The Family Man: 'ದಿ ಫ್ಯಾಮಿಲಿ ಮ್ಯಾನ್‌' ಸೀಸನ್‌ 3ರಲ್ಲಿ ವೀಕ್ಷಕರಿಗೆ ಸಿಗಲಿದೆ ಬಿಗ್ ಸರ್ಪ್ರೈಸ್!

ಇಂಡಿಯನ್ ವೆಬ್ ಸಿರೀಸ್‌ಗಳಲ್ಲೇ 'ದಿ ಫ್ಯಾಮಿಲಿ ಮ್ಯಾನ್‌'ಗೆ ದೊಡ್ಡ ಹೆಸರಿದೆ. ಮೊದಲ ಸೀಸನ್‌ ಭರ್ಜರಿ ಯಶಸ್ಸು ಕಂಡ ಮೇಲೆ ನಿರ್ದೇಶಕರಾದ ರಾಜ್ ಮತ್ತು ಡಿಕೆ, 2ನೇ ಸೀಸನ್‌ ಅನ್ನು ಇನ್ನೂ ಅದ್ದೂರಿಯಾಗಿ ಮಾಡಿದ್ದರು. ಜೂನ್ 4ರಂದು ರಿಲೀಸ್ ಆದ ಆ ಸೀಸನ್‌ ಕೂಡ ಭಾರಿ ಯಶಸ್ಸು ಪಡೆದುಕೊಂಡಿತ್ತು. ಅದರಲ್ಲೇ ಸೀಸನ್‌ 3 ಬರುವ ಬಗ್ಗೆಯೂ ಸುಳಿವು ನೀಡಲಾಗಿತ್ತು. ಇದೀಗ ಎಲ್ಲರ ಕಣ್ಣು ಸೀಸನ್‌ 3 ಮೇಲಿದೆ. ಈ ಮಧ್ಯೆ ಬಿಗ್ ಬ್ರೇಕಿಂಗ್ ನ್ಯೂಸ್‌ವೊಂದು ಬಹಿರಂಗಗೊಂಡಿದೆ! 'ದಿ ಫ್ಯಾಮಿಲಿ ಮ್ಯಾನ್‌' ಸೀಸನ್‌ 3ರಲ್ಲಿ ವಿಜಯ್ ಸೇತುಪತಿ ಸದ್ಯ ಕೇಳಿಬಂದಿರುವ ಮಾಹಿತಿ ಪ್ರಕಾರ, ದಕ್ಷಿಣ ಭಾರತದ ಬೇಡಿಕೆಯ ನಟ ವಿಜಯ್ ಸೇತುಪತಿ ಅವರನ್ನು 'ದಿ ಫ್ಯಾಮಿಲಿ ಮ್ಯಾನ್‌' ಸೀಸನ್‌ 3ರಲ್ಲಿ ನಟಿಸುವಂತೆ ಅಪ್ರೋಚ್ ಮಾಡಲಾಗಿದೆ. ಬಹುತೇಕ ವಿಲನ್ ಪಾತ್ರಕ್ಕೇ ನಿರ್ದೇಶಕರು ವಿಜಯ್‌ರನ್ನು ಅಪ್ರೋಚ್ ಮಾಡಿದ್ದಾರೆ ಎಂಬ ಮಾಹಿತಿ ಸಿಕ್ಕಿದೆ. ಅಲ್ಲದೆ, ರಾಜ್ ಮತ್ತು ಡಿಕೆ ಅವರ ನೀಡಿರುವ ಈ ಆಫರ್‌ ಅನ್ನು ವಿಜಯ್ ಕೂಡ ಒಪ್ಪಿಕೊಂಡಿದ್ದು, ನಟಿಸಲು ಗ್ರೀನ್ ಸಿಗ್ನಲ್ ನೀಡಿದ್ದಾರಂತೆ. ಇದೆಲ್ಲವೂ ಅಧಿಕೃತಗೊಂಡರೆ, ಮನೋಜ್ ಬಾಜ್‌ಪೇಯಿ-ವಿಜಯ್ ಕಾಂಬಿನೇಷನ್‌ ವೀಕ್ಷಕರಿಗೆ ಹಬ್ಬದೂಟವೇ ಆಗಲಿದೆ. ಈ ಹಿಂದೆಯೂ ಅಪ್ರೋಚ್ ಮಾಡಲಾಗಿತ್ತು ಅಂದಹಾಗೆ, ಇದೇ ಮೊದಲ ಬಾರಿಯಲ್ಲ, ಈ ಹಿಂದೆಯೂ ವಿಜಯ್ ಸೇತುಪತಿಗೆ ಫ್ಯಾಮಿಲಿ ಮ್ಯಾನ್ ತಂಡದಿಂದ ಆಫರ್ ನೀಡಲಾಗಿತ್ತು. 'ಫ್ಯಾಮಿಲಿ ಮ್ಯಾನ್‌ 2'ರಲ್ಲಿ ಭಾಸ್ಕರನ್ ಪಳನಿವೇಲ್‌ ಅನ್ನೋ ಪಾತ್ರಕ್ಕೆ ವಿಜಯ್‌ಗೆ ಆಫರ್ ನೀಡಲಾಗಿತ್ತು. ಆದರೆ, ಆ ಆಫರ್ ಅನ್ನು ನಿರಾಕರಿಸಿದ್ದ ವಿಜಯ್, ಮೈಮ್ ಗೋಪಿ ಹೆಸರನ್ನು ಸೂಚಿಸಿದ್ದರು. ಅಂತಿಮವಾಗಿ ಮೈಮ್‌ ಗೋಪಿಯೇ ಆ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಸೀಸನ್ 2ರಲ್ಲಿ ನಟಿ ಸಮಂತಾ ಅಕ್ಕಿನೇನಿ ವಿಲನ್ ಆಗಿ ಕಾಣಿಸಿಕೊಂಡು, ಅಚ್ಚರಿ ಮೂಡಿಸಿದ್ದರು. ಅವರ ನಟನೆಗೆ ಎಲ್ಲರಿಂದಲೂ ಮೆಚ್ಚುಗೆ ಸಿಕ್ಕಿತ್ತು. ಇದೀಗ ಸೀಸನ್ 3ರಲ್ಲಿ ವಿಜಯ್ ಸೇತುಪತಿ ನಟಿಸಲಿದ್ದಾರೆ ಎಂಬ ಮಾಹಿತಿ ಸಿಕ್ಕಮೇಲಂತೂ ಫ್ಯಾನ್ಸ್ ಸಖತ್ ಎಕ್ಸೈಟ್ ಆಗಿದ್ದಾರೆ. ಸದ್ಯ ಕೊರೊನಾ ಪ್ಯಾಂಡಮಿಕ್ ಇರುವುದರಿಂದ ಶೂಟಿಂಗ್ ಶುರುವಾಗುವುದು ಕೊಂಚ ತಡವಾಗಬಹುದು. 2022ರಲ್ಲಿ ಸೀಸನ್ 3 ರಿಲೀಸ್ ಆಗುವ ಸಾಧ್ಯತೆ ಇದೆ.