ತತ್ತರಿಸಿದ ಷೇರುಪೇಟೆ, ಟಾಪ್‌ 10ರಲ್ಲಿ 9 ಕಂಪನಿಗಳ ಮಾರುಕಟ್ಟೆ ಮೌಲ್ಯ 2.62 ಲಕ್ಷ ಕೋಟಿ ರೂ. ಇಳಿಕೆ!

ಮುಂಬಯಿ: ಕಳೆದ ವಾರ ಸೂಚ್ಯಂಕ ಭಾರಿ ಕುಸಿತ ಕಂಡ ಹಿನ್ನೆಲೆಯಲ್ಲಿ ದೇಶದ ಪ್ರಮುಖ 10 ಕಂಪನಿಗಳಲ್ಲಿ 9 ಕಂಪನಿಗಳ ಮಾರುಕಟ್ಟೆ ಮೌಲ್ಯದಲ್ಲಿ ಭಾರೀ ಕುಸಿತ ದಾಖಲಾಗಿದೆ. ಒಟ್ಟಾರೆ 9 ಕಂಪನಿಗಳ ಮಾರುಕಟ್ಟೆ ಮೌಲ್ಯದಲ್ಲಿ 2,62,146.32 ಕೋಟಿ ರೂ. ಇಳಿಕೆ ದಾಖಲಾಗಿದ್ದು, ಪ್ರಮುಖವಾಗಿ ಮತ್ತು ಲಿ. ತೀವ್ರ ಕುಸಿತ ಕಂಡಿದೆ. ಕಳೆದ ವಾರ ಬಾಂಬೆ ಷೇರು ಮಾರುಕಟ್ಟೆ ಸೂಚ್ಯಂಕ ಸೆನ್ಸೆಕ್ಸ್‌ 2,528.86 ಅಂಕ ಅಥವಾ ಶೇ. 4.24ರಷ್ಟು ಕುಸಿತ ಕಂಡಿದೆ. ಆದರೆ ಈ ಭಾರಿ ಕುಸಿತದ ನಡುವೆಯೂ 10 ರಲ್ಲಿ ಒಂದು ಕಂಪನಿ ಮಾತ್ರ ಗಳಿಕೆ ದಾಖಲಿಸಿರುವುದು ವಿಶೇಷ. ಈ ದೊಡ್ಡ ಪ್ರಮಾಣದ ಕುಸಿತದಲ್ಲೂ ಏರ್‌ಟೆಲ್‌ ಷೇರುಗಳು ಗಳಿಕೆ ದಾಖಲಿಸಿದ್ದು, ಕಂಪನಿಯ ಮಾರುಕಟ್ಟೆ ಮೌಲ್ಯವೂ ಏರಿಕೆಯಾಗಿದೆ. ಬಜಾಜ್‌ ಫೈನಾನ್ಸ್‌ ಮಾರುಕಟ್ಟೆ ಮೌಲ್ಯದಲ್ಲಿ 41,518.24 ಕೋಟಿ ರೂ. ಇಳಿಕೆಯಾಗಿದ್ದು 4,10,670.50 ಕೋಟಿ ರೂ.ಗೆ ಕುಗ್ಗಿದೆ. ರಿಲಯನ್ಸ್‌ ಇಂಡಸ್ಟ್ರೀಸ್‌ ಲಿ. (ಆರ್‌ಐಎಲ್‌) ಮಾರುಕಟ್ಟೆ ಮೌಲ್ಯ 38,440.66 ಕೋಟಿ ರೂ. ಕೆಳಕ್ಕಿಳಿದಿದ್ದು 15,30,109.51 ಕೋಟಿಗೆ ತಲುಪಿದೆ. ದೇಶದ ಪ್ರಮುಖ ಸಾಫ್ಟ್‌ವೇರ್‌ ಕಂಪನಿ ಇನ್ಫೋಸಿಸ್‌ನ ಮಾರುಕಟ್ಟೆ ಮೌಲ್ಯದಲ್ಲಿ 37,950.03 ಕೋಟಿ ರೂ. ನಷ್ಟ ಉಂಟಾಗಿದ್ದು, ಸದ್ಯ ಕಂಪನಿ 7,10,925.34 ಕೋಟಿ ರೂ. ಮಾರುಕಟ್ಟೆ ಮೌಲ್ಯ ಹೊಂದಿದೆ. 33,067.68 ಕೋಟಿ ರೂ. ಮಾರುಕಟ್ಟೆ ಮೌಲ್ಯದ ಇಳಿಕೆಯೊಂದಿಗೆ ಎಚ್‌ಡಿಎಫ್‌ಸಿ ಮಾರುಕಟ್ಟೆ ಮೌಲ್ಯ 4,96,168.98 ಕೋಟಿ ರೂ.ಗೆ ಕುಸಿದಿದೆ. ಸರಕಾರಿ ಸ್ವಾಮ್ಯದ ಸ್ಟೇಟ್ ಬ್ಯಾಂಕ್‌ ಆಫ್‌ ಇಂಡಿಯಾದ ಮಾರುಕಟ್ಟೆ ಮೌಲ್ಯ 29,852.83 ಕೋಟಿ ರೂ. ಕುಸಿತ ಕಂಡು 4,19,902.97 ಕೋಟಿ ರೂ.ಗೆ ತಲುಪಿದೆ. ಖಾಸಗಿ ರಂಗದ ಎರಡನೇ ಅತೀ ದೊಡ್ಡ ಬ್ಯಾಂಕ್‌ ಐಸಿಐಸಿಐ ಬ್ಯಾಂಕ್‌ನ ಮಾರ್ಕೆಟ್‌ ಕ್ಯಾಪಿಟಲ್‌ 28,567.03 ಕೋಟಿ ರೂ. ಕುಸಿತದ ಮೂಲಕ 5,01,039.91 ಕೋಟಿ ರೂ.ಗೆ ತಲುಪಿದೆ. ಖಾಸಗಿ ರಂಗದ ಅತೀ ದೊಡ್ಡ ಬ್ಯಾಂಕ್‌ ಎಚ್‌ಡಿಎಫ್‌ಸಿ ಬ್ಯಾಂಕ್‌ನ ಮಾರುಕಟ್ಟೆ ಮೌಲ್ಯದಲ್ಲಿ 26,873.77 ಕೋಟಿ ರೂ. ನಷ್ಟವಾಗಿದ್ದು 8,25,658.59 ಕೋಟಿ ರೂ.ಗೆ ಕುಸಿದಿದೆ. ಹಿಂದೂಸ್ಥಾನ್‌ ಯುನಿಲೆವರ್‌ ಲಿ. (ಎಚ್‌ಯುಎಲ್‌) ಮಾರುಕಟ್ಟೆ ಮೌಲ್ಯ 14,778.93 ಕೋಟಿ ರೂ. ಕುಸಿತ ಕಂಡು 5,48,570.82 ಕೋಟಿ ರೂ.ಗೆ ಇಳಿದಿದೆ. ದೇಶದ ಅತೀ ದೊಡ್ಡ ಸಾಫ್ಟ್‌ವೇರ್‌ ಕಂಪನಿ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್‌ (ಟಿಸಿಎಸ್‌) 11,097.15 ಕೋಟಿ ರೂ. ಮಾರುಕಟ್ಟೆ ಮೌಲ್ಯ ಕಳೆದುಕೊಂಡಿದ್ದು ಸದ್ಯ 12,74,563.64 ಕೋಟಿ ರೂ. ಮಾರ್ಕೆಟ್‌ ಕ್ಯಾಪಿಟಲ್‌ ಹೊಂದಿದೆ. ಇವೆಲ್ಲದರ ನಡುವೆಯೂ ಮಾರುಕಟ್ಟೆ ಮೌಲ್ಯ ವೃದ್ಧಿಸಿಕೊಂಡಿರುವ ಒಂದೇ ವಾರದಲ್ಲಿ 12,769.55 ಕೋಟಿ ರೂ. ಮಾರ್ಕೆಟ್‌ ವ್ಯಾಲ್ಯೂ ಹೆಚ್ಚಿಸಿಕೊಂಡು 4,05,009.55 ಕೋಟಿ ರೂ.ಗೆ ವೃದ್ಧಿಸಿಕೊಂಡಿದೆ. ದೇಶದ ಪ್ರಮುಖ 10 ಕಂಪನಿಗಳಲ್ಲಿ ಮಾರುಕಟ್ಟೆ ಮೌಲ್ಯದ ಲೆಕ್ಕದಲ್ಲಿ ರಿಲಯನ್ಸ್‌ ಮೊದಲ ಸ್ಥಾನದಲ್ಲಿದೆ. ನಂತರದ ಸ್ಥಾನದಲ್ಲಿ ಟಿಸಿಎಸ್‌, ಎಚ್‌ಡಿಎಫ್‌ಸಿ ಬ್ಯಾಂಕ್‌, ಇನ್ಫೋಸಿಸ್‌, ಹಿಂದೂಸ್ಥಾನ್‌ ಯುನಿಲೆವರ್‌ ಲಿ., ಐಸಿಐಸಿಐ ಬ್ಯಾಂಕ್‌, ಎಚ್‌ಡಿಎಫ್‌ಸಿ, ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ, ಬಜಾಜ್‌ ಫೈನಾನ್ಸ್‌ ಮತ್ತು ಭಾರ್ತಿ ಏರ್‌ಟೆಲ್‌ ಇವೆ.