ಇಪಿಎಫ್ ಚಂದಾದಾರರಿಗೆ ಸಿಹಿ ಸುದ್ದಿ: ಜುಲೈನಲ್ಲಿ ಜಮೆಯಾಗಲಿದೆ ಶೇ.8.5ರಷ್ಟು ಬಡ್ಡಿ
ನೌಕರರ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್ ಒ) 2020-21ನೇ ಆರ್ಥಿಕ ವರ್ಷದ ಭವಿಷ್ಯ ನಿಧಿ ಠೇವಣಿಗಳ ಮೇಲಿನ ಬಡ್ಡಿಯನ್ನ ಶೀಘ್ರದಲ್ಲೇ ಆಯಾ ಖಾತೆಗೆ ಜಮೆ ಮಾಡುವ ಸಾಧ್ಯತೆಯಿದೆ ಎಂದು ವರದಿಗಳು ತಿಳಿಸಿವೆ.
Admin
0
9
ಹೊಸದಿಲ್ಲಿ: ಸಂಸ್ಥೆ (ಇಪಿಎಫ್ ಒ) 2020-21ನೇ ಆರ್ಥಿಕ ವರ್ಷದ ಭವಿಷ್ಯ ನಿಧಿ ಠೇವಣಿಗಳ ಮೇಲಿನ ಬಡ್ಡಿಯನ್ನ ಶೀಘ್ರದಲ್ಲೇ ಆಯಾ ಖಾತೆಗೆ ಜಮೆ ಮಾಡುವ ಸಾಧ್ಯತೆಯಿದೆ ಎಂದು ವರದಿಗಳು ತಿಳಿಸಿವೆ.
ಇಪಿಎಫ್‌ಒನಲ್ಲಿ ನೋಂದಣಿಯಾಗಿರುವ 6 ಕೋಟಿಗೂ ಹೆಚ್ಚು ಉದ್ಯೋಗಿಗಳು ಇದರ ಪ್ರಯೋಜನ ಪಡೆಯಲಿದ್ದಾರೆ. ಜುಲೈ ಅಂತ್ಯದ ವೇಳೆಗೆ ಬಡ್ಡಿ ಜಮೆಯಾಗಲಿದೆ ಎನ್ನಲಾಗುತ್ತಿದೆ.
ನಿವೃತ್ತಿ ಸಂಸ್ಥೆಯು 2020-21ರ ಆರ್ಥಿಕ ವರ್ಷದಲ್ಲಿ ಭವಿಷ್ಯ ನಿಧಿ ಠೇವಣಿಗಳ ಮೇಲಿನ ಬಡ್ಡಿದರವನ್ನು ಶೇ. 8.5 ಕ್ಕೆ ಬದಲಾಯಿಸದೆ ಇರಿಸಿತು. ಕೋವಿಡ್-19 ಸಾಂಕ್ರಾಮಿಕ ರೋಗದ ಸಂದರ್ಭದಲ್ಲಿ ಸದಸ್ಯರು ಹೆಚ್ಚಿನ ಹಿಂತೆಗೆದುಕೊಳ್ಳುವಿಕೆ ಮತ್ತು ಕಡಿಮೆ ಕೊಡುಗೆ ನೀಡಿದ ಹಿನ್ನೆಲೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.
ದೇಶದಲ್ಲಿ ಕೊರೊನಾ ವೈರಸ್ ಹರಡುವಿಕೆಯ ಹಿನ್ನೆಲೆಯಲ್ಲಿ, ಇಪಿಎಫ್ಒ ಕಳೆದ ಮಾರ್ಚ್‌ನಲ್ಲಿ 2019-20ನೇ ಸಾಲಿಗೆ ಬಡ್ಡಿ ದರವನ್ನು ಏಳು ವರ್ಷಗಳ ಕನಿಷ್ಠ ಮಟ್ಟವಾದ ಶೇ.8.5ಕ್ಕೆ ಇಳಿಸಿತ್ತು. 2018-19ರಲ್ಲಿ ಬಡ್ಡಿ ದರ ಶೇ. 8.65ರಷ್ಟಿತ್ತು. ತನ್ನ ಚಂದಾದಾರರಿಗೆ 2017-18ಕ್ಕೆ ಶೇ. 8.55 ಬಡ್ಡಿ ದರವನ್ನು ಒದಗಿಸಿತ್ತು. 2016-17ರಲ್ಲಿ ಬಡ್ಡಿ ದರ ಶೇ. 8.65 ಇತ್ತು.
