ಈ ಬಾರಿ ನಟ ಶ್ರೀಮುರಳಿ ಹುಟ್ಟುಹಬ್ಬ ಆಚರಣೆ ಇಲ್ಲ! ಈ ನಿರ್ಧಾರದ ಹಿಂದಿರುವ ಕಾರಣವೇನು?

'ರೋರಿಂಗ್ ಸ್ಟಾರ್' ನಟಿಸಿದ್ದ '' ಚಿತ್ರವು ಈಚೆಗಷ್ಟೇ ತೆರೆಕಂಡಿತ್ತು. ಮತ್ತೊಂದು ವಿಶೇಷವೆಂದರೆ, ಶುಕ್ರವಾರ (ಡಿ.17) ಅವರಿಗೆ ಜನ್ಮದಿನ. ಹೌದು, ಡಿ.17ರಂದು ಶ್ರೀಮುರಳಿಗೆ 39 ವರ್ಷ ತುಂಬಲಿದೆ. ಸಹಜವಾಗಿ ನೆಚ್ಚಿನ ತಾರೆಯ ಹುಟ್ಟುಹಬ್ಬದ ದಿನ ಅವರ ಮನೆಗೆ ಹೋಗಿ, ಅವರಿಗೆ ವಿಶ್ ಮಾಡುವುದು, ಕೇಕ್ ಕತ್ತರಿಸುವುದು ಸಾಮಾನ್ಯ. ಆದರೆ, ಈ ಬಾರಿ ಅದ್ಯಾವುದು ಸಾಧ್ಯವಿಲ್ಲ. ಕಾರಣ, ಈ ಬಾರಿ ಶ್ರೀಮುರಳಿ ಹುಟ್ಟುಹಬ್ಬ ಆಚರಣೆ ಮಾಡಿಕೊಳ್ಳುತ್ತಿಲ್ಲ. 'ನನ್ನ ಹುಟ್ಟು ಹಬ್ಬವನ್ನು ಆಚರಿಸಿಕೊಳ್ಳಲಾಗುವುದಿಲ್ಲ. ಕಾರಣವೇನೆಂದು ನಿಮಗೆ ಗೊತ್ತಿರುವುದೆಂದು ಭಾವಿಸುವೆ..' ಎಂದು ಹೇಳಿಕೊಂಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಾಕಿದ ಶ್ರೀಮುರಳಿಈ ಕುರಿತು ಸೋಶಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿರುವ ಅವರು, 'ನನ್ನ ಪ್ರೀತಿಯ ಅಭಿಮಾನಿಗಳೇ... ಈ ಬಾರಿ ನಿಮ್ಮೊಂದಿಗೆ ನನ್ನ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಾಗುವುದಿಲ್ಲ. ಕಾರಣವೇನೆಂದು ನಿಮಗೆ ಗೊತ್ತಿರುವುದೆಂದು ಭಾವಿಸುವೆ. ನಾನು ಬೆಂಗಳೂರಿನಲ್ಲೂ ಇರುವುದಿಲ್ಲ. ಸದಾ ನಿಮ್ಮ ಪ್ರೀತಿ ಹಾಗು ಆಶೀರ್ವಾದವನ್ನು ಬಯಸುವ ನಿಮ್ಮ 'ಅಭಿಮಾನಿಗಳ ಅಭಿಮಾನಿ' ಶ್ರೀಮುರಳಿ' ಎಂದು ಬರೆದುಕೊಂಡಿದ್ದಾರೆ. ಇನ್ನು, ಆ ಕಾರಣ ಏನೆಂಬುದು ಎಲ್ಲರಿಗೂ ಗೊತ್ತೇ ಇದೆ. ನಟ ಅವರ ಅಕಾಲಿಕ ಮರಣ ಶ್ರೀಮುರಳಿಗೆ ತುಂಬ ನೋವು ನೀಡಿದೆ. ಅಲ್ಲದೆ, ಪುನೀತ್‌ ಅವರು ಶ್ರೀಮುರಳಿಗೆ ನೆಚ್ಚಿನ ಸಂಬಂಧಿ ಆಗಿದ್ದರು. ಅವರಿಬ್ಬರ ಒಡನಾಟ ತುಂಬ ಉತ್ತಮವಾಗಿತ್ತು. ಪುನೀತ್ ಬಗ್ಗೆ ಮಾತನಾಡಿದ್ದ ಶ್ರೀಮುರಳಿ'ಅಪ್ಪು ಮಾಮಾನಿಗೆ ಯಾವ ರೀಪ್ಲೇಸ್‌ಮೆಂಟ್‌ ಇಲ್ಲ. ಆ ಜಾಗವನ್ನು ಯಾರಿಂದಲೂ ತುಂಬಲು ಸಾಧ್ಯವಿಲ್ಲ. ಅವರನ್ನು ಹೀಗೆ ಕಳೆದುಕೊಳ್ತೀವಿ ಅಂದುಕೊಂಡಿರಲಿಲ್ಲ. ಯಾರು ಯೋಚಿಸಲು ಸಾಧ್ಯ? ಇದನ್ನೆಲ್ಲಾ ನೋಡುತ್ತಿರುವ ನಾವು ಎಂಥಾ ಪಾಪಿಗಳು ಅನ್ನಿಸುತ್ತೆ. ಇದು ಬಹಳ ಅನ್ಯಾಯ. ನನ್ನ ಡಿಯರೆಸ್ಟ್‌ ಕಸಿನ್‌ ಇಲ್ಲವಲ್ಲಾ ಎಂಬ ನೋವು ಕಾಡುತ್ತಲೇ ಇದೆ. ನಾವು ಎಂಥಾ ನೋವು ಅನುಭವಿಸಿದ್ದೇವೆ ಅನ್ನೋದು ನಮಗೆ ಗೊತ್ತು. ಅವರು ನಮ್ಮ ಜತೆ ಇದ್ದಾರೆ ಎಂದುಕೊಂಡು ಮುಂದೆ ಹೋಗಬೇಕು. ಅವರ ಕನಸುಗಳನ್ನು ನಮ್ಮ ಕೈಲಾದ ಮಟ್ಟಿಗೆ ನಿಜ ಮಾಡಬೇಕು' ಎಂದಿದ್ದರು ಶ್ರೀಮುರಳಿ. ಮದಗಜ ಬಗ್ಗೆ ಮಾತನಾಡಿದ್ದ ಅಪ್ಪು'ಅಪ್ಪು ಮಾಮಾ ನಮ್ಮ ಮದಗಜ ಸಿನಿಮಾದ ಶೋ ರೀಲ್ ನೋಡಿದ್ರು. ನನ್ನ ಸ್ಟೈಲ್‌ ಎಲ್ಲ ನೋಡಿ ನಮ್ಮ ನಿರ್ಮಾಪಕರ ಬಳಿಯೂ ಹೇಳಿದ್ರು. ನನಗೂ ಕೂಡ ಸಿನಿಮಾ ಬಗ್ಗೆ ಒಳ್ಳೆಯ ಮಾತುಗಳನ್ನು ಹೇಳಿದ್ದರು. ನಿನಗೆ ಒಳ್ಳೆಯದಾಗಲಿ ಕಣೋ.. ಚೆನ್ನಾಗಿ ಮಾಡು ಅಂದಿದ್ರು. ನಾವು ಅವರು ಒಟ್ಟಿಗೆ ಸಿನಿಮಾ ಮಾಡಬೇಕು ಎಂದು ಮಾತಾಡಿಕೊಂಡಿದ್ವಿ. ಒಳ್ಳೆಯ ಕಥೆ ಸಿಕ್ಕರೆ ಮಾಡೋಣ ಅಂತ ಚರ್ಚೆ ಮಾಡಿದ್ವಿ. ನಾವು ಮೊದಲು ಕಸಿನ್ಸ್, ಆಮೇಲೆ ಎಲ್ಲವು. ಒಳ್ಳೆಯದು ಏನ್ ಮಾಡಬೇಕು ಅನ್ನೋದರ ಬಗ್ಗೆ ಮಾತ್ರ ನಾವು ಮಾತಾಡ್ತಾ ಇದ್ವಿ. ಬಾಲ್ಯದಲ್ಲಿ ನಾವು ತುಂಬ ಕ್ಲೋಸ್.. ಬೇಸಿಗೆ ರಜಾದಲ್ಲಿ ಎಲ್ಲರೂ ಚೆನ್ನೈಗೆ ಹೋಗ್ತಾ ಇದ್ವಿ. ನಮ್ಮನ್ನೆಲ್ಲ ತುಂಬ ಚೆನ್ನಾಗಿ ನೋಡ್ಕೋಳ್ತಾ ಇದ್ರು. ನಾನು ತುಂಬ ಉತ್ತಮವಾಗಿ ಕೇರಂ ಆಡ್ತಾ ಇದ್ದೆ. ದೊಡ್ಡ ಬಳಗ ನನ್ನದು. ನಮ್ಮದೇ ಒಂದು ಪ್ರಪಂಚ ಇತ್ತು' ಎಂದು ಹೇಳಿದ್ದರು ಶ್ರೀಮುರಳಿ.