ತನಗೆ ಬಟ್ಟೆ ಹಾಕಲು ಕಷ್ಟಪಟ್ಟ ಕಾಸ್ಟ್ಯೂಮ್ ಡಿಸೈನರ್ಸ್‌ನ್ನು ಆರ್ಮಿ ಎಂದು ಕರೆದ ಸನ್ನಿ ಲಿಯೋನ್!

ಸಿನಿಮಾ, ಸಾಮಾಜಿಕ ಕೆಲಸಗಳಿಂದ ಸುದ್ದಿಯಾಗುವ ನಟಿ ಅವರು ಯುಗದಲ್ಲಿ ಮಕ್ಕಳ ಆರೈಕೆ ಮಾಡೋದು ದೊಡ್ಡ ಕಷ್ಟ ಅಂತ ಹೇಳಿದ್ದರು. ವರ್ಕ್ ಫ್ರಂ ಹೋಮ್ ಮಾಡುತ್ತಿರುವುದಾಗಿಯೂ ಹೇಳಿಕೊಂಡಿದ್ದರು. ಈಗ ಅವರು ಹಂಚಿಕೊಂಡ ವಿಡಿಯೋವೊಂದು ವೈರಲ್ ಆಗುತ್ತಿದೆ. ಸನ್ನಿ ಲಿಯೋನ್ ಬಟ್ಟೆ ತೊಟ್ಟುಕೊಳ್ಳಲು ಕಷ್ಟ ಪಡುತ್ತಿರುವ ವೀಡಿಯೋ ಸಖತ್ ವೈರಲ್ ಆಗಿದೆ. ಸ್ವತಃ ಸನ್ನಿ ಲಿಯೋನ್ ಅವರು ಈ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಬಾಲಿವುಡ್‍ನ ಜನಪ್ರಿಯ Splitsvilla ಶೋಗೆ ನಿರೂಪಕಿಯಾಗಿರುವ ಸನ್ನಿ ಲಿಯೋನ್ ಅವರು, ಈ ಕಾರ್ಯಕ್ರಮಕ್ಕೆ ತಯಾರಾಗುತ್ತಿರುವಾಗ ತನಗೆ ಕಾಸ್ಟ್ಯೂಮ್ ತೊಡಿಸಲು ಅವರ ತಂಡ ಎಷ್ಟು ಕಷ್ಟಪಟ್ಟಿದೆ ಎಂದು ಹೇಳಿದ್ದಾರೆ. ಸೆಲೆಬ್ರಿಟಿಗಳ ಬಟ್ಟೆ, ಕೂದಲು, ಮೇಕಪ್ ಮಾಡಲು ಅವರ ತಂಡವಿರುತ್ತದೆ. ಸನ್ನಿ ಲಿಯೋನ್ ಅವರು Splitsvilla ಕಾರ್ಯಕ್ರಮಕ್ಕೆ ಗೌನ್ ಧರಿಸಿ ಸಿದ್ಧಗೊಳಿಸುತ್ತಿದ್ದರು. ಆ ಸಮಯದಲ್ಲಿ ಸನ್ನಿ ಬೆನ್ನಿನ ಭಾಗದಲ್ಲಿದ್ದ ಜಿಪ್ ಮೇಲೇರಿಸಲು ಆಗದೆ ಅವರ ಕಾಸ್ಟ್ಯೂಮ್ ತಂಡವೊಂದು ಹರಸಾಹಸಪಟ್ಟಿದೆ. ಅಂದಹಾಗೆ ತೆರೆ ಹಿಂದೆ ಸನ್ನಿ ರೆಡಿಯಾಗುತ್ತಿರುವ ದೃಶ್ಯ ಇದಾಗಿದೆ, ಈ ತಂಡವನ್ನು ಮಾದಕ ನಟಿ ಆರ್ಮಿ ಎಂದು ಕರೆದಿದ್ದಾರೆ. ಗೌನ್ ಸರಿಯಾಗಿ ಕಾಣುವಂತೆ ಮಾಡಲು ಆರ್ಮಿಯೇ ಬೇಕಾಗುತ್ತದೆ ಎಂದು ಸನ್ನಿ ಲಿಯೋನ್ ಅವರು ಹೇಳಿಕೊಂಡಿದ್ದಾರೆ. ಸನ್ನಿ ಲಿಯೋನ್ ಅವರ ಈ ಪೋಸ್ಟ್‌ಗೆ ಬಗೆಬಗೆಯ ಕಾಮೆಂಟ್‌ಗಳು ಬಂದಿವೆ. ಸನ್ನಿ ಸದ್ಯ ಮನೆಯಲ್ಲಿ ಸಿನಿಮಾ ಕೆಲಸ ಮತ್ತು ಕುಟುಂಬಕ್ಕೆ ಆದ್ಯತೆ ನೀಡುತ್ತಿದ್ದಾರೆ. ಟ್ಯೂಟರ್‌ ಒಬ್ಬರ ಮೂಲಕ ಅವರು ಮಲಯಾಳಂ ಭಾಷೆ ಕಲಿಯುತ್ತಿದ್ದಾರೆ. ಇನ್ನು ಕರ್ನಾಟಕದ ಹಳ್ಳಿಯೊಂದರಲ್ಲಿ ಸನ್ನಿ ಲಿಯೋನ್‌ ಬರ್ತಡೇಗೆ ಪೋಸ್ಟರ್ ಮಾಡಿಸಲಾಗಿತ್ತು. ಈ ಪೋಸ್ಟರ್‌ನ್ನು ಸನ್ನಿ ಹಂಚಿಕೊಂಡಿದ್ದರು.