ತಂದೆಯ ಶವದ ಮುಂದೆ ಫೋಟೋಶೂಟ್ ಮಾಡಿಸಿದ ಮಾಡೆಲ್‌ಗೆ ನೆಟ್ಟಿಗರಿಂದ ತರಾಟೆ!

ತಂದೆ ಅಂತ್ಯ ಸಂಸ್ಕಾರದ ವೇಳೆ ಶವದ ಮುಂದೆ ಮಾಡಿಸಿರುವ ಫ್ಲೋರಿಡಾದ ಮೈಮಿ ನಗರದ ಸ್ಟಾರ್, ಮಾಡೆಲ್ ಜಯ್ನೆ ರಿವೇರಾ ವಿರುದ್ಧ ನೆಟ್ಟಿಗರು ಆಕ್ರೋಶ ಹೊರಹಾಕುತ್ತಿದ್ದಾರೆ. ತಂದೆ ಶವದ ಮುಂದೆ ಅವರು ಫೋಟೋಶೂಟ್ ಮಾಡಿಸಿ, ಆ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಜಯ್ನೆ ರಿವೇರಾ ತಂದೆ ಬಗ್ಗೆ ಏನು ಹೇಳಿದ್ರು? ಇನ್‌ಸ್ಟಾಗ್ರಾಮ್‌ನಲ್ಲಿ ಜಯ್ನೆ ರಿವೇರಾಗೆ ದೊಡ್ಡ ಮಟ್ಟದ ಅಭಿಮಾನಿ ಬಳಗವಿದೆ. ಅಪ್ಪನ ಶವದ ಮುಂದೆ ನಿಂತು ಫೋಟೋಶೂಟ್ ಮಾಡಿಸಿರುವ ಜಯ್ನೆ ರಿವೇರಾ ಅವರು "ಚಿಟ್ಟೆ ದೂರ ಹಾರಿದೆ. ನೀವು ನನ್ನ ಬೆಸ್ಟ್ ಫ್ರೆಂಡ್, ನಿಮ್ಮ ಆತ್ಮಕ್ಕೆ ಶಾಂತಿ ಸಿಗಲಿ. ಚೆನ್ನಾಗಿ ಬದುಕಿದ್ರಿ" ಎಂದು ಕ್ಯಾಪ್ಶನ್ ನೀಡಿದ್ದರು. ಸಖತ್ ಸ್ಟೈಲಿಶ್ ಆಗಿ ಜಯ್ನೆ ಅವರು ನಗುತ್ತಾ, ವಿಧ ವಿಧವಾಗಿ ಫೋಟೋಕ್ಕೆ ಪೋಸ್ ನೀಡಿದ್ದಾರೆ. ಅದು ನೆಟ್ಟಿಗರ ಕೋಪವನ್ನು ಇನ್ನಷ್ಟು ಉದ್ರೇಕಗೊಳಿಸಿದೆ. #DadLess ಎಂದು ಕೂಡ ಜಯ್ನೆ ಅವರು ಹ್ಯಾಶ್‌ಟ್ಯಾಗ್ ನೀಡಿದ್ದಾರೆ. ಜಯ್ನೆಗೆ 3 ಲಕ್ಷಕ್ಕೂ ಅಧಿಕ ಟಿಕ್ ಟಾಕ್ ಫಾಲೋವರ್ಸ್ ಇದ್ದಾರೆ. ಫ್ಯಾಷನ್, ಟ್ರಾವೆಲ್, ಸ್ವಿಮ್‌ಸೂಟ್‌ ಕುರಿತಂತೆ ಜಿಯ್ನಾ ಸಾಕಷ್ಟು ಪೋಸ್ಟ್ ಹಾಕಿದ್ದಾರೆ. ಅಂದಹಾಗೆ ಜಯ್ನೆ ರಿವೇರಾಗೆ 20 ವರ್ಷ. ಜಯ್ನೆ ರಿವೇರಾ ಬಗ್ಗೆ ನೆಟ್ಟಿಗರು ಏನು ಹೇಳಿದ್ದಾರೆ?

• ಸೋಶಿಯಲ್ ಮೀಡಿಯಾ ಎಂಗೇಜ್‌ಮೆಂಟ್‌ಗೋಸ್ಕರ ಏನಾದರೂ ಮಾಡಬಹುದು ಅಂತ ನೀವು ಅಂದುಕೊಂಡಿರಬಹುದು, ಆದರೆ ಕೆಲವು ಕಡೆಯಾದರೂ ಫೋನ್‌ನ್ನು ದೂರ ಇಡಬೇಕು
• ತಂದೆಗೆ ಗೌರವ ಕೊಡಿ
• ನಿಮ್ಮ ಬಗ್ಗೆ ತಿಳಿದುಕೊಳ್ಳಬೇಕಿದೆ
• ನೀವು ಈ ಫೋಟೋಗಳನ್ನು ಡಿಲಿಟ್ ಮಾಡಿ, ಕ್ಷಮೆ ಕೇಳಿ
• ಸ್ವಲ್ಪವೂ ಸೂಕ್ಷ್ಮತೆ, ಜವಾಬ್ದಾರಿ ಇಲ್ಲ
• ಇದು ಕೆಟ್ಟ ನಡವಳಿಕೆ
• ಇನ್ನು ಜಯ್ನಾ ರಿವೇರಾ ಅವರ ಪೋಸ್ಟ್‌ಗೆ ಸಾಕಷ್ಟು ನೆಗೆಟಿವ್ ಕಾಮೆಂಟ್ ಬರುತ್ತಿದ್ದಂತೆ ಅವರು ಅಕೌಂಟ್ ಡಿಆಕ್ಟಿವೇಟ್ ಮಾಡಿದ್ದಾರೆ.

ಲೈಕ್, ಕಾಮೆಂಟ್‌ಗೋಸ್ಕರ ಏನೇನೋ ಮಾಡಲಾಗತ್ತೆಸೋಶಿಯಲ್ ಮೀಡಿಯಾ ಇನ್‌ಫ್ಲುಯೆನ್ಸರ್ ಎಂದು ಹೇಳಿಕೊಂಡು, ಏನೇನೋ ವಿಡಿಯೋ, ಫೋಟೋ ಅಪ್‌ಲೋಡ್ ಮಾಡುತ್ತಿರುವವರ ಸಂಖ್ಯೆ ಹೆಚ್ಚುತ್ತಿದೆ. ಸೋಶಿಯಲ್ ಮೀಡಿಯಾವನ್ನು ಸದ್ಬಳಕೆ ಮಾಡಿಕೊಳ್ಳೋದಕ್ಕಿಂತ ಹೆಚ್ಚಾಗಿ ದುರ್ಬಳಕೆ ಮಾಡಿಕೊಳ್ಳಲಾಗುತ್ತಿದೆ. ಲೈಕ್, ಕಾಮೆಂಟ್‌ಗೋಸ್ಕರ ಏನೇನೋ ಮಾಡಲಾಗುತ್ತದೆ. ಟಿಕ್ ಟಾಕ್ ಬ್ಯಾನ್ ಆಗಿದೆ ಟಿಕ್ ಟಾಕ್ ಭಾರತದಲ್ಲಿ ಬ್ಯಾನ್ ಆಗಿದೆ, ಆದರೆ ಅದರಂತೆ ವರ್ಕ್ ಆಗುವ ಸಾಕಷ್ಟು ಆಪ್‌ಗಳು ಹುಟ್ಟಿಕೊಂಡಿವೆ. ಸೋಶಿಯಲ್ ಮೀಡಿಯಾದಲ್ಲಿ ಲಿಪ್ ಸಿಂಕ್ ಮಾಡಿಕೊಂಡು, ಏನೇನೋ ಕಂಟೆಂಟ್ ಸೃಷ್ಟಿ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ಅಪ್‌ಲೋಡ್ ಮಾಡುವವರ ಸಂಖ್ಯೆ ಜಾಸ್ತಿ ಇದೆ. ಸೆಲೆಬ್ರಿಟಿಗಳಿಂದ ಸಾಮಾನ್ಯ ಜನರವರೆಗೂ ಎಷ್ಟೋ ಜನರು ಫೋಟೋ, ವಿಡಿಯೋ ಎಂದು ಲೈಕ್ ಹಿಂದೆ ಬೀಳುವವರಿದ್ದಾರೆ. ಇದರಿಂದ ಪ್ರಯೋಜನ-ದುಷ್ಪರಿಣಾಮ ಎರಡೂ ಇದೆ. ಆದರೆ ನಾವು ಹೇಗೆ ಬಳಸಿಕೊಳ್ಳುತ್ತೇವೆ ಎಂಬುದು ಮುಖ್ಯ.