2021-22ರಲ್ಲಿ ಐಟಿ ಕಂಪನಿಗಳ ಆದಾಯದಲ್ಲಿ ಭರ್ಜರಿ ಹೆಚ್ಚಳದ ನಿರೀಕ್ಷೆ
ಅಕ್ಸೆಂಚರ್‌ ಮಾರ್ಚ್ 31ಕ್ಕೆ ಅಂತ್ಯವಾದ ತ್ರೈಮಾಸಿಕದಲ್ಲಿ ತನ್ನ ಆದಾಯವನ್ನು ಶೇ. 21ರಷ್ಟು ವೃದ್ಧಿಸಿಕೊಂಡಿದ್ದು, 2021-22ರ ಬೆಳವಣಿಗೆಯ ಮುನ್ನೋಟವನ್ನೂ ಹೆಚ್ಚಿಸಿದೆ. ಹೀಗಾಗಿ ಭಾರತದ ಇತರ ಐಟಿ ಕಂಪನಿಗಳೂ ಪ್ರಸಕ್ತ ಸಾಲಿನಲ್ಲಿ ಭರ್ಜರಿ ಆದಾಯ ಗಳಿಸುವ ನಿರೀಕ್ಷೆ ಇದೆ.
Admin
0
6
ಹೊಸದಿಲ್ಲಿ: ಅಕ್ಸೆಂಚರ್‌ ಕಳೆದ ಮಾರ್ಚ್ 31ಕ್ಕೆ ಅಂತ್ಯವಾದ ತ್ರೈಮಾಸಿಕದಲ್ಲಿ ತನ್ನ ಆದಾಯವನ್ನು ಶೇಕಡಾ 21ರಷ್ಟು ವೃದ್ಧಿಸಿಕೊಂಡಿದ್ದು, 2021-22ರ ಬೆಳವಣಿಗೆಯ ಮುನ್ನೋಟವನ್ನೂ ಹೆಚ್ಚಿಸಿದೆ. ಹೀಗಾಗಿ ಭಾರತದ ಇತರ ಪ್ರಮುಖ ಐಟಿ ಕಂಪನಿಗಳೂ ಪ್ರಸಕ್ತ ಸಾಲಿನಲ್ಲಿ ಭರ್ಜರಿ ಆದಾಯ ಗಳಿಸುವ ನಿರೀಕ್ಷೆ ಉಂಟಾಗಿದೆ.
ಅಕ್ಸೆಂಚರ್‌ನ ಹಣಕಾಸು ಫಲಿತಾಂಶ ಹಾಗೂ ಆದಾಯ ಬೆಳವಣಿಗೆಯ ಮುನ್ನೋಟವು ಐಟಿ ವಲಯದ ಟ್ರೆಂಡ್‌ ಅನ್ನು ಬಿಂಬಿಸುತ್ತವೆ ಎಂದು ತಜ್ಞರು ಹೇಳಿದ್ದಾರೆ. ಕಂಪನಿ ಕಳೆದ ತ್ರೈಮಾಸಿಕದಲ್ಲಿ 13.26 ಶತಕೋಟಿ ಡಾಲರ್‌ (96,798 ಕೋಟಿ ರೂ.) ಆದಾಯ ಗಳಿಸಿತ್ತು. ಕಳೆದ ವರ್ಷ ಇದೇ ಅವಧಿಯಲ್ಲಿ 80,300 ಕೋಟಿ ರೂ. ಆದಾಯ ಗಳಿಸಿತ್ತು. ಹೀಗಾಗಿ ಇನ್ಫೋಸಿಸ್‌, ಎಚ್‌ಸಿಎಲ್‌ ಟೆಕ್ನಾಲಜೀಸ್‌ಗೂ ಸಕಾರಾತ್ಮಕ ಸುದ್ದಿಯಾಗಿದೆ ಎನ್ನಲಾಗುತ್ತಿದೆ.
ಅಕ್ಸೆಂಚರ್‌ 2021ರಲ್ಲಿ ತನ್ನ ವಹಿವಾಟು ಶೇಕಡಾ 11ರಷ್ಟು ವೃದ್ಧಿಸಬಹುದು ಎಂದು ನಿರೀಕ್ಷಿಸಿದೆ. ಹೊಸ ಆರ್ಡರ್‌ಗಳನ್ನು ಕಂಪನಿ ಗಳಿಸಿದೆ. ಐಟಿ ಕನ್ಸಲ್ಟಿಂಗ್‌ ಸೇವೆ ಮತ್ತು ಕ್ಲೌಡ್‌ ಆಧಾರಿತ ಡಿಜಿಟಲ್‌ ಸೇವೆಗೆ ಬೇಡಿಕೆ ವೃದ್ಧಿಸಿದೆ ಎಂದು ಕಂಪನಿ ತಿಳಿಸಿದೆ.
