ಗರ್ಲ್‌ಫ್ರೆಂಡ್‌ ಸಲುವಾಗಿ ಸಹಾಯ ಕೇಳಿದ ಪ್ರಿಯತಮ; ಸೋನು ಸೂದ್ ನೀಡಿದ ಉತ್ತರವೇನು?

ಖ್ಯಾತ ಅವರು ಕಳೆದ ಒಂದು ವರ್ಷಗಳಿಂದ ಸಿನಿಮಾ ನಟನೆಗಿಂತ ಜಾಸ್ತಿ, ಸಾಮಾಜಿಕ ಕೆಲಸಗಳಿಗೆ ಸುದ್ದಿಯಾಗುತ್ತಿದ್ದಾರೆ. ಈಗಾಗಲೇ ಸಾಕಷ್ಟು ಜನರಿಗೆ ಸಹಾಯ ಮಾಡಿರುವ ಸೋನು ಸೂದ್ ಅವರಿಗೆ ಒಂದು ವಿಚಿತ್ರವಾದ ಸಹಾಯ ಮಾಡುವಂತೆ ಮನವಿ ಮಾಡಲಾಗಿದೆ. ಹೌದು, ಪ್ರಿಯತಮನೊಬ್ಬ ನನ್ನ ಗರ್ಲ್‌ಫ್ರೆಂಡ್‌ಗೆ ಕಳಿಸಿಕೊಡಿ ಎಂದು ಮನವಿ ಮಾಡಿದ್ದಾನೆ. ಅದಕ್ಕೆ ಸೋನು ಸೂದ್ ಅವರು ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ. ಅನಾಮಧೇಯ ವ್ಯಕ್ತಿಯೊಬ್ಬ ಟ್ವೀಟ್ ಮಾಡಿ "ಸಹೋದರ, ನನ್ನ ಗರ್ಲ್‌ಫ್ರೆಂಡ್‌ ಐಫೋನ್‌ ಕೇಳುತ್ತಿದ್ದಾಳೆ, ಸಹಾಯ ಮಾಡುವಿರಾ?" ಎಂದು ಬೇಡಿಕೆಯಿಟ್ಟಿದ್ದಾನೆ. ಅದಕ್ಕೆ ಸೋನು ಸೂದ್ ಕೂಡ ಹಾಸ್ಯಭರಿತವಾಗಿ ಉತ್ತರ ನೀಡಿದ್ದು, "ಅದರ ಬಗ್ಗೆ ನನಗೇನೂ ಗೊತ್ತಿಲ್ಲ, ಆದರೆ ನಾನು ಒಂದು ಅವಳಿಗೆ ಐಫೋನ್ ಕೊಟ್ಟರೆ ನಿನಗೇನೂ ಉಳಿಯೋದಿಲ್ಲ" ಎಂದು ಹೇಳಿದ್ದಾರೆ. ಸಿನಿಮಾಗಳಲ್ಲಿ ಖಳನಾಯಕ ಆಗಿರುವ ಸೋನು ಸೂದ್ ಸಾಮಾಜಿಕ ಕೆಲಸಗಳ ಮೂಲಕ ನಿಜ ಜೀವನದಲ್ಲಿ ಅನೇಕರ ಕಣ್ಣಲ್ಲಿ ಹೀರೋ ಆಗಿದ್ದಾರೆ. ಸೋನು ಸೂದ್ ಅವರಿಗೆ ಎಷ್ಟು ಹೊಗಳಿಕೆ ಕೇಳುಬರುತ್ತಿದೆಯೋ ಅದರ ಜೊತೆಗೆ ಕೆಲವೊಮ್ಮೆ ವಿವಾದಗಳು ಎದುರಾಗಿವೆ. ಮಗನಿಗಾಗಿ ಸೋನು ಸೂದ್ ಮೂರು ಕೋಟಿ ರೂಪಾಯಿಯ ಹೊಸದಾಗಿ ಲಾಂಚ್ ಆದ ಮರ್ಸಿಡೀಸ್ ಮೇಬ್ಯಾಕ್ GLS600 ಕಪ್ಪು ಬಣ್ಣದ ಕಾರನ್ನು ಕೊಡಿಸಿದ್ದಾರೆ ಎಂದು ಹೇಳಲಾಗಿತ್ತು. ಆದರೆ ಆ ಮಾತನ್ನು ತಳ್ಳಿಹಾಕಿರುವ ಸೋನು ಸೂದ್ ಅವರು ಟ್ರಯಲ್ ನೋಡುವುದಕ್ಕೋಸ್ಕರ ಡ್ರೈವ್‌ಗೆ ಹೋಗಿದ್ದೆವು ಎಂದು ಹೇಳಿದ್ದಾರೆ. ಸಾಕಷ್ಟು ಸಹಾಯ ಮಾಡುತ್ತಿರುವ ಸೋನು ಸೂದ್ ಆದಾಯದ ಬಗ್ಗೆ ಕೂಡ ಪ್ರಶ್ನೆ ಎದ್ದಿತ್ತು. ಅದಕ್ಕೆ ಉತ್ತರ ನೀಡಿದ್ದ ಸೋನು ಸೂದ್, ನನ್ನ ಆದಾಯದ ಬಗ್ಗೆ ಯಾರು ಬೇಕಾದರೂ ಪ್ರಶ್ನೆಗಳನ್ನು ಕೇಳಲಿ. ಉತ್ತರ ಕೊಡಬೇಕಾಗಿರುವವರಿಗೆ ನಾನು ಉತ್ತರ ಕೊಡುತ್ತೇನೆ. ನಾನು ಯಾವುದಕ್ಕೂ ಹೆದರೋದಿಲ್ಲ. ನಾನು ಮಾಡುತ್ತಿರುವ ಕೆಲಸವನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ. ಅವಶ್ಯವಿರುವವರಿಗೆ ನಾನು ಸಹಾಯ ಮಾಡಿಯೇ ಮಾಡುತ್ತೇನೆ" ಎಂದು ಹೇಳಿದ್ದಾರೆ.