ಕನ್ನಡದ ಬಹುನಿರೀಕ್ಷಿತ ಸಿನಿಮಾದ ಹಾಡಿಗೆ ಧ್ವನಿಯಾದ 'ಕಣ್ಣೆ ಅದಿರಿಂದಿ' ಗಾಯಕಿ ಮಂಗ್ಲಿ!

'ರಾಬರ್ಟ್' ಸಿನಿಮಾದ ತೆಲುಗು ವರ್ಷನ್‌ನಲ್ಲಿದ್ದ 'ಕಣ್ಣೆ ಅದಿರಿಂದಿ' ಹಾಡು ದೊಡ್ಡ ಹಿಟ್ ಆಗಿತ್ತು. ತೆಲುಗಿನ ಹಾಡಾದರೂ, ಕನ್ನಡದಲ್ಲೂ ಅದರ ಹವಾ ಕಮ್ಮಿ ಏನಿರಲಿಲ್ಲ. ಆ ಮೂಲಕ ಮಂಗ್ಲಿಗೆ ಕರ್ನಾಟಕದಲ್ಲೂ ಜನಪ್ರಿಯತೆ ಸಿಕ್ಕಿತ್ತು. ಇದೀಗ ನೇರವಾಗಿ ಕನ್ನಡ ಹಾಡೊಂದನ್ನು ಹಾಡುವುದಕ್ಕೆ ಕರ್ನಾಟಕಕ್ಕೆ ಬಂದಿದ್ದಾರೆ. 'ರಾಬರ್ಟ್'ಗೆ ಸಂಗೀತ ನೀಡಿದ್ದ ಅರ್ಜುನ್ ಜನ್ಯ ಅವರ ಹೊಸ ಸಿನಿಮಾಗೆ ಈ ಹಾಡನ್ನು ಮಂಗ್ಲಿ ಹಾಡಿದ್ದಾರೆ. ಹಾಗಾದ್ರೆ, ಅದು ಯಾವ ಸಿನಿಮಾ? ಮುಂದೆ ಓದಿ. ಏಕ್‌ ಲವ್ ಯಾಗೆ ಮಂಗ್ಲಿ ಗಾಯನ'ಜೋಗಿ' ನಿರ್ದೇಶನ 'ಏಕ್ ಲವ್‌ ಯಾ' ಸಿನಿಮಾಗೆ ಅರ್ಜುನ್ ಜನ್ಯ ಸಂಗೀತ ನೀಡುತ್ತಿದ್ದಾರೆ. ಇದೊಂದು ಸಂಗೀತಮಯ ಲವ್ ಸ್ಟೋರಿ ಆಗಿರುವುದರಿಂದ ಹಾಡುಗಳಿಗೆ ಹೆಚ್ಚಿನ ಪ್ರಾಶಸ್ತ್ಯ ನೀಡಲಾಗಿದೆ. 'ದಿ ವಿಲನ್' ನಂತರ ಪ್ರೇಮ್‌-ಅರ್ಜುನ್ ಜನ್ಯ ಕಾಂಬಿನೇಷನ್‌ನಲ್ಲಿ ಮೂಡಿಬರುತ್ತಿರುವ ಎರಡನೇ ಸಿನಿಮಾ ಇದಾಗಿದೆ. ಈ ಚಿತ್ರದ ಹಾಡೊಂದನ್ನು ಮಂಗ್ಲಿ ಹಾಡಿದ್ದಾರೆ. ಅಂದಹಾಗೆ, ಚಿತ್ರದಲ್ಲಿ ಒಂದು ಎಣ್ಣೆ ಸಾಂಗ್ ಇದೆ. 'ಎಣ್ಣೆಗೂ ಹೆಣ್ಣಿಗೂ ಎಲ್ಲಿಂದ ಲಿಂಕ್ ಇಟ್ಟೇ ಹೇಳೋ ಭಗವಂತ...' ಎಂದು ಶುರುವಾಗುವ ಈ ಹಾಡನ್ನು ಮಂಗ್ಲಿ ಹಾಡಿದ್ದಾರೆ! ಈ ಹಾಡಿನಲ್ಲಿ ನಟಿಸಿರುವುದು 'ಕ್ರೇಜಿ ಕ್ವೀನ್' ರಕ್ಷಿತಾ ಪ್ರೇಮ್ ಅನ್ನೋದು ಮತ್ತೊಂದು ವಿಶೇಷ. ಬಹಳ ದಿನಗಳ ನಂತರ ಈ ಹಾಡಿನ ಮೂಲಕ ಅವರು ಬೆಳ್ಳಿತೆರೆಗೆ ಅವರು ಕಮ್‌ಬ್ಯಾಕ್ ಮಾಡಿದ್ದಾರೆ. ಅವರ ಜೊತೆಗೆ ರಚಿತಾ ರಾಮ್ ಕೂಡ ಈ ಹಾಡಿನಲ್ಲಿ ಮಿಂಚಿದ್ದಾರೆ. ಈ ಹಿಂದೆ ಈ ಹಾಡಿನ ಬಗ್ಗೆ ಮಾತನಾಡಿದ್ದ ರಕ್ಷಿತಾ, 'ನಾನು ಈ ಚಿತ್ರದ ನಿರ್ಮಾಪಕಿಯಾಗಿದ್ದರೂ ಕೂಡ ಈ ಸಿನಿಮಾದ ಹಾಡೊಂದರಲ್ಲಿ ಕಾಣಿಸಿಕೊಳ್ಳುತ್ತೇನೆ ಎಂದು ಗೊತ್ತಿರಲಿಲ್ಲ, ಇದೊಂದು ಹಾಸ್ಯಭರಿತವಾದ ಹಾಡು. ಮನಸ್ಸು ಮುರಿದಾಗ ಸಾಮಾನ್ಯವಾಗಿ ಹುಡುಗರು ಪಾನಮತ್ತರಾಗಿ ಹಾಡುತ್ತಾರೆ, ಆದರೆ ಈ ಹಾಡಿನಲ್ಲಿ ಮಹಿಳೆ 'ಎಣ್ಣೆಗೂ ಹೆಣ್ಣಿಗೂ ಎಲ್ಲಿಂದ ಲಿಂಕ್ ಇಟ್ಟೇ ಹೇಳೋ ಭಗವಂತ...' ಎಂದು ಕೇಳುತ್ತಾಳೆ. ಈ ಹಾಡಿನಲ್ಲಿ ರಾಣಾ, ರಚಿತಾ ರಾಮ್, ನಾನು ಕಾಣಿಸಿಕೊಳ್ಳುತ್ತೇವೆ' ಎಂದಿದ್ದರು. 'ಜೋಗಿ' ಪ್ರೇಮ್ ನಿರ್ದೇಶನದ '' ಸಿನಿಮಾಗೆ ರಕ್ಷಿತಾ ಪ್ರೇಮ್ ಬಂಡವಾಳ ಹಾಕಿದ್ದಾರೆ. ಅವರ ಸಹೋದರ ರಾಣಾ ಇದೇ ಮೊದಲ ಬಾರಿಗೆ ಈ ಸಿನಿಮಾ ಮೂಲಕ ಹೀರೋ ಆಗಿದ್ದಾರೆ. ಅವರಿಗೆ ನಾಯಕಿಯರಾಗಿ ರೀಷ್ಮಾ ನಾಣಯ್ಯ ಮತ್ತು ರಚಿತಾ ರಾಮ್ ಕಾಣಿಸಿಕೊಂಡಿದ್ದಾರೆ. ಮಹೇಂದ್ರ ಸಿಂಹ ಛಾಯಾಗ್ರಹಣ ಮಾಡಿದ್ದಾರೆ. ಚಿತ್ರದ ಬಹುಪಾಲು ಶೂಟಿಂಗ್ ಮುಕ್ತಾಯಗೊಂಡಿದ್ದು, ರಿಲೀಸ್‌ಗೆ ಸಿದ್ಧತೆ ಆರಂಭಗೊಂಡಿದೆ.