ಕಾಜಲ್ ಅಗರ್ವಾಲ್ ಕಡೆಯಿಂದ ಬರಲಿದೆ ಮಹತ್ವದ ಘೋಷಣೆ: ಸಿಹಿ ಸುದ್ದಿನಾ ಅಂತಿದ್ದಾರೆ ಫ್ಯಾನ್ಸ್!
ಕೆಲವೇ ದಿನಗಳಲ್ಲಿ ಮೊದಲ ವಿವಾಹ ವಾರ್ಷಿಕೋತ್ಸವವನ್ನು ಕಾಜಲ್ ಅಗರ್ವಾಲ್ ಮತ್ತು ಗೌತಮ್ ಕಿಚ್ಲು ದಂಪತಿ ಆಚರಿಸಿಕೊಳ್ಳಲಿದ್ದಾರೆ. ಹೀಗಿರುವಾಗಲೇ, ಒಂದು ಮಹತ್ವದ ಘೋಷಣೆ ಮಾಡಲಿದ್ದಾರೆ ನಟಿ ಕಾಜಲ್ ಅಗರ್ವಾಲ್!
Admin
0
6
ಟಾಲಿವುಡ್, ಕಾಲಿವುಡ್ ಹಾಗೂ ಬಾಲಿವುಡ್‌ನಲ್ಲಿ ಮಿಂಚಿರುವ ಚೆಲುವೆ ಕಾಜಲ್ ಅಗರ್ವಾಲ್. ಅನೇಕ ಸೂಪರ್ ಹಿಟ್ ಸಿನಿಮಾಗಳಲ್ಲಿ ಮಿಂಚಿರುವ ಕಳೆದ ವರ್ಷವಷ್ಟೇ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದರು. ಇನ್ನು ಕೆಲವೇ ದಿನಗಳಲ್ಲಿ ಮೊದಲ ವಿವಾಹ ವಾರ್ಷಿಕೋತ್ಸವವನ್ನು ಕಾಜಲ್ ಅಗರ್ವಾಲ್ ಮತ್ತು ಗೌತಮ್ ಕಿಚ್ಲು ದಂಪತಿ ಆಚರಿಸಿಕೊಳ್ಳಲಿದ್ದಾರೆ. ಹೀಗಿರುವಾಗಲೇ, ಒಂದು ಮಹತ್ವದ ಘೋಷಣೆ ಮಾಡಲಿದ್ದಾರೆ ನಟಿ ಕಾಜಲ್ ಅಗರ್ವಾಲ್!
ನಟಿ ಕಾಜಲ್ ಅಗರ್ವಾಲ್ ಸೋಷಿಯಲ್ ಮೀಡಿಯಾ ಪೋಸ್ಟ್
‘’ಮಹತ್ವದ ಘೋಷಣೆ ಸದ್ಯದಲ್ಲೇ ಆಗಲಿದೆ. ನಿರೀಕ್ಷಿಸಿ..’’ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ನಟಿ ಕಾಜಲ್ ಅಗರ್ವಾಲ್ ಬರೆದುಕೊಂಡಿದ್ದಾರೆ. ಇದನ್ನ ನೋಡಿದ ಅಭಿಮಾನಿಗಳು ‘’ಗುಡ್ ನ್ಯೂಸ್ ಇರಬೇಕು’’, ‘’ಸಿಹಿ ಸುದ್ದಿನಾ?’’ ಅಂತೆಲ್ಲಾ ಕಾಜಲ್ ಅಗರ್‌ವಾಲ್‌ರನ್ನ ಪ್ರಶ್ನಿಸುತ್ತಿದ್ದಾರೆ.
ಪ್ರೆಗ್ನೆನ್ಸಿ ಬಗ್ಗೆಯೇ ಗುಸುಗುಸು
ಕಳೆದ ಕೆಲವು ದಿನಗಳಿಂದ ನಟಿ ಕಾಜಲ್ ಅಗರ್ವಾಲ್ ಅವರ ಪ್ರೆಗ್ನೆನ್ಸಿ ಬಗ್ಗೆಯೇ ಸಿನಿ ಅಂಗಳದಲ್ಲಿ ಗುಸುಗುಸು ಕೇಳಿಬರುತ್ತಿದೆ. ‘’ನಟಿ ಕಾಜಲ್ ಅಗರ್ವಾಲ್ ಹೊಸ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿಲ್ಲ. ಫ್ಯಾಮಿಲಿಗೆ ಸಮಯ ವಿನಿಯೋಗಿಸಿದ್ದಾರೆ. ಮಗು ಮಾಡಿಕೊಳ್ಳುವ ಯೋಚನೆಯಲ್ಲಿದ್ದಾರೆ ಕಾಜಲ್ ಅಗರ್ವಾಲ್ - ಗೌತಮ್ ಕಿಚ್ಲು ದಂಪತಿ’’ ಎಂಬ ಎಲ್ಲೆಡೆ ಹಬ್ಬಿದೆ. ಈಗ ‘’ಬಹುಮುಖ್ಯ ಘೋಷಣೆ’’ ಅಂತ ಕಾಜಲ್ ಅಗರ್ವಾಲ್ ಹೇಳಿರೋದನ್ನ ನೋಡಿ ಎಲ್ಲರೂ ‘’ಪ್ರೆಗ್ನೆನ್ಸಿ ಬಗ್ಗೆಯೇ ಇರಬಹುದಾ?’’ ಅಂತ ಊಹಿಸುತ್ತಿದ್ದಾರೆ.
ಲವ್ ಕಮ್ ಅರೇಂಜ್ಡ್ ಮ್ಯಾರೇಜ್
ಉದ್ಯಮಿ ಗೌತಮ್ ಕಿಚ್ಲು ಮತ್ತು ಕಾಜಲ್ ಅಗರ್‌ವಾಲ್‌ರದ್ದು ಲವ್ ಕಮ್ ಅರೇಂಜ್ಡ್ ಮ್ಯಾರೇಜ್. ವರ್ಷಗಳ ಕಾಲ ಪ್ರೀತಿಸಿದ ಕಾಜಲ್ ಅಗರ್ವಾಲ್ ಮತ್ತು ಗೌತಮ್ ಕಿಚ್ಲು ಕಳೆದ ವರ್ಷ.. ಅಂದ್ರೆ ಅಕ್ಟೋಬರ್ 30, 2020 ರಂದು ವೈವಾಹಿಕ ಬದುಕಿಗೆ ನಾಂದಿ ಹಾಡಿದರು.
ಸಹೋದರಿ ನಿಶಾ ಅಗರ್‌ವಾಲ್‌ರಿಂದ ಬೇಡಿಕೆ
ಕಳೆದ ಜೂನ್ 19 ರಂದು ನಟಿ ಕಾಜಲ್ ಅಗರ್ವಾಲ್ ತಮ್ಮ 36ನೇ ಜನ್ಮದಿನವನ್ನು ಆಚರಿಸಿಕೊಂಡಿದ್ದರು. ಈ ವೇಳೆ ಸಹೋದರಿ ನಿಶಾ ಅಗರ್ವಾಲ್, ಕಾಜಲ್ ಅಗರ್ವಾಲ್ ಬಳಿ ಒಂದು ಬೇಡಿಕೆಯನ್ನಿಟ್ಟಿದ್ದರು.
''ಆದಷ್ಟು ಬೇಗ ಕಾಜಲ್ ಅಗರ್‌ವಾಲ್‌ಗೆ ಮಗುವಾಗಬೇಕು ಅನ್ನೋದು ನನ್ನ ಬಯಕೆ ಮತ್ತು ಬೇಡಿಕೆ. ಇದರಲ್ಲಿ ನನ್ನ ಸ್ವಾರ್ಥವೂ ಇದೆ. ಯಾಕಂದ್ರೆ, ಒಂದು ವೇಳೆ ಕಾಜಲ್ ಲೇಟ್ ಮಾಡಿದರೆ.. ಅವರ ಮಗು ಜೊತೆಗೆ ನನ್ನ ಮಗ ಹೊಂದಿಕೊಳ್ಳಲು ಕಷ್ಟವಾಗಬಹುದು. ನನ್ನ ಮಗ ಇಶಾನ್‌ಗೆ ಈಗಾಗಲೇ 3 ವರ್ಷ ತುಂಬಿದೆ'' ಎಂದು ಕಾಜಲ್ ಅಗರ್ವಾಲ್ ಹುಟ್ಟುಹಬ್ಬದ ಪ್ರಯುಕ್ತ ನೀಡಿದ ಸಂದರ್ಶನದಲ್ಲಿ ಸಹೋದರಿ ನಿಶಾ ಅಗರ್ವಾಲ್ ಹೇಳಿದ್ದರು. ಇದೀಗ ತಂಗಿ ಬೇಡಿಕೆಯನ್ನ ಈಡೇರಿಸಲು ಕಾಜಲ್ ಅಗರ್ವಾಲ್ ಮುಂದಾಗಿದ್ದಾರಾ?
ಪತಿ ಹೇಳಿದರೆ ನಟನೆಗೆ ಗುಡ್ ಬೈ!
'ಸದ್ಯಕ್ಕೆ ನನ್ನ ಕೈಯಲ್ಲಿರುವ ಸಿನಿಮಾಗಳನ್ನು ಪೂರ್ಣಗೊಳಿಸಲು ಆದ್ಯತೆ ನೀಡುತ್ತಿದ್ದೇನೆ. ಪತಿ ಹೇಳಿದರೆ ನಟನೆಯನ್ನು ಬಿಟ್ಟುಬಿಡುತ್ತೇನೆ’’ ಎಂದು ಇತ್ತೀಚೆಗಷ್ಟೇ ಸಂದರ್ಶನವೊಂದರಲ್ಲಿ ನಟಿ ಕಾಜಲ್ ಅಗರ್ವಾಲ್ ಹೇಳಿದ್ದರು.
ಅಂದ್ಹಾಗೆ, ಮೆಗಾ ಸ್ಟಾರ್ ಚಿರಂಜೀವಿ ಜೊತೆಗಿನ ‘ಆಚಾರ್ಯ’ ಸೇರಿದಂತೆ ಕೆಲವು ಸಿನಿಮಾಗಳು ಕಾಜಲ್ ಅಗರ್ವಾಲ್ ಕೈಯಲ್ಲಿದ್ವು. ಕಾಜಲ್ ಅಗರ್ವಾಲ್ ಒಪ್ಪಿಕೊಂಡಿದ್ದ ಬಹುತೇಕ ಸಿನಿಮಾಗಳನ್ನು ಅವರು ಮುಗಿಸಿಕೊಟ್ಟಿದ್ದಾರೆ.
