ತಂದೆಯಿಂದಲೇ ಮಗಳ ಮೇಲೆ ಅತ್ಯಾಚಾರ, ಸುದ್ದಿ ತಿಳಿದ ಸಹೋದರ ಆತ್ಮಹತ್ಯೆ
ರಾಜಸ್ಥಾನದ ಜಲೋರ್ ಜಿಲ್ಲೆಯಲ್ಲಿ ತಂದೆಯೊಬ್ಬ ತನ್ನ ಅಪ್ರಾಪ್ತ ವಯಸ್ಸಿನ ಮಗಳ ಮೇಲೆ ಅತ್ಯಾಚಾರ ಮಾಡಿದ್ದಾನೆ. ಈ ಬಗ್ಗೆ ತಿಳಿದ ಬಳಿಕ ಆತನ ಮಗ ನೋವಿನಿಂದ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.
Admin
0
6
ಜೋಧಪುರ: ರಾಜಸ್ಥಾನದ ಜಲೋರ್ ಜಿಲ್ಲೆಯಲ್ಲಿ ವ್ಯಕ್ತಿಯೊಬ್ಬ ತನ್ನ ಅಪ್ರಾಪ್ತ ವಯಸ್ಸಿನ ಮಗಳನ್ನೇ ಮಾಡಿದ ದುರ್ಘಟನೆ ನಡೆದಿದೆ. ಈ ಘಟನೆ ಬಗ್ಗೆ ತಿಳಿದು ನೊಂದ ಆ ವ್ಯಕ್ತಿಯ ಮಗ ಮಾಡಿಕೊಂಡಿದ್ದಾನೆ ಎಂದು ಪೊಲೀಸರು ಭಾನುವಾರ ತಿಳಿಸಿದ್ದಾರೆ.
ಸುಮಾರು 32 ನಿಮಿಷಗಳ ಆಡಿಯೋ ತುಣುಕು ಶನಿವಾರ ವೈರಲ್ ಆಗಿತ್ತು. ತಂದೆಯಿಂದ ನಡೆದ ಅತ್ಯಾಚಾರದ ಬಗ್ಗೆ ತನ್ನ ಚಿಕ್ಕಮ್ಮನ ಬಳಿ ಮಾಹಿತಿ ನೀಡುವ ಆಡಿಯೋ ಕ್ಲಿಪ್ ಹರಿದಾಡಿದ ಬಳಿಕ ಬಾಲಕಿಯ ಸಹೋದರನಿಗೆ ಅದರ ಬಗ್ಗೆ ಗೊತ್ತಾಗಿದೆ. ಅದರಲ್ಲಿ ಬಾಲಕಿ ತನ್ನ ಮೇಲೆ ಅತ್ಯಾಚಾರದ ನಡೆದ ಸಂಪೂರ್ಣ ವಿವರ ಹೇಳಿದ್ದಳು. ಈ ಬಗ್ಗೆ ಪೊಲೀಸರು ತನಿಖೆ ಆರಂಭಿಸಿದ್ದರು. ಆದರೆ ಅದೇ ದಿನ ಬಾಲಕಿಯ ಸಹೋದರ ಜಲೋರ್ ಜಿಲ್ಲೆಯ ಸಂಚೋರಾ ಪ್ರದೇಶದಲ್ಲಿರುವ ನರ್ಮದಾ ಕಾಲುವೆಗೆ ಜಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಪೊಲೀಸರು ಮನೆಗೆ ತಲುಪುವ ವೇಳೆ ಬಾಲಕಿಯ ತಂದೆ ಪರಾರಿಯಾಗಿದ್ದ. ಆತನಿಗಾಗಿ ಹುಡುಕಾಟ ನಡೆಯುತ್ತಿದ್ದು, ಬಾಲಕಿಯ ಹೇಳಿಕೆ ದಾಖಲಿಸಿಕೊಳ್ಳಲಾಗುತ್ತಿದೆ.
ಈ ಆಡಿಯೋ ಕ್ಲಿಪ್‌ನಲ್ಲಿ, ಮೊಬೈಲ್ ಫೋನ್ ಕೊಡಿಸುವ ನೆಪದಲ್ಲಿ ತನ್ನನ್ನು ಕಾರಿನಲ್ಲಿ ಕರೆಸಿಕೊಂಡು ಹೋಗಿದ್ದ ತಂದೆ, ಅತ್ಯಾಚಾರ ಎಸಗಿದ್ದಾಗಿ ಹೇಳುವುದು ದಾಖಲಾಗಿದೆ. ಈ ಘಟನೆ ಯಾವಾಗ ನಡೆದಿತ್ತು ಎನ್ನುವುದು ಸಂಭಾಷಣೆಯಲ್ಲಿ ಸ್ಪಷ್ಟವಾಗಿಲ್ಲ. ಆ ದಿನ ಅಣ್ಣನನ್ನು ಕೂಡ ಕರೆದುಕೊಂಡು ಹೋಗುವಂತೆ ಅಮ್ಮ ಹೇಳಿದ್ದರು. ಆದರೆ ಅದಕ್ಕೆ ಅಪ್ಪ ಅದಕ್ಕೆ ಒಪ್ಪಿರಲಿಲ್ಲ ಎಂದು ಬಾಲಕಿ ತಿಳಿಸಿದ್ದಾಳೆ.
ತಾನು ಮಲಗಿದ್ದಾಗಲೂ ಅಪ್ಪ ತನ್ನನ್ನು ತನ್ನ ವಾಂಛೆ ತೀರಿಸಿಕೊಳ್ಳಲು ಅನೇಕ ಬಾರಿ ಬಳಸಿಕೊಂಡಿದ್ದರು. ಮನೆಯಿಂದ ಒಬ್ಬಳೇ ಹೊರಗೆ ಹೋಗದಂತೆ, ಕುಟುಂಬದ ಯಾರೊಂದಿಗೂ ಮಾತನಾಡದಂತೆ ಸೂಚಿಸಿದ್ದರು. ತಂದೆಯ ವರ್ತನೆಯಿಂದ ಕಿರುಚಿದಾಗ ತನ್ನ ತಾಯಿ ತನ್ನನ್ನು ಬೈದಿದ್ದರು ಎಂದೂ ಆಕೆ ಹೇಳಿರುವುದು ದಾಖಲಾಗಿದೆ.
ಬಾಲಕಿಯ ಈ ಮಾತುಗಳು ಹೇಗೋ ಬಹಿರಂಗವಾಗಿದ್ದು, ಅದು ಆಕೆಯ ಅಣ್ಣನಿಗೂ ಸಿಕ್ಕಿದೆ. ಸಂಭಾಷಣೆಯನ್ನು ಸಂಪೂರ್ಣವಾಗಿ ಕೇಳಿದ್ದ ಆತ, ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
