'ಲವ್ ಮಾಕ್ಟೇಲ್ 2'ರಲ್ಲಿ ರಘು ದೀಕ್ಷಿತ್ ಸಂಗೀತ ಇರಲ್ಲ; ಆರೋಪಗಳಿಗೆ ಡಾರ್ಲಿಂಗ್ ಕೃಷ್ಣ ಪ್ರತಿಕ್ರಿಯೆ

ನಟ ಡಾರ್ಲಿಂಗ್ ಕೃಷ್ಣ, ಅಭಿನಯದ 'ಲವ್ ಮಾಕ್ಟೇಲ್' ಸಿನಿಮಾ ಗೆಲ್ಲಲು ಅದರ ಹಾಡು ಕೂಡ ಕಾರಣ. ಅವರು ಈ ಸಿನಿಮಾಕ್ಕೆ ಸಂಗೀತ ನಿರ್ದೇಶನ ಮಾಡಿದ್ದರು. ಆದರೆ '' ಸಿನಿಮಾದಲ್ಲಿ ರಘು ದೀಕ್ಷಿತ್ ಸಂಗೀತ ಇಲ್ಲ. ಸಂಭಾವನೆ ಕಡಿಮೆ ಸಿಕ್ಕಿದೆ ಎನ್ನುವ ರೀತಿಯಲ್ಲಿ ರಘು ದೀಕ್ಷಿತ್ ಆರೋಪ ಮಾಡಿದ್ದರು. ಅದಕ್ಕೆಲ್ಲ ನಟ ಸ್ಪಷ್ಟನೆ ನೀಡಿದ್ದಾರೆ. " 'ಲವ್ ಮಾಕ್ಟೇಲ್' ಸಿನಿಮಾ ಮಾಡುವಾಗ 8 ಲಕ್ಷ ರೂಪಾಯಿ ಬಜೆಟ್ ಹಾಕಿಕೊಂಡಿದ್ದೆವು. ಆದರೆ ರಘು ದೀಕ್ಷಿತ್ ಅವರಿಗೆ 10 ಲಕ್ಷ ರೂಪಾಯಿ ಕೊಡೋದು ಅಂತ ಮಾತಾಗಿತ್ತು. ಒಂದು ವೇಳೆ ಸಿನಿಮಾ ಹಿಟ್ ಆಗಿ, ದೊಡ್ಡ ಲಾಭ ಆದರೆ ಇನ್ನು 4 ಲಕ್ಷ ರೂ. ಹೆಚ್ಚು ಕೊಡಿ ಅಂತ ರಘು ಹೇಳಿದ್ದರು. ಮಾರ್ಚ್‌ನಲ್ಲಿ ನನಗೆ ಹಣ ಬಂದಾಗ ನಾನು 14 ಲಕ್ಷ ರೂಪಾಯಿ ನೀಡಿದೆ. ಆದರೆ ರಘು ಮಾತ್ರ 12 ಲಕ್ಷ ಕೊಟ್ಟರು ಅಂತ ಆರೋಪ ಮಾಡಿದ್ದಾರೆ. ಇದುವರೆಗೂ ಕೂಡ 'ಲವ್ ಮಾಕ್ಟೇಲ್' ಸಿನಿಮಾದ ಆಡಿಯೋ ರಘು ದೀಕ್ಷಿತ್ ಮ್ಯೂಸಿಕ್‌ನಲ್ಲಿ ಪ್ಲೇ ಆಗುತ್ತಿರುತ್ತದೆ" ಎಂದು ಡಾರ್ಲಿಂಗ್ ಕೃಷ್ಣ ಹೇಳಿದ್ದಾರೆ "ಪ್ರೊಡಕ್ಷನ್ ಹೌಸ್ ಆಡಿಯೋ ಮಾರಿ ಹಣ ಗಳಿಸತ್ತೆ. ನಾನು ಮಾತ್ರ ಒಂದು ರೂಪಾಯಿ ಪಡೆಯದೆ ರಘು ಅವರಿಗೆ ಆಡಿಯೋ ಕೊಟ್ಟಿದ್ದೇನೆ. ಈಗ ಆಡಿಯೋ 30-40 ಲಕ್ಷ ರೂಪಾಯಿ ದುಡಿದಿರತ್ತೆ. ಅಂದು 'ಲವ್ ಮಾಕ್ಟೇಲ್' ಸಿನಿಮಾದ ಆಡಿಯೋ 3-4 ಲಕ್ಷ ರೂ.ಗೆ ಸಿಗುತ್ತಿತ್ತು. ಈಗ 'ಲವ್ ಮಾಕ್ಟೇಲ್ 2' ಸಿನಿಮಾದ ಆಡಿಯೋ ರೈಟ್ಸ್‌ಗೆ 32 ಲಕ್ಷ ರೂ. ಆಫರ್ ಇದೆ" ಎಂದು ಡಾರ್ಲಿಂಗ್ ಕೃಷ್ಣ ಹೇಳಿದ್ದಾರೆ. "ಲವ್ ಮಾಕ್ಟೇಲ್ 2 ಸಿನಿಮಾಗೆ 20 ಲಕ್ಷ ರೂಪಾಯಿ ಕೊಡಿ ಅಂತ ರಘು ದೀಕ್ಷಿತ್ ಅವರು ಹೇಳಿದ್ದರು. ನಾನು ಓಕೆ ಅಂದು, ಆಡಿಯೋ ರೈಟ್ಸ್ ನಾನು ಇಟ್ಟುಕೊಳ್ತೀನಿ ಅಂದೆ. 32 ಲಕ್ಷ ರೂ. ಆಡಿಯೋ ರೈಟ್ಸ್ ಕೊಟ್ಟು, 20 ಲಕ್ಷ ರೂ. ಸಂಭಾವನೆ ಕೊಟ್ಟರೆ ನಾನು ಸಂಗೀತ ನಿರ್ದೇಶಕನಿಗೆ ಒಟ್ಟಾರೆ 52 ಲಕ್ಷ ರೂ. ಕೊಟ್ಟ ಹಾಗೆ ಆಗತ್ತೆ. ಮದರಂಗಿ ಸಿನಿಮಾ ಸಾಲವನ್ನು ಕಳೆದ ವರ್ಷ ತೀರಿಸಿದ್ದೇನೆ. ಲವ್ ಮಾಕ್ಟೇಲ್ ಸಿನಿಮಾ ಗೆದ್ದಿದೆ ಅಂತ ಈಗ ಖರ್ಚು ಹಾಕಿಕೊಂಡು ಮತ್ತೆ ಸಿನಿಮಾ ಮಾಡೋಕೆ ಆಗಲ್ಲ. ಪ್ರತಿಯೊಬ್ಬರಿಗೂ ಒಂದೊಂದು ಸಂಭಾವನೆ ಇರತ್ತೆ, ಅಂತೆಯೇ ನಾನು ರಘು ದೀಕ್ಷಿತ್ ಅವರಿಗೆ ಸಂಭಾವನೆ ಕೊಡೋಕೆ ನಾನು ರೆಡಿಯಿದ್ದೆ. ಆದರೆ ಅವರು ಆಡಿಯೋ ರೈಟ್ಸ್ ಕೂಡ ಬೇಕು ಎಂದರು, ನಿರ್ದೇಶಕನಾಗಿ ರಘು ದೀಕ್ಷಿತ್ ನನಗೆ ಬೇಕು, ಆದರೆ ನಿರ್ಮಾಪಕನಾಗಿ ಬೇಡ. ನಾವು ಸಿನಿಮಾ ಮಾಡೋದು ಕೂಡ ವ್ಯವಹಾರಕ್ಕಾಗಿ" ಎಂದು ಡಾರ್ಲಿಂಗ್ ಕೃಷ್ಣ ಹೇಳಿದ್ದಾರೆ. 'ಲವ್ ಮಾಕ್ಟೇಲ್ 2' ಸಿನಿಮಾ ನೋಡಲು ಅಭಿಮಾನಿಗಳು ಕಾಯುತ್ತಿದ್ದಾರೆ. ಈ ಸಿನಿಮಾದ ಕೆಲಸಗಳು ಭರದಿಂದ ಸಾಗುತ್ತಿವೆ.