ಎಸ್‌ಬಿಐ ಗ್ರಾಹಕರೇ ಎಚ್ಚರ! ಆಗಸ್ಟ್ 6 ಮತ್ತು 7ರಂದು ಆನ್ಲೈನ್ ಬ್ಯಾಂಕಿಂಗ್ ಸೇವೆ ಸ್ಥಗಿತ!
ದೇಶದ ಅತಿ ದೊಡ್ಡ ಬ್ಯಾಂಕ್ ಎನಿಸಿರುವ 'ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ' (ಎಸ್‌ಬಿಐ) ಗ್ರಾಹಕರು ಗಮನಿಸಲೇಬೇಕಾದ ಸುದ್ದಿ ಇದು. ಆಗಸ್ಟ್ 6 ಮತ್ತು 7ರಂದು ಎರಡು ದಿನಗಳ ಕಾಲ ಎಸ್‌ಬಿಐನ ಆನ್ಲೈನ್ ಬ್ಯಾಂಕಿಂಗ್ ಸೇವೆಗಳು ಸ್ಥಗಿತವಾಗಲಿದೆ.
Admin
0
7
ಹೊಸದಿಲ್ಲಿ: ದೇಶದ ಅತಿ ದೊಡ್ಡ ಬ್ಯಾಂಕ್ ಎನಿಸಿರುವ 'ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ' () ಗ್ರಾಹಕರು ಗಮನಿಸಲೇಬೇಕಾದ ಸುದ್ದಿ ಇದು. ಆಗಸ್ಟ್ 6 ಮತ್ತು 7ರಂದು ಎರಡು ದಿನಗಳ ಕಾಲ ಎಸ್‌ಬಿಐನ ಆನ್ಲೈನ್ ಬ್ಯಾಂಕಿಂಗ್ ಸೇವೆಗಳು ಸ್ಥಗಿತವಾಗಲಿದೆ.
ಆಗಸ್ಟ್ 6 ಮತ್ತು 7ರಂದು ಕೆಲವು ಗಂಟೆಗಳ ಕಾಲ ಆನ್ಲೈನ್ ಬ್ಯಾಂಕಿಂಗ್ ಸೇವೆಗಳನ್ನು ಸ್ಥಗಿತಗೊಳಿಸುವುದಾಗಿ ಎಸ್‌ಬಿಐ ತಿಳಿಸಿದೆ. ಈ ಸಮಯದಲ್ಲಿ ತಾತ್ರಿಕ ನಿರ್ವಹಣಾ ಕಾರ್ಯಗಳಿಂದಾಗಿ, ಸೇವೆಗಳನ್ನು ಸ್ವಲ್ಪ ಸಮಯದವರೆಗೆ ನಿಲ್ಲಿಸಲಾಗುವುದು ಎಂದು ಎಸ್‌ಬಿಐ ಮಾಹಿತಿ ನೀಡಿದೆ.
ಈ ಸಮಯದಲ್ಲಿ, ಗ್ರಾಹಕರು ಎಸ್‌ಬಿಐನ ಇಂಟರ್ನೆಟ್ ಬ್ಯಾಂಕಿಂಗ್ ಸೇವೆಗಳನ್ನು ಬಳಸಲು ಸಾಧ್ಯವಾಗುವುದಿಲ್ಲ. ಇದರಲ್ಲಿ ಯೋನೊ ( Yono), ಯೋನೊ ಲೈಟ್ (SBI Yono Lite) ಮತ್ತು ಯೋನೊ ಬಿಜಿನೆಸ್‌ ಸೇರಿದಂತೆ ಇತರ ಡಿಜಿಟಲ್ ಬ್ಯಾಂಕಿಂಗ್ ಪ್ಲಾಟ್‌ಫಾರ್ಮ್‌ಗಳು ಸೇರಿವೆ.
ಆನ್ಲೈನ್ ಸೇವೆಗಳು ಲಭ್ಯವಿಲ್ಲ:
ಎಸ್‌ಬಿಐ ನೀಡಿರುವ ಮಾಹಿತಿ ಪ್ರಕಾರ ಬ್ಯಾಂಕಿನ ಎಲ್ಲಾ ಡಿಜಿಟಲ್ ಬ್ಯಾಂಕಿಂಗ್ ಪ್ಲಾಟ್‌ಫಾರ್ಮ್‌ಗಳು ಆಗಸ್ಟ್ 6 ರಂದು ರಾತ್ರಿ 10:45 ರಿಂದ ಆಗಸ್ಟ್ 7 ರ ರಾತ್ರಿ 1:15 ಗಂಟೆಯವರೆಗೆ ಕಾರ್ಯ ನಿರ್ವಹಿಸುವುದಿಲ್ಲ. ಈ ಕುರಿತು ಟ್ವೀಟ್ ಮೂಲಕ ಬ್ಯಾಂಕ್ ಮಾಹಿತಿ ನೀಡಿದೆ. ಆಗಸ್ಟ್ 6 ಮತ್ತು ಆಗಸ್ಟ್ 7 ರ ನಡುವೆ, ಎಸ್‌ಬಿಐನ ಆನ್ಲೈನ್ ಸೇವೆಗಳು ಒಟ್ಟು 150 ನಿಮಿಷಗಳವರೆಗೆ ಸ್ಥಗಿತಗೊಳ್ಳಲಿವೆ.
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ದೇಶಾದ್ಯಂತ 22,000 ಕ್ಕೂ ಹೆಚ್ಚು ಶಾಖೆಗಳನ್ನು ಹೊಂದಿದೆ. ಡಿಸೆಂಬರ್ 31, 2020 ರ ಹೊತ್ತಿಗೆ, ಬ್ಯಾಂಕಿನ ಇಂಟರ್ನೆಟ್ ಬ್ಯಾಂಕಿಂಗ್ (Internet ) ಗ್ರಾಹಕರ ಸಂಖ್ಯೆ ಸುಮಾರು 8.5 ಕೋಟಿ ಮತ್ತು ಮೊಬೈಲ್ ಬ್ಯಾಂಕ್ ಗ್ರಾಹಕರ ಸಂಖ್ಯೆ 1.9 ಕೋಟಿ . ಇನ್ನು ಬ್ಯಾಂಕಿನ UPI ಗ್ರಾಹಕರ ಸಂಖ್ಯೆ ಸುಮಾರು 13.5 ಕೋಟಿ ಆಗಿದೆ. ಬ್ಯಾಂಕಿನ ಆನ್ಲೈನ್ ಸೇವೆಯನ್ನು ಸ್ಥಗಿತಗೊಳಿಸುವುದರಿಂದ ಅನೇಕ ಗ್ರಾಹಕರು ತೊಂದರೆಗೆ ಒಳಗಾಗುತ್ತಾರೆ.
