Prakash Raj: 'ಮೆಗಾ ಸ್ಟಾರ್' ಚಿರಂಜೀವಿಗೆ 'ಬಾಸ್' ಅಂತ ಕರೆದ ನಟ ಪ್ರಕಾಶ್ ರಾಜ್! ಕಾರಣವೇನು?

ಬಹುಭಾಷಾ ನಟ ಪ್ರಕಾಶ್ ರಾಜ್ ಅವರಿಗೆ ಬೇರೆ ಬೇರೆ ಭಾಷೆಗಳ ಕಲಾವಿದರ ಜೊತೆಗೆ ನಿಕಟ ಸಂಪರ್ಕ ಇದೆ. ಅವರೊಂದಿಗೆ ಉತ್ತಮ ಒಡನಾಟ ಇದೆ. ಹಾಗೇ ಒಡನಾಟ ಹೊಂದಿರುವ ಕಲಾವಿದರಲ್ಲಿ 'ಮೆಗಾ ಸ್ಟಾರ್' ಕೂಡ ಒಬ್ಬರು. ಹೌದು, ಚಿರಂಜೀವಿ ಜೊತೆಗೆ ಪ್ರಕಾಶ್ ರಾಜ್ ಉತ್ತಮವಾದ ಸ್ನೇಹ ಸಂಬಂಧ ಹೊಂದಿದ್ದಾರೆ. ಚಿರುಗೆ ಪ್ರೀತಿಯಿಂದ ಅಣ್ಣಯ್ಯ ಅಂತಲೇ ಪ್ರಕಾಶ್ ಕರೆಯುತ್ತಾರೆ. ಸದ್ಯ ಮಂಗಳವಾರ (ಆ.17) ಚಿರು ಜೊತೆಗೆ ಇರುವ ಒಂದು ಫೋಟೋವನ್ನು ಟ್ವೀಟ್ ಮಾಡಿದ್ದಾರೆ ಪ್ರಕಾಶ್ ರಾಜ್‌. ಜೊತೆಗೆ ಚಿರುಗೆ 'ಬಾಸ್' ಅಂತಲೂ ಕರೆದಿದ್ದಾರೆ. ಅದಕ್ಕೆ ಕಾರಣವೇನು? ಜಿಮ್‌ನಲ್ಲಿ ಚಿರು ಭೇಟಿ ಹೈದರಾಬಾದ್‌ನ ಜಿಮ್‌ವೊಂದರಲ್ಲಿ ಚಿರು ಜೊತೆಗೆ ಫೋಟೋ ಕ್ಲಿಕ್ಕಿಸಿಕೊಂಡಿರುವ ನಟ ಪ್ರಕಾಶ್ ರಾಜ್, ಅದನ್ನು ಟ್ವೀಟ್ ಮಾಡಿದ್ದಾರೆ. 'ಬೆಳಗ್ಗೆ ಜಿಮ್ನಲ್ಲಿ ಬಾಸ್ ಭೇಟಿಯಾದೆ. ಸಿನಿಮಾರಂಗದವರ ಸಮಸ್ಯೆಗಳನ್ನು ಪರಿಹರಿಸಲು ನೇತೃತ್ವವಹಿಸಿದ್ದಕಾಗಿ ಅವರಿಗೆ ಧನ್ಯವಾದ ತಿಳಿಸಿದ್ದೇನೆ. ಅವರು ಸದಾ ಸ್ಫೂರ್ತಿ ನೀಡುವ ಅಣ್ಣಯ್ಯ. ಅವರನ್ನು ಪಡೆದಿರುವ ನಾವೇ ಧನ್ಯರು' ಎಂದು ಟ್ವೀಟ್‌ನಲ್ಲಿ ಬರೆದುಕೊಂಡಿದ್ದಾರೆ ಪ್ರಕಾಶ್ ರಾಜ್. ಈ ಟ್ವೀಟ್‌ಗೆ 15 ಸಾವಿರ ಜನ ಲೈಕ್‌ ಒತ್ತಿದ್ದಾರೆ. ಸಾವಿರಾರು ಜನ ರೀ-ಟ್ವೀಟ್ ಮಾಡಿದ್ದಾರೆ. ಮಾ ಚುನಾವಣೆಗೆ ನಿಲ್ಲಲಿದ್ದಾರೆ ಪ್ರಕಾಶ್ ತೆಲುಗು ಚಿತ್ರರಂಗದ ಮೂವೀ ಆರ್ಟಿಸ್ಟ್ ಅಸೋಸಿಯೇಷನ್‌ಗೆ ಸೆಪ್ಟೆಂಬರ್‌ನಲ್ಲಿ ನಡೆಯುವ ಚುನಾವಣೆಗೆ ಅವರ ತಂಡ ಸ್ಪರ್ಧಿಸಲಿದೆ. ಅವರು ಅಧ್ಯಕ್ಷ ಸ್ಥಾನದ ಅಕಾಂಕ್ಷಿಯಾಗಿದ್ದಾರೆ. ಈ ಚುನಾವಣೆಗೆ ಈಗಾಗಲೇ ಭರ್ಜರಿ ತಯಾರಿ ಶುರುವಾಗಿದೆ. ಈ ಮಧ್ಯೆ ಪ್ರಕಾಶ್ ಸ್ಥಳೀಯರಲ್ಲ ಎಂಬ ಮಾತು ಕೇಳಿಬಂದಿತ್ತು. ಇದಕ್ಕೆ ಪ್ರತಿಕ್ರಿಯೆ ನೀಡಿದ್ದ ಪ್ರಕಾಶ್ ರೈ, 'ತಮಿಳು ನಡಿಗೇರ್‌ ಸಂಘಂ ಚುನಾವಣೆಯಲ್ಲಿ ತೆಲುಗು ಮಾತನಾಡುವ ವಿಶಾಲ್ ಸ್ಪರ್ಧಿಸಿ, ಗೆಲ್ಲುವುದಾದರೆ, ನಾನೇಕೆ ಇಲ್ಲಿ ಸ್ಪರ್ಧಿಸಬಾರದು? ತೆಲಂಗಾಣದ ಒಂದು ಹಳ್ಳಿಯನ್ನು ನಾನು ದತ್ತು ಪಡೆದು, ಅದನ್ನು ಅಭಿವೃದ್ಧಿ ಮಾಡಿದಾಗ ಯಾರೂ ಕೂಡ ನಾನು ಹೊರಗಿನವನು ಎಂದು ಪ್ರಶ್ನೆ ಮಾಡಲಿಲ್ಲ' ಎಂದು ಹೇಳಿಕೆ ನೀಡಿದ್ದರು. ಇನ್ನು, ಈ ಚುನಾವಣೆಯಲ್ಲಿ ಚಿರುಗೆ ಸಪೋರ್ಟ್ ಪ್ರಕಾಶ್‌ಗೆ ಇದೆ ಎನ್ನಲಾಗಿದೆ. ಪ್ರಕಾಶ್ ಭುಜಕ್ಕೆ ಶಸ್ತ್ರ ಚಿಕಿತ್ಸೆ! ಸದ್ಯ ಪ್ರಕಾಶ್ ರಾಜ್ ಭುಜಕ್ಕೆ ಶಸ್ತ್ರ ಚಿಕಿತ್ಸೆ ಮಾಡಲಾಗಿದೆ. ತಮಿಳು ನಟ ಧನುಷ್ ಅಭಿನಯದ 'ತಿರುಚಿತ್ರಾಂಬಲಂ' ಸಿನಿಮಾದಲ್ಲಿ ಪ್ರಕಾಶ್ ರಾಜ್ ಪ್ರಮುಖ ಪಾತ್ರವೊಂದಕ್ಕೆ ಬಣ್ಣ ಹಚ್ಚಿದ್ದಾರೆ. ಈ ಚಿತ್ರದ ಚಿತ್ರೀಕರಣದ ವೇಳೆ ಆಯತಪ್ಪಿ ಬಿದ್ದ ಪರಿಣಾಮ ಪ್ರಕಾಶ್ ರಾಜ್ ಭುಜಕ್ಕೆ ಗಾಯವಾಗಿತ್ತು. ತಕ್ಷಣವೇ ಅವರಿಗೆ ಚೆನ್ನೈನ ಆಸ್ಪತ್ರೆಯಲ್ಲಿ ತುರ್ತು ಚಿಕಿತ್ಸೆ ಕೊಡಿಸಲಾಗಿತ್ತು. ಆ ಬಳಿಕ ತಮ್ಮ ಸ್ನೇಹಿತ ಡಾ.ಗುರುವ ರೆಡ್ಡಿ ಬಳಿ ಹೆಚ್ಚಿನ ಚಿಕಿತ್ಸೆ ಪಡೆಯಲು ಅವರು ಹೈದರಾಬಾದ್‌ಗೆ ಮರಳಿದ್ದರು. ಅಲ್ಲಿ ಅವರಿಗೆ ಯಶಸ್ವಿಯಾಗಿ ಶಸ್ತ್ರ ಚಿಕಿತ್ಸೆ ಮಾಡಲಾಗಿತ್ತು.