ಹೊಸ ದಾಖಲೆ ಬರೆದ ಸೆನ್ಸೆಕ್ಸ್, ನಿಫ್ಟಿ! ಷೇರು ಮಾರುಕಟ್ಟೆ ಏರಿಕೆಗೆ ಕಾರಣವೇನು?
ಭಾರತೀಯ ಷೇರುಪೇಟೆ ದಾಖಲೆಯ ಮೇಲೆ ದಾಖಲೆ ಬರೆಯುತ್ತಿದ್ದು, ಸೆನ್ಸೆಕ್ಸ್ ಮತ್ತು ನಿಫ್ಟಿಗಳೆರಡೂ ಮತ್ತೊಮ್ಮೆ ದಾಖಲೆಯ ಗಳಿಕೆ ಕಂಡಿವೆ. ಇದೀಗ ಏಕಾಏಕಿ ಏರಿಕೆ ಕಂಡಿರುವ ಹಿಂದೆ ಪ್ರಮುಖ ಕಾರಣಗಳಿವೆ. ಈ ಕುರಿತ ಮಾಹಿತಿ ಇಲ್ಲಿದೆ.
Admin
0
5
ಹೊಸದಿಲ್ಲಿ: ಭಾರತೀಯ ಷೇರುಪೇಟೆ ದಾಖಲೆಯ ಮೇಲೆ ದಾಖಲೆ ಬರೆಯುತ್ತಿದ್ದು, ಸೆನ್ಸೆಕ್ಸ್ ಮತ್ತು ನಿಫ್ಟಿಗಳೆರಡೂ ಮತ್ತೊಮ್ಮೆ ದಾಖಲೆಯ ಗಳಿಕೆ ಕಂಡಿವೆ. ಷೇರುಪೇಟೆಯ ಸೂಚ್ಯಂಕಗಳು ಬುಧವಾರ ಹೊಸ ಎತ್ತರಕ್ಕೆ ಏರಿ ದಾಖಲೆ ಬರೆದಿವೆ. ಬಿಎಸ್‌ಇ ಇದೇ ಮೊದಲ ಬಾರಿಗೆ 58,723ಕ್ಕೆ ಏರಿಕೆಯಾಗಿದೆ. ಬುಧವಾರ ಒಂದೇ ದಿನ ಸೆನ್ಸೆಕ್ಸ್ 476 ಪಾಯಿಂಟ್ಸ್‌ ಗಳಿಕೆ ಕಂಡಿದೆ. ಈ ಮೂಲಕ ಷೇರುಪೇಟೆ ಸಾರ್ವಕಾಲಿಕ ದಾಖಲೆ ಬರೆದಿದೆ.
ಕೂಡ ದಿನದ ಅಂತ್ಯಕ್ಕೆ 17,519.45ಕ್ಕೆ ಏರಿಕೆಯಾಗಿದ್ದು, ಸಾರ್ವಕಾಲಿಕ ದಾಖಲೆ ಬರೆದಿದೆ. ಇದು ಶೇ.0.80ರಷ್ಟು ಏರಿಕೆಯಾಗಿದ್ದು, ಒಂದೇ ದಿನ 139.45ರಷ್ಟು ಹೆಚ್ಚಳ ಕಂಡಿದೆ. ಈ ಮೂಲಕ ಸೆನ್ಸೆಕ್ಸ್ ಮತ್ತು ನಿಫ್ಟಿಗಳೆರಡೂ ದಾಖಲೆಯ ಏರಿಕೆ ಕಂಡಿದೆ.
ಇಂದಿನ ಷೇರು ಮಾರುಕಟ್ಟೆಯಲ್ಲಿ ಎನ್‌ಟಿಪಿಸಿ ಶೇ.7ರಷ್ಟು ಗಳಿಕೆ ಯೊಂದಿಗೆ ಅತಿ ಹೆಚ್ಚು ಲಾಭಗಳಿಸಿದ ಕಂಪನಿಯಾಗಿ ಹೊರಹೊಮ್ಮಿದೆ. ಭಾರ್ತಿ ಏರ್‌ಟೆಲ್‌, ಎಚ್‌ಸಿಎಲ್‌ ಟೆಕ್‌, ಟೈಟಾನ್‌, ಪವರ್‌ ಗ್ರಿಡ್ ಕಾರ್ಪೊರೇಷನ್ ಆಫ್‌ ಇಂಡಿಯಾ, ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್‌ (ಟಿಸಿಎಸ್‌), ಇಂಡಸ್‌ ಬ್ಯಾಂಕ್, ಇನ್ಫೋಸಿಸ್‌ ಕಂಪನಿಗಳಿ ಲಾಭ ಗಳಿಸಿವೆ.
ಸೆನ್ಸೆಕ್ಸ್ ಹಾಗೂ ನಿಫ್ಟಿಯಲ್ಲಿ ಹಾವು ಏಣಿ ಆಟ ಮುಂದುವರಿದಿತ್ತು. ಆದರೆ, ಇದೀಗ ಏಕಾಏಕಿ ಏರಿಕೆ ಕಂಡಿರುವ ಹಿಂದೆ ಪ್ರಮುಖ ಕಾರಣಗಳಿವೆ.
ಉತ್ತಮ ಅಂಶಗಳು
ಅಮೆರಿಕದಲ್ಲಿ ಹಣದುಬ್ಬರ ಉತ್ತುಂಗಕ್ಕೇರಿದೆ: ಅಮೆರಿಕದ ಕಾರ್ಮಿಕ ಇಲಾಖೆ ಆಗಸ್ಟ್‌ನ ಗ್ರಾಹಕರ ಬೆಲೆ ಸೂಚ್ಯಂಕವನ್ನು ಬಿಡುಗಡೆ ಮಾಡಿದೆ. ಕಳೆದ ಆರು ತಿಂಗಳಲ್ಲಿ ಸೂಚ್ಯಂಕದಲ್ಲಿ ಅಲ್ಪ ಬೆಳವಣಿಗೆ ಕಂಡಿದೆ. ಅಲ್ಲದೆ ಹಣದುಬ್ಬರವು ಬಹುಶಃ ಗರಿಷ್ಠ ಮಟ್ಟ ತಲುಪಬಹುದು ಎಂಬ ಮುನ್ಸೂಚನೆಯನ್ನೂ ನೀಡಿದೆ. ಇದು ಷೇರುಪೇಟೆ ಏರಿಕೆಗೆ ಕಾರಣವಾಗಿದೆ.
ಇಳುವರಿ ಕುಸಿತ: ಅಮೆರಿಕದಲ್ಲಿ ಆಗಸ್ಟ್ 24 ರಿಂದೀಚೆಗೆ US10YTಯ ಈಲ್ಡ್‌ ಶೇ. 1.263 ರಷ್ಟು ಕಡಿಮೆಯಾಗಿದೆ. ಆದಾಗ್ಯೂ, ಅಮೆರಿಕದಲ್ಲಿ ಸ್ವಲ್ಪ ಚೇತರಿಕೆ ಕಂಡಿದೆ. ಡಾಲರ್ ಮೌಲ್ಯ ಸ್ಥಿರವಾಗಿದ್ದರೂ, ಹಣದುಬ್ಬರದ ಅಂಕಿಅಂಶಗಳ ಮೇಲೆ ಸ್ವಲ್ಪ ವ್ಯತ್ಯಾಸ ಕಂಡಿದೆ.
ಸರ್ಕಾರದ ಕ್ರಮಗಳು: ಆಟೋ ವಲಯದ ಪಿಎಲ್‌ಐ ಯೋಜನೆಗೆ ಕೇಂದ್ರ ಕ್ಯಾಬಿನೆಟ್ ಅನುಮೋದನೆ ನೀಡುವ ಸಾಧ್ಯತೆ ಇದೆ. ಎಲೆಕ್ಟ್ರಿಕ್‌ ವಾಹನಗಳು (ಇವಿ) ಮತ್ತು ಹೈಡ್ರೋಜನ್ ಫ್ಯೂಯಲ್ ಸೆಲ್ ವಾಹನಗಳ ಮೇಲೆ ಕೇಂದ್ರೀಕರಿಸಬಹುದು. ಈ ಕಾರಣದಿಂದಾಗಿ ನಾವು ಟಾಟಾ ಮೋಟಾರ್ಸ್‌ನಂತಹ ಸ್ಟಾಕ್‌ಗಳು ಗಮನಸೆಳೆದಿವೆ. ಟೆಲಿಕಾಂ ಕ್ಷೇತ್ರಕ್ಕೆ ಸಂಬಂಧಿಸಿದಂತೆಯೂ ಕೇಂದ್ರ ಸರಕಾರ ಕೆಲವು ಒಳ್ಳೆಯ ಸುದ್ದಿಗಳನ್ನು ನೀಡುವ ಸಾಧ್ಯತೆ ಇದೆ.
ನೆಗೆಟಿವ್‌ ಅಂಶಗಳು
ಚೀನಾ ದತ್ತಾಂಶ: ಚೀನಾದಲ್ಲಿ ವ್ಯಾಪಕ ಕೋವಿಡ್ -19 ಕಾರಣ ಸ್ಥಳೀಯ ಲಾಕ್‌ಡೌನ್ ಪ್ರಭಾವ ಉಂಟಾಗಿರುವ ಮಾಹಿತಿ ಸ್ಫೋಟಗೊಂಡಿದೆ. ಪೂರೈಕೆ ಅಡೆತಡೆಗಳು ಮತ್ತು ಕಚ್ಚಾ ವಸ್ತುಗಳ ವೆಚ್ಚ ಹೆಚ್ಚಾಗುವ ಸಾಧ್ಯತೆಗಳಿವೆ.
ವಿಶಾಲ ಮಾರುಕಟ್ಟೆಗಳು
ವಿಶಾಲ ಮಾರುಕಟ್ಟೆ ಸೂಚ್ಯಂಕಗಳು ಹೆಚ್ಚಿನ ವಹಿವಾಟು ನಡೆಸುತ್ತಿದ್ದವು, ಬೆಳಗಿನ ವಹಿವಾಟಿನಲ್ಲಿ ತಮ್ಮ ಮುಖ್ಯಾಂಶವನ್ನು ಮೀರಿಸಿದ್ದವು. ನಿಫ್ಟಿ ಸ್ಮಾಲ್‌ಕ್ಯಾಪ್ ಶೇಕಡಾ 0.19 ರಷ್ಟು ಹೆಚ್ಚಿದ್ದರೆ, ನಿಫ್ಟಿ ಮಿಡ್‌ಕ್ಯಾಪ್ ಶೇಕಡಾ 0.65 ರಷ್ಟು ಹೆಚ್ಚಾಗಿದೆ. ರೊಸಾರಿ ಬಯೋಟೆಕ್, ಐಆರ್‌ಬಿ ಇನ್ಫ್ರಾಡೆವಲಪರ್ಸ್, ವೊಕ್ಹಾರ್ಡ್, ಇಪ್ಕಾ ಲ್ಯಾಬ್ಸ್, ಜೆಎಸ್‌ಡಬ್ಲ್ಯೂ ಎನರ್ಜಿ ಮತ್ತು ಗುಜರಾತ್ ಗ್ಯಾಸ್ ಜಾಗವನ್ನು ಗಳಿಸಿದರೆ ಟ್ರೆಂಟ್, ಕ್ರಾಂಪ್ಟನ್ ಗ್ರೀವ್ಸ್, ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್, ಸಿಡಿಎಸ್‌ಎಲ್, ಐಡಿಎಫ್‌ಸಿ ಮತ್ತು ಜೆಕೆ ಲಕ್ಷ್ಮಿ ಸಿಮೆಂಟ್ ಒತ್ತಡಕ್ಕೆ ಸಿಲುಕಿವೆ.
