ್ದಾರೆ. ಆ ಚಿತ್ರದ ಕುರಿತು ಅವರಿಲ್ಲಿ ಹೇಳಿಕೊಂಡಿದ್ದಾರೆ.
Admin
0
8
ಪದ್ಮಾ ಶಿವಮೊಗ್ಗ
ಸ್ಯಾಂಡಲ್‌ವುಡ್‌ನಲ್ಲಿ'ಮತ್ತೆ ಉದ್ಭವ' ಚಿತ್ರದಲ್ಲಿ ನಟಿಸಿದ್ದ ಈಗ ಟಾಲಿವುಡ್‌ನಲ್ಲಿ ತಮ್ಮ ಅದೃಷ್ಟ ಪರೀಕ್ಷೆ ಮಾಡಲು ಹೊರಟಿದ್ದಾರೆ. ತೆಲುಗಿನ ಜನಪ್ರಿಯ ನಿರ್ದೇಶಕ, ನಟ ನಿರ್ದೇಶನದ ಹೊಸ ಚಿತ್ರದಲ್ಲಿ ಅವರು ನಟಿಸಲಿದ್ದಾರೆ. ಈ ಬೈಲಿಂಗ್ವಲ್‌ ಸಿನಿಮಾದಲ್ಲಿ ಬಹುತೇಕ ಕನ್ನಡಿಗರೇ ನಟಿಸುತ್ತಿದ್ದು, ಇದು ಕನ್ನಡ ಮತ್ತು ತೆಲುಗು ಭಾಷೆಗಳಲ್ಲಿ ರಿಲೀಸ್‌ ಆಗಲಿದೆ. ಈ ಚಿತ್ರಕ್ಕೆ '24 ಇನ್‌ಟು 7' ಎಂದು ಹೆಸರಿಡಲಾಗಿದೆ.
'ಜೆ.ಡಿ. ಚಕ್ರವರ್ತಿ ಜನಪ್ರಿಯ ನಟ ಮತ್ತು ನಿರ್ದೇಶಕ. ಅವರ ಸಿನಿಮಾಗೆ ಆಫರ್‌ ಬಂದಾಗ ನನಗೆ ತುಂಬಾ ಖುಷಿಯಾಯ್ತು. ಇದು ಸಸ್ಪೆನ್ಸ್‌ ಥ್ರಿಲ್ಲರ್‌ ಸಿನಿಮಾ. ಅವರು ಕೂಡ ಇದರಲ್ಲಿ ಪ್ರಮುಖ ಪಾತ್ರವೊಂದರಲ್ಲಿ ನಟಿಸುತ್ತಿದ್ದಾರೆ. ನನ್ನದು ಕಾಲೇಜು ಹುಡುಗಿಯ ಪಾತ್ರ. ಈ ಪಾತ್ರವೇ ಸಸ್ಪೆನ್ಸ್‌ ರೀತಿಯಲ್ಲಿದೆ. ಸಿನಿಮಾ ಚೆನ್ನಾಗಿ ಮೂಡಿ ಬರುತ್ತಿದೆ' ಎಂದಿದ್ದಾರೆ ಶುಭರಕ್ಷಾ.
ಈ ಮೊದಲು 'ಆಪಲ್‌ ಕೇಕ್‌', 'ಮೂಕವಿಸ್ಮಿತ', 'ರಾಬರ್ಟ್‌' ಸಿನಿಮಾಗಳಲ್ಲಿ ನಟಿಸಿರುವ ಅವರ ನಟನೆಯ 'ಗುಡುಗು' ಸಿನಿಮಾವೂ ರಿಲೀಸ್‌ಗೆ ರೆಡಿ ಇದೆ. ಜತೆಗೆ ಅವರೀಗ ತಮಿಳು ಸೀರಿಯಲ್‌ನಲ್ಲಿ ನೆಗೆಟಿವ್‌ ರೋಲ್‌ನಲ್ಲಿ ನಟಿಸುತ್ತಿದ್ದಾರೆ. 'ಬಬ್ಲಿಯಾಗಿ ಹೀರೋಯಿನ್‌ ಪಾತ್ರಗಳನ್ನು ಯಾರು ಬೇಕಾದರೂ ಮಾಡುತ್ತಾರೆ. ಆದರೆ ಬಬ್ಲಿ ಕ್ಯಾರೆಕ್ಟರ್‌ ಮಾಡೋರಿಗೆಲ್ಲ ನೆಗೆಟಿವ್‌ ಪಾತ್ರಗಳಲ್ಲಿ ನಟಿಸೋದು ಸುಲಭವಲ್ಲ. ನನಗೆ ಇಂಥ ಚಾಲೆಂಜಿಂಗ್‌ ಪಾತ್ರಗಳು ಇಷ್ಟ. ನೆಗೆಟಿವ್‌ ಪಾತ್ರಕ್ಕೆ ನನ್ನ ಹೈಟ್‌ ಕೂಡ ಪೂರಕವಾಗಿದೆ' ಎಂದಿದ್ದಾರೆ ಅವರು.
'ಕಮರೊಟ್ಟು ಚೆಕ್‌ಪೋಸ್ಟ್‌' ಚಿತ್ರದಲ್ಲಿ ನಟಿಸಿದ್ದ ಸನತ್‌ ಈ ಚಿತ್ರದಲ್ಲಿ ಶುಭರಕ್ಷಾರಿಗೆ ಜೋಡಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ನಾಗೇಂದ್ರ ಅರಸ್‌ ಸಂಕಲನವಿದ್ದು, ವಿನಯಾ ಪ್ರಸಾದ್‌, ಶಿವರಾಮ್‌, ಸುನಿಲ್‌ ಪುರಾಣಿಕ್‌ ಮತ್ತಿತರರು ನಟಿಸುತ್ತಿದ್ದಾರೆ.
ಕೋಟ್‌
ತಮಿಳು, ತೆಲುಗು ಮುಂತಾದ ಭಾಷೆಗಳಲ್ಲಿ ಹೆಸರು ಮಾಡಿರುವ ದೊಡ್ಡ ನಿರ್ದೇಶಕ ಜೆ.ಡಿ ಚಕ್ರವರ್ತಿ. ನನಗೆ ಅವರ ಸಿನಿಮಾದಲ್ಲಿ ನಟಿಸುವ ಅವಕಾಶ ಸಿಕ್ಕಿದ್ದು ಖುಷಿಯ ವಿಷಯ. ಈ ಚಿತ್ರದ ಬಗ್ಗೆ ಬಹಳ ನಿರೀಕ್ಷೆ ಇಟ್ಟುಕೊಂಡಿದ್ದೇವೆ.
-ಶುಭರಕ್ಷಾ, ನಟಿ
