'ಪ್ರೇಮಕ್ಕೆ ಕಣ್ಣಿಲ್ಲ..' ಅಂತ ಹಾಡೋಕೆ ಶುರು ಮಾಡಿದ 'ಗೋಲ್ಡನ್ ಸ್ಟಾರ್' ಗಣೇಶ್ & ನಿಶ್ವಿಕಾ!
'ಗೋಲ್ಡನ್ ಸ್ಟಾರ್' ಗಣೇಶ್ ಈಗ 'ಸಖತ್', 'ತ್ರಿಬಲ್ ರೈಡಿಂಗ್', 'ಗಾಳಿಪಟ 2' ಹೀಗೆ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದಾರೆ. ಈ ಮಧ್ಯೆ ಅವರು 'ಪ್ರೇಮಕ್ಕೆ ಕಣ್ಣಿಲ್ಲ..' ಅಂತ ಹಾಡೋಕೆ ಶುರು ಮಾಡಿದ್ದಾರೆ!
Admin
0
7
'ಗೋಲ್ಡನ್ ಸ್ಟಾರ್' ಕೊನೆಯದಾಗಿ ಕಾಣಿಸಿಕೊಂಡಿದ್ದು 2019ರಲ್ಲಿ ತೆರೆಕಂಡ 'ಗೀತಾ' ಚಿತ್ರದಲ್ಲಿ. ಆನಂತರ ಕೊರೊನಾ ಕಾರಣದಿಂದಾಗಿ ಅವರ ಸಿನಿಮಾಗಳು ಯಾವುದೂ ತೆರೆಕಂಡಿಲ್ಲ. ಆದರೆ, ಸದ್ದಿಲ್ಲದೆ ಅವರ ಒಂದೊಂದೇ ಸಿನಿಮಾಗಳು ತೆರೆಗೆ ಸಿದ್ಧವಾಗ್ತಿವೆ. ಅದರಲ್ಲಿ '' ಕೂಡ ಒಂದು. 'ಚಮಕ್' ನಂತರ 'ಸಿಂಪಲ್' ಸುನಿ ನಿರ್ದೇಶನದ ಈ ಸಿನಿಮಾದಲ್ಲಿ ಗಣೇಶ್ ಕಾಣಿಸಿಕೊಂಡಿದ್ದಾರೆ. ಇಂದು (ಅ.9) ಚಿತ್ರದ ಮೊದಲ ಹಾಡು ತೆರೆಕಂಡಿದೆ. 'ಪ್ರೇಮಕ್ಕೆ ಕಣ್ಣಿಲ್ಲ..' ಎಂದು ಶುರುವಾಗುವ ಈ ಹಾಡು ಕೇಳುಗರ ಮನಸೂರೆಗೊಂಡಿದೆ.
ರೊಮ್ಯಾಂಟಿಕ್ ಕಾಮಿಡಿ ಕ್ರೈಂ ಥ್ರಿಲ್ಲರ್ ಸಬ್ಜೆಕ್ಟ್ ಒಳಗೊಂಡಿರುವ ಚಿತ್ರ ಸಖತ್. ಟಿವಿ ರಿಯಾಲಿಟಿ ಶೋ ಹಾಗೂ ಕೋರ್ಟ್ ಕೇಸ್ ಸುತ್ತ ಸಿನಿಮಾ ಕಥೆ ಹೆಣೆಯಲಾಗಿದೆ. ಇಲ್ಲಿವರೆಗೆ ಭಿನ್ನ ಪಾತ್ರಗಳ ಮೂಲಕ ರಂಜಿಸುತ್ತಿದ್ದ ಗಣೇಶ್, ಈ ಚಿತ್ರದಲ್ಲಿ ಚಾಲೆಂಜಿಂಗ್ ರೋಲ್‌ನಲ್ಲಿ ಅಭಿನಯಿಸುತ್ತಿದ್ದಾರೆ. ಅಂಧ ಗಾಯಕನ ಪಾತ್ರಕ್ಕೆ ಜೀವ ತುಂಬಿರುವ ಅವರು ರಿಯಾಲಿಟಿ ಶೋ ಸ್ವರ್ಧಿಯಾಗಿ ಕಾಣಿಸಲಿದ್ದಾರೆ. ಹಾಗೂ ಹೊಸ ಪ್ರತಿಭೆ ಸುರಭಿ ಚಿತ್ರದಲ್ಲಿ ನಾಯಕಿಯರಾಗಿ ನಟಿಸಿದ್ದಾರೆ. ಸದ್ಯ ರಿಲೀಸ್ ಆಗಿರುವ ಹಾಡಿನಲ್ಲಿ ನಿಶ್ವಿಕಾ ಮತ್ತು ಗಣೇಶ್ ಕಾಣಿಸಿಕೊಂಡಿದ್ದು, ನೋಡುಗರ ಮನಸೆಳೆದಿದೆ.
ಜೂಡಾ ಸ್ಯಾಂಡಿ ಸಂಗೀತ ನಿರ್ದೇಶನದ ಈ ಹಾಡಿಗೆ ಜಯಂತ ಕಾಯ್ಕಿಣಿ ಸಾಹಿತ್ಯ ಬರೆದಿದ್ದಾರೆ. 'ಒಂಚೂರು ಸ್ಪರ್ಶ, ಒಂಚೂರು ಊಹೆ, ಒಂಚೂರು ಗಂಧ, ಒಂಚೂರೇ ಮಾಯೆ, ಜಯಂತ್ ಕಾಯ್ಕಿಣಿ ಅವರ ಸಾಲುಗಳು ಎಲ್ಲಾ ಮುದ್ದಾಗಿ ಸೇರಿ ಈ ಹಾಡಾಗಿದೆ.. ನಮ್ಮ ಪ್ರೀತಿ ಎರೆದಿದ್ದೇವೆ, ಇನ್ನು ನಿಮ್ಮದು ಬಾಕಿ ಇದೆ..' ಎಂದು ಗಣೇಶ್ ಹಾಡಿನ ಬಗ್ಗೆ ಹೇಳಿದ್ದಾರೆ. 'ಹೃದಯವ ಕಳೆಯುವ ಹಸಿಬಿಸಿ ಅನುಭವ.. ಹಾಡನು ನೋಡಿ.. ಹೇಳಿ ನಿಮ್ಮಯ ಅನುಭವ.. ಜಯಂತ್ ಸರ್ ಸಾಲುಗಳಿಗೆ ಜೂಡಾ ಸ್ಯಾಂಡಿ ಸಂಗೀತಕ್ಕೆ, ಸಂತೋಷ್ ರೈ ಪಾತಾಜೆ ಅವರ ದೃಶ್ಯಚಿತ್ರಿಕೆಗೆ ಮನಸೋತಿದ್ದೇವೆ.. ಇನ್ನು ಈ ಹಾಡು ನಿಮ್ಮದು' ಎಂದು ನಿರ್ದೇಶಕ ಸುನಿ ಹೇಳಿದ್ದಾರೆ.
ಈ ಚಿತ್ರಕ್ಕೆ ನಿಶಾ ವೆಂಕಟ್ ಕೋನನ್ಕಿ, 'ಭರಾಟೆ' ಖ್ಯಾತಿಯ ಸುಪ್ರಿತ್ ಬಂಡವಾಳ ಹೂಡಿದ್ದು, ಚಿತ್ರೀಕರಣ ಕಂಪ್ಲೀಟ್ ಮಾಡಿ ಪೋಸ್ಟ್ ಪ್ರೊಡಕ್ಷನ್ ಕೆಲಸಲ್ಲಿ ಚಿತ್ರತಂಡ ಬ್ಯುಸಿಯಾಗಿದೆ. ನವೆಂಬರ್ ಅಂತ್ಯದಲ್ಲಿ ಸಿನಿಮಾ ಬಿಡುಗಡೆಗೆ ತಯಾರಿ ನಡೆಸುತ್ತಿದೆ. ಇನ್ನು 'ಸಖತ್' ಚಿತ್ರದಲ್ಲಿ ನಿಶ್ವಿಕಾ ನಾಯ್ದು ಪಾತ್ರದ ಹೆಸರು ನಕ್ಷತ್ರ. ಸಿನಿಮಾದಲ್ಲಿ ನಿಶ್ವಿಕಾರದ್ದು ಶಿಕ್ಷಕಿಯ ಪಾತ್ರ. ಚಿತ್ರದಲ್ಲಿ ನಾಯಕ ನಟನ ಜೀವನದಲ್ಲಿ ಬಹುದೊಡ್ಡ ಬದಲಾವಣೆ ತರುವುದು ಇದೇ ನಾಯಕಿಯ ಪಾತ್ರ. ವಿಶೇಷವೆಂದರೆ, ಈ ಸಿನಿಮಾದ ಮೂಲಕ 'ಗೋಲ್ಡನ್ ಸ್ಟಾರ್' ಗಣೇಶ್ ಅವರ ಪುತ್ರ ವಿಹಾನ್ ಚಿತ್ರರಂಗ ಪ್ರವೇಶ ಮಾಡಿದ್ದಾನೆ. 'ಸಖತ್' ಸಿನಿಮಾದಲ್ಲಿ ವಿಹಾನ್ ಕೂಡ ಬಣ್ಣ ಹಚ್ಚಿದ್ದಾನೆ. ಚಿತ್ರದಲ್ಲಿ ಗಣೇಶ್ ಅವರ ಬಾಲ್ಯದ ಪಾತ್ರದಲ್ಲಿ ವಿಹಾನ್ ಕಾಣಿಸಿಕೊಳ್ಳಲಿದ್ದಾನೆ.
