ಇನ್ಮುಂದೆ ಪಿಂಚಣಿ ಪಡೆಯಲು ಸಂಗಾತಿ ಜತೆಗೆ ಜಂಟಿ ಬ್ಯಾಂಕ್‌ ಖಾತೆ ಅನಗತ್ಯ!
ಅನೇಕ ಮಂದಿ ಪಿಂಚಣಿದಾರರಿಗೆ ಇದು ನೆಮ್ಮದಿಯ ಸುದ್ದಿ. ಪಿಂಚಣಿಯನ್ನು ಪಡೆಯಲು ಜಂಟಿ ಬ್ಯಾಂಕ್‌ ಖಾತೆ ಕಡ್ಡಾಯವಲ್ಲಎಂದು ಕೇಂದ್ರ ಸರಕಾರ ತಿಳಿಸಿದೆ. ಜಂಟಿ ಖಾತೆ ತೆರೆಯಲು ಕಾರಣಾಂತರಗಳಿಂದ ಸಾಧ್ಯವಾಗದಿದ್ದರೆ, ಈ ನಿಯಮವನ್ನು ಸಡಿಲಗೊಳಿಸಬಹುದು
Admin
0
6
ಹೊಸದಿಲ್ಲಿ: ಅನೇಕ ಮಂದಿ ಪಿಂಚಣಿದಾರರಿಗೆ ಇದು ನೆಮ್ಮದಿಯ ಸುದ್ದಿ. ಪಿಂಚಣಿಯನ್ನು ಪಡೆಯಲು ಜಂಟಿ ಬ್ಯಾಂಕ್‌ ಖಾತೆ ಕಡ್ಡಾಯವಲ್ಲಎಂದು ಕೇಂದ್ರ ಸರಕಾರ ತಿಳಿಸಿದೆ.
ನಿವೃತ್ತ ಸರಕಾರಿ ಉದ್ಯೋಗಿಗೆ ತನ್ನ ಸಂಗಾತಿಯ ಜತೆಗೆ ಜಂಟಿ ಬ್ಯಾಂಕ್‌ ಖಾತೆಯನ್ನು ತೆರೆಯಲು ಕಾರಣಾಂತರಗಳಿಂದ ಸಾಧ್ಯವಾಗದಿದ್ದರೆ, ಈ ನಿಯಮವನ್ನು ಸಡಿಲಗೊಳಿಸಬಹುದು. ತೆರೆಯುವುದು ಕಡ್ಡಾಯವಲ್ಲ ಎಂದು ತಿಳಿಸಿದೆ.
ಕೇಂದ್ರ ಸರಕಾರದ ಪಿಂಚಣಿಯನ್ನು ವಿತರಿಸುವ ಎಲ್ಲಬ್ಯಾಂಕ್‌ಗಳಿಗೆ ಈ ಸಂಬಂಧ ಸಲಹೆ ನೀಡಲಾಗಿದೆ. ಒಂದು ವೇಳೆ ಸಂಗಾತಿ (ಕುಟುಂಬ ಪಿಂಚಣಿದಾರ) ಹಾಲಿ ಜಂಟಿ ಖಾತೆಗೆ ಕುಟುಂಬ ಪಿಂಚಣಿಯನ್ನು ಜಮೆ ಮಾಡುವ ಆಯ್ಕೆಯನ್ನು ಬಯಸಿದರೆ, ಹೊಸ ಖಾತೆ ತೆರೆಯುವಂತೆ ಬ್ಯಾಂಕ್‌ಗಳು ಸೂಚಿಸಬಾರದು ಎಂದು ಸೂಚಿಸಲಾಗಿದೆ. ಎಲ್ಲನಿವೃತ್ತರಿಗೆ ಮತ್ತು ಪಿಂಚಣಿದಾರರಿಗೆ ಇದು ಅನುಕೂಲಕರವಾಗಲಿದೆ ಎಂದು ಸಿಬ್ಬಂದಿ ಮತ್ತು ಸಾರ್ವಜನಿಕ ಅಹವಾಲು ಮತ್ತು ಇಲಾಖೆ ಸಚಿವ ಜಿತೇಂದ್ರ ಸಿಂಗ್‌ ಅವರು ತಿಳಿಸಿದ್ದಾರೆ.
ಜಂಟಿ ಬ್ಯಾಂಕ್‌ ಖಾತೆ ಏಕೆ?
ಕುಟುಂಬ ಪಿಂಚಣಿಯು (ಫ್ಯಾಮಿಲಿ ಪೆನ್ಷನ್‌) ಕುಟುಂಬ ಪಿಂಚಣಿದಾರರಿಗೆ ಯಾವುದೇ ವಿಳಂಬ ಇಲ್ಲದೆ ಸಲ್ಲಿಕೆಯಾಗಬೇಕು ಎಂಬ ಉದ್ದೇಶಕ್ಕಾಗಿ ಜಂಟಿ ಬ್ಯಾಂಕ್‌ ಖಾತೆಯನ್ನು ತೆರೆಯಬಹುದು. ಇದೇ ಸಂದರ್ಭ ಜಂಟಿ ಪಿಂಚಣಿ ಬ್ಯಾಂಕ್‌ ಖಾತೆ ತೆರೆಯುವುದು ಯಾವುದೇ ಅಡಚಣೆಗೂ ಕಾರಣವಾಗಬಾರದು ಎಂದು ಸರಕಾರ ತಿಳಿಸಿದೆ.
ಜಂಟಿ ಖಾತೆಯನ್ನು ಕಡ್ಡಾಯವಲ್ಲ ಎಂದು ಸರಕಾರ ಸೂಚಿಸಿರುವುದರಿಂದ, ಕುಟುಂಬ ಪಿಂಚಣಿ ಪಡೆಯಲು ಕಡಿಮೆ ದಾಖಲೆಗಳು ಸಾಕಾಗಲಿದೆ.
