ಆಂಟಿಗುವಾದಿಂದ ಮೆಹುಲ್‌ ಚೋಕ್ಸಿ ನಾಪತ್ತೆ, ಕ್ಯೂಬಾದಲ್ಲಿ ತಲೆಮರೆಸಿಕೊಂಡಿರುವ ಅನುಮಾನ
ಆಂಟಿಗುವಾ ಮತ್ತು ಬಾರ್ಬುಡಾ ದ್ವೀಪ ರಾಷ್ಟ್ರದಿಂದ ಮೆಹುಲ್‌ ಚೋಕ್ಸಿ ಕಳೆದ ಭಾನುವಾರದಿಂದ ನಾಪತ್ತೆಯಾಗಿದ್ದಾರೆ ಎನ್ನಲಾಗಿದ್ದು, ಭಾರತಕ್ಕೆ ಗಡಿಪಾರಾಗುವ ಭೀತಿಯಿಂದ ಕ್ಯೂಬಾದಲ್ಲಿ ತಲೆಮರೆಸಿಕೊಂಡಿರಬಹುದು ಎಂದು ಶಂಕಿಸಲಾಗಿದೆ.
Admin
0
9
ಹೊಸದಿಲ್ಲಿ: ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ಗೆ ಸಾವಿರಾರು ಕೋಟಿ ರೂ. ವಂಚನೆ ಎಸಗಿರುವ ಹಗರಣದ ಪ್ರಮುಖ ಆರೋಪಿ, ಉದ್ಯಮಿ ಆಂಟಿಗುವಾದಿಂದ ತಪ್ಪಿಸಿಕೊಂಡಿದ್ದಾರೆ. ಭಾರತಕ್ಕೆ ಗಡಿಪಾರಾಗುವ ಭೀತಿಯಿಂದ ಕ್ಯೂಬಾದಲ್ಲಿ ತಲೆಮರೆಸಿಕೊಂಡಿರಬಹುದು ಎಂದು ಶಂಕಿಸಲಾಗಿದೆ.
ಮತ್ತು ಬಾರ್ಬುಡಾ ದ್ವೀಪ ರಾಷ್ಟ್ರದಿಂದ ಚೋಕ್ಸಿ ಕಳೆದ ಭಾನುವಾರದಿಂದ (ಮೇ 23) ನಾಪತ್ತೆಯಾಗಿರುವ ಬಗ್ಗೆ ಪೊಲೀಸರು, ಉದ್ಯಮಿಯ ಭಾವಚಿತ್ರ ಸಹಿತ ಪ್ರಕಟಣೆ ಹೊರಡಿಸಿದ್ದು, ಸಾರ್ವಜನಿಕರಿಂದ ಮಾಹಿತಿ ಕೋರಿದ್ದಾರೆ. 2018ರ ಜನವರಿಯಿಂದ ಚೋಕ್ಸಿ ಅಲ್ಲಿದ್ದರು ಎಂದು ಸ್ಥಳೀಯ ಪತ್ರಿಕೆಗಳಲ್ಲಿ ವರದಿಯಾಗಿದೆ.
ಆಂಟಿಗುವಾದ ಪೌರತ್ವ ಹೊಂದಿರುವ ಚೋಕ್ಸಿ ಭಾನುವಾರ ತಮ್ಮ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದುದನ್ನು ಸ್ಥಳೀಯರು ನೋಡಿದ್ದಾರೆ. ಆದರೆ ನಂತರ ನಾಪತ್ತೆಯಾಗಿದ್ದಾರೆ.
62 ವರ್ಷದ ಮೆಹುಲ್‌ ಚೋಕ್ಸಿ 14,000 ಕೋಟಿ ರೂ. ಮೊತ್ತದ ಬ್ಯಾಂಕ್‌ ವಂಚನೆ ಮತ್ತು ಅಕ್ರಮ ಹಣಕಾಸು ವರ್ಗಾವಣೆ ಪ್ರಕರಣದಲ್ಲಿ ಭಾರತಕ್ಕೆ ಬೇಕಾಗಿದ್ದಾರೆ. 2018ರಲ್ಲಿ ಅವರು ಆಂಟಿಗುವಾಗೆ ಪಲಾಯನ ಮಾಡಿದ್ದರು. ಆಂಟಿಗುವಾ ಮತ್ತು ಭಾರತದ ನಡುವೆ ಹಸ್ತಾಂತರ ಒಪ್ಪಂದಗಳು ನಡೆದಿಲ್ಲ. ಇದೀಗ ಅವರು ಕ್ಯೂಬಾಗೆ ಪಲಾಯನ ಮಾಡಿರುವ ಅನುಮಾನವಿದ್ದು, ಮತ್ತು ಭಾರತದ ಜತೆಗೂ ಯಾವುದೇ ಹಸ್ತಾಂತರ ಒಪ್ಪಂದಗಳು ನಡೆದಿಲ್ಲ.
ಹಗರಣದ ಇನ್ನೋರ್ವ ಪ್ರಮುಖ ಆರೋಪಿ ನೀರವ್‌ ಮೋದಿ ಲಂಡನ್‌ನ ಜೈಲಿನಲ್ಲಿದ್ದಾರೆ. ಅವರು ಅಲ್ಲಿ ಹಸ್ತಾಂತರ ಪ್ರಕ್ರಿಯೆಯನ್ನು ಎದುರಿಸುತ್ತಿದ್ದಾರೆ.
