ಅಣ್ಣಾವ್ರ ವ್ಯಕ್ತಿತ್ವದ ಉದಾಹರಣೆ ನೀಡಿ 'ಟಾಲಿವುಡ್‌' ಸ್ಟಾರ್‌ಗಳಿಗೆ ಬುದ್ಧಿ ಹೇಳಿದ ತೆಲುಗು ನಟ!
'ವರನಟ' ಡಾ. ರಾಜ್‌ಕುಮಾರ್ ಎಂತಹ ಮಹಾನ್ ನಟ ಎಂಬುದನ್ನು ಬಿಡಿಸಿ ಹೇಳಬೇಕಿಲ್ಲ. ನಟನೆ ಹೊರತಾಗಿಯೂ ತಮ್ಮ ಸರಳತೆ, ವ್ಯಕ್ತಿತ್ವದಿಂದ ಹೆಸರಾಗಿದ್ದವರು. ಅಂತಹ ಮಹಾನ್ ನಟನ ಕುರಿತು ತೆಲುಗಿನ ಖ್ಯಾತ ನಟ ಪೊಸಾನಿ ಕೃಷ್ಣ ಮುರಳಿ ಮಾತನಾಡಿದ್ದಾರೆ.
Admin
0
12
ತೆಲುಗು ಚಿತ್ರರಂಗದಲ್ಲಿ ಈಗ ದೊಡ್ಡ ಸಂಚಲನವೇ ಸೃಷ್ಟಿಯಾಗಿದೆ. ಒಂದು ಕಡೆ ಮೂವೀ ಆರ್ಟಿಸ್ಟ್ ಅಸೋಸಿಯೇಷನ್ ಚುನಾವಣೆ ರಂಗು ಪಡೆದುಕೊಂಡಿದೆ. ಮತ್ತೊಂದು ಕಡೆ, ನಟ ನೀಡಿರುವ ಹೇಳಿಕೆಗಳು ಚರ್ಚೆಗೆ ಕಾರಣವಾಗಿವೆ. ನೇರವಾಗಿ ಜಗನ್‌ ಮೋಹನ್ ರೆಡ್ಡಿ ಸರ್ಕಾರದ ವಿರುದ್ಧ ಪವನ್ ಕಿಡಿ ಕಾರಿದ್ದರು. ಇದೀಗ ಪವನ್ ವಿರುದ್ಧವೇ ಖ್ಯಾತ ನಟ, ನಿರ್ದೇಶಕ ಗುಡುಗಿದ್ದಾರೆ. 'ಕನ್ನಡದ ವರನಟ ಅವರನ್ನು ನೋಡಿ ಟಾಲಿವುಡ್‌ ಸ್ಟಾರ್ ನಟರು ಕಲಿಯುವುದು ತುಂಬ ಇದೆ' ಎಂದು ಹೇಳಿಕೆ ನೀಡಿದ್ದಾರೆ.
ನಟ ಸಂಭಾವನೆ ಕುರಿತಂತೆ ಮಾತನಾಡಿರುವ ಪೊಸಾನಿ, 'ಎನ್‌ಟಿ ರಾಮಾರಾವ್, ಅಕ್ಕಿನೇನಿ ನಾಗೇಶ್ವರರಾವ್ ಅವರು ದೊಡ್ಡ ನಟರು. ಅವರೆಂದು ಕೂಡ ಸಂಭಾವನೆ ವಿಚಾರವಾಗಿ ಜಾಸ್ತಿ ಕೇಳಲಿಲ್ಲ. ಕನ್ನಡದ ಡಾ. ರಾಜ್‌ಕುಮಾರ್ ಬಗ್ಗೆ ನಮಗೆಲ್ಲ ಗೊತ್ತು. ಭಾರತದಲ್ಲಿ ಟಾಪ್ ನಟ ಅವರು. ಒಮ್ಮೆ ಅವರು ತಮ್ಮ ಸಂಭಾವನೆಯನ್ನು ಕೊಂಚ ಹೆಚ್ಚಿಸಿಕೊಳ್ಳಬೇಕೆಂದು ನಿರ್ಧಾರ ಮಾಡಿ, ತಮ್ಮ ಮನೆಗೆ ನಿರ್ಮಾಪಕರು, ವಿತರಕನ್ನೆಲ್ಲ ಊಟಕ್ಕೆ ಆಹ್ವಾನಿಸುತ್ತಾರೆ. ಊಟದ ನಂತರ, ಎಲ್ಲರನ್ನೂ ಉದ್ದೇಶಿಸಿ ನನ್ನ ಕುಟುಂಬ ಬೆಳೆಯುತ್ತಿದೆ. ಅವರ ಪೋಷಣೆ ಕೂಡ ಮುಖ್ಯ. ನನ್ನನ್ನೇ ನಂಬಿರುವವರ ಸಂಖ್ಯೆ ದೊಡ್ಡದಿದೆ. ಹಾಗಾಗಿ, ನನ್ನ ಸಂಭಾವನೆಯಲ್ಲಿ ಇಪ್ಪತ್ತೈದು ಸಾವಿರ ರೂಪಾಯಿ ಹೆಚ್ಚಿಸಿಕೊಳ್ಳುತ್ತೇನೆ. ನೀವು ಒಪ್ಪಿಕೊಂಡರೆ ಮಾತ್ರ' ಎಂದು ಅವರೆಲ್ಲರಿಗೂ ಮನವಿ ಮಾಡಿಕೊಳ್ಳುತ್ತಾರೆ. ಅಂತ ಮಹಾನ್ ನಟ ಅವರು' ಎಂದು ಹೇಳಿದ್ಧಾರೆ.
'ಡಾ. ರಾಜ್‌ಕುಮಾರ್ ಅವರು ಹಾಗೇ ಹೇಳುತ್ತಿದ್ದಂತೆಯೇ, ನಿರ್ಮಾಪಕರು, ವಿತರಕರೆಲ್ಲ, 'ನಿಮ್ಮ ಸಿನಿಮಾಗಳಿಂದ ನಾವುಗಳು ದುಡ್ಡು ಗಳಿಸುತ್ತಿದ್ದೇವೆ. ನಿಮಗೆ ಬೇಕಾದಷ್ಟು ಸಂಭಾವನೆ ಏರಿಸಿಕೊಳ್ಳಿ' ಎಂದು ಹೇಳಿದ್ದರಂತೆ. ಡಾ. ರಾಜ್‌ಕುಮಾರ್ ಅವರ ವ್ಯಕ್ತಿತ್ವ ಅಂಥದ್ದು. ಟಾಲಿವುಡ್‌ನಲ್ಲಿರುವ ಇವರು ಸೂಪರ್ ಸ್ಟಾರ್‌ಗಳೇ, ಅವರು ಸೂಪರ್ ಸ್ಟಾರ್ ನಟರೇ. ಆದರೆ, ಅವರ ಸಂಸ್ಕಾರ ಎಂಥದ್ದು..? ಇವರ ಸಂಸ್ಕಾರ ಎಂಥದ್ದು..' ಎಂದು ಟಾಲಿವುಡ್‌ ನಟರಿಗೆ ಪ್ರಶ್ನೆ ಮಾಡಿದ್ದಾರೆ ಪೊಸಾನಿ ಕೃಷ್ಣ ಮುರಳಿ.
ಪವನ್‌ಗೆ ಪವರ್ ಸ್ಟಾರ್ ಬಿರುದು ನೀಡಿದ್ದೇ ಪೊಸಾನಿಈಗ ಪವನ್ ಕಲ್ಯಾಣ್ ವಿರುದ್ಧ ತಿರುಗಿಬಿದ್ದಿರುವ ಪೊಸಾನಿ, 24 ವರ್ಷಗಳ ಹಿಂದೆ ಪವನ್ ಕಲ್ಯಾಣ್‌ಗೆ ಪವರ್ ಸ್ಟಾರ್ ಎಂದು ಬಿರುದು ನೀಡಿದ್ದರು! '1996ರಲ್ಲಿ ತೆರೆಕಂಡ 'ಅಕ್ಕಡ ಅಮ್ಮಾಯಿ ಇಕ್ಕಡ ಅಬ್ಬಾಯಿ' ಚಿತ್ರದ ಮೂಲಕ ಪವನ್ ಕಲ್ಯಾಣ್ ಹೀರೋ ಆದರು. ಆನಂತರ ಎರಡನೇ ಸಿನಿಮಾ 'ಗೋಕಲಮ್ಲೋ ಸೀತಾ' ಅವರಿಗೆ ದೊಡ್ಡ ಯಶಸ್ಸು ತಂದುಕೊಟ್ಟಿತ್ತು. ಆ ಸಿನಿಮಾಗೆ ಸ್ಕ್ರಿಪ್ಟ್ ಬರೆದವರು ಪೊಸಾನಿ. ಆಗಲೇ ಅವರು ಪವನ್ ಕಲ್ಯಾಣ್‌ಗೆ 'ಪವರ್ ಸ್ಟಾರ್' ಬಿರುದು ನೀಡಿದ್ದರು. 'ನಾನು 'ಗೋಕಲಮ್ಲೋ ಸೀತಾ' ಸಿನಿಮಾಕ್ಕೆ ಸ್ಕ್ರಿಪ್ಟ್ ಮಾಡುತ್ತಿದ್ದೆವು. ಆಗಲೇ ಪವನ್ ಕಲ್ಯಾಣ್‌ಗೆ ಪವರ್ ಸ್ಟಾರ್ ಬಿರುದು ಕೊಟ್ಟಿದ್ದೆ. ಅದನ್ನು ನಾನೇ ಕೊಟ್ಟಿದ್ದು. ಆ ಸಿನಿಮಾವೇ ಪವನ್ ಅವರ ಮೊದಲ ಹಿಟ್ ಸಿನಿಮಾ' ಎಂದು ಪೊಸಾನಿ ಒಮ್ಮೆ ಹೇಳಿಕೊಂಡಿದ್ದರು.
