Pushpa 3 Days Collection: ಮೂರು ದಿನಗಳಲ್ಲಿ ‘ಪುಷ್ಪ’ ಕಲೆಕ್ಷನ್ 173 ಕೋಟಿ..!

ಟಾಲಿವುಡ್‌ನ ಐಕಾನ್ ಸ್ಟಾರ್ ಅಭಿನಯದ ‘’ ಸಿನಿಮಾಗೆ ಫಸ್ಟ್ ಶೋ ಬಳಿಕ ಅಷ್ಟೇನು ಉತ್ತಮ ಪ್ರತಿಕ್ರಿಯೆ ಸಿಕ್ಕಿರಲಿಲ್ಲ. ‘’ಸಿನಿಮಾದ ಅವಧಿ ತೀರಾ ಜಾಸ್ತಿಯಾಯ್ತು, ಸೆಕೆಂಡ್ ಹಾಫ್ ಅಂತೂ ತುಂಬಾನೇ ಎಳೆದಿದ್ದಾರೆ, ಬ್ಯಾಕ್‌ಗ್ರೌಂಡ್ ಮ್ಯೂಸಿಕ್‌ನಲ್ಲಿ ಕಿಕ್ ಇಲ್ಲ, ಗ್ರಾಫಿಕ್ಸ್ ಚೆನ್ನಾಗಿಲ್ಲ..’’ ಎಂಬಿತ್ಯಾದಿ ನೆಗೆಟಿವ್ ಫೀಡ್‌ಬ್ಯಾಕ್‌ಗಳೇ ಹೆಚ್ಚು ಕೇಳಿಬಂದಿದ್ದವು. ಅಷ್ಟೆಲ್ಲಾ ನೆಗೆಟಿವ್ ಟಾಕ್ ಮಧ್ಯೆ ‘ಪುಷ್ಪ’ ಸಿನಿಮಾ ಬಾಕ್ಸ್ ಆಫೀಸ್ ಕಲೆಕ್ಷನ್‌ ವಿಚಾರದಲ್ಲಿ ದಾಖಲೆ ಮೇಲೆ ದಾಖಲೆ ಬರೆಯುತ್ತಿದೆ. ಹೌದು.. ಕಲೆಕ್ಷನ್ ಲೆಕ್ಕಾಚಾರದಲ್ಲಿ ‘ಪುಷ್ಪ’ ಸಿನಿಮಾದ ನಾಗಲೋಟ ಮುಂದುವರೆದಿದೆ. ಮಿಶ್ರ ಪ್ರತಿಕ್ರಿಯೆ ಮಧ್ಯೆಯೂ ‘ಪುಷ್ಪ’ ಸಿನಿಮಾ ಉತ್ತಮ ಕಲೆಕ್ಷನ್ ಮಾಡುತ್ತಿದೆ. ಬಿಡುಗಡೆಯಾದ ಮೂರೇ ದಿನಗಳಲ್ಲಿ ‘ಪುಷ್ಪ’ ಸಿನಿಮಾ ವಿಶ್ವದಾದ್ಯಂತ 173 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ ಅಂದ್ರೆ ನೀವು ನಂಬಲೇಬೇಕು..! ಅಧಿಕೃತ ಮಾಹಿತಿ ನೀಡಿದ ನಿರ್ಮಾಣ ಸಂಸ್ಥೆ ‘ಪುಷ್ಪ’ ಸಿನಿಮಾದ ಮೂರು ದಿನಗಳ ಕಲೆಕ್ಷನ್ ಬಗ್ಗೆ ನಿರ್ಮಾಣ ಸಂಸ್ಥೆ ಮೈತ್ರಿ ಮೂವಿ ಮೇಕರ್ಸ್ ಅಧಿಕೃತ ಮಾಹಿತಿಯನ್ನು ಹಂಚಿಕೊಂಡಿದೆ. ‘’ಮೂರು ದಿನಗಳಲ್ಲಿ ‘ಪುಷ್ಪ’ ಸಿನಿಮಾ 173 ಕೋಟಿ ರೂಪಾಯಿಯನ್ನು ಕಲೆಕ್ಟ್ ಮಾಡಿದೆ (Worldwide Gross Collection)’’ ಎಂದು ಮೈತ್ರಿ ಮೂವಿ ಮೇಕರ್ಸ್ ಟ್ವೀಟ್ ಮಾಡಿದೆ. ಜೊತೆಗೆ 2021ರ ಭಾರತದ ಬಿಗ್ಗೆಸ್ಟ್ ಗ್ರಾಸರ್ ಸಿನಿಮಾ ‘ಪುಷ್ಪ’ ಎಂದೂ ಮೈತ್ರಿ ಮೂವಿ ಮೇಕರ್ಸ್ ಸಂಸ್ಥೆ ತಿಳಿಸಿದೆ. ಮೊದಲ ದಿನದ ಕಲೆಕ್ಷನ್ ಎಷ್ಟು? ‘ಮೈತ್ರಿ ಮೂವಿ ಮೇಕರ್ಸ್’ ಸಂಸ್ಥೆ ಟ್ವೀಟ್ ಮಾಡಿರುವ ಪ್ರಕಾರ, ‘ಪುಷ್ಪ- ದಿ ರೈಸ್’ ಸಿನಿಮಾ ಬಿಡುಗಡೆಯಾದ ಮೊದಲ ದಿನವೇ ವಿಶ್ವದಾದ್ಯಂತ ಬರೋಬ್ಬರಿ 71 ಕೋಟಿ ರೂಪಾಯಿ (Day 1 Worldwide Gross Collection) ಕಲೆಕ್ಷನ್ ಮಾಡಿದೆ. ಮೊದಲ ದಿನವೇ ನಿಜಾಮ್ ಪ್ರದೇಶದಲ್ಲಿ 11.44 ಕೋಟಿ ರೂಪಾಯಿ ಶೇರ್ ಪಡೆದ ‘ಪುಷ್ಪ - ದಿ ರೈಸ್’ ಸಿನಿಮಾ ಆಲ್ ಟೈಮ್ ರೆಕಾರ್ಡ್ ಸೃಷ್ಟಿಸಿದೆ. ಇನ್ನೂ, ಅಲ್ಲು ಅರ್ಜುನ್ ಕೆರಿಯರ್‌ನಲ್ಲೇ ಬಿಗ್ ಓಪನ್ನಿಂಗ್ ಪಡೆದ ಚಿತ್ರ ‘ಪುಷ್ಪ- ದಿ ರೈಸ್’ ಎಂದೆನಿಸಿಕೊಂಡಿದೆ. ‘ಪುಷ್ಪ’ ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ, ಫಹಾದ್ ಫಾಸಿಲ್, ಧನಂಜಯ, ಸುನೀಲ್, ಅಜಯ್, ರಾವ್ ರಮೇಶ್, ಸಮಂತಾ ಮುಂತಾದವರು ನಟಿಸಿರುವ ಸಿನಿಮಾ ‘ಪುಷ್ಪ - ದಿ ರೈಸ್’. ‘ಆರ್ಯ’, ‘ಆರ್ಯ-2’ ಚಿತ್ರಗಳ ಬಳಿಕ ಅಲ್ಲು ಅರ್ಜುನ್ ಹಾಗೂ ಒಂದಾಗಿರುವುದು ಈ ಚಿತ್ರದಲ್ಲೇ. ಇದೇ ಕಾರಣಕ್ಕೆ ‘ಪುಷ್ಪ- ರಿ ರೈಸ್’ ಸಿನಿಮಾದ ಮೇಲೆ ಅಭಿಮಾನಿಗಳಿಗೆ ಹೈ ಎಕ್ಸ್ ಪೆಕ್ಟೇಷನ್ಸ್ ಇತ್ತು.