ಜುಲೈನಲ್ಲಿ ಕಾರ್ಖಾನೆಗಳ ಉತ್ಪಾದನೆ ಚೇತರಿಕೆ: ಮಾರುಕಟ್ಟೆಗಳಲ್ಲಿ ಬೇಡಿಕೆ ವೃದ್ಧಿ!
ಭಾರತದಲ್ಲಿ ಕಾರ್ಖಾನೆಗಳ ಉತ್ಪಾದನಾ ಚಟುವಟಿಕೆಗಳು ಕಳೆದ ಜುಲೈನಲ್ಲಿ ಚೇತರಿಸಿವೆ. ದೇಶಿ ಮತ್ತು ವಿದೇಶಿ ಮಾರುಕಟ್ಟೆಗಳಲ್ಲಿ ಬೇಡಿಕೆ ವೃದ್ಧಿಸಿದ್ದು, ಕೋವಿಡ್‌ ಬಿಕ್ಕಟ್ಟಿನ ನಂತರ ಕಂಪನಿಗಳಲ್ಲಿ ಮೊದಲ ಬಾರಿಗೆ ಹೊಸ ಉದ್ಯೋಗಗಳೂ ಸೃಷ್ಟಿಯಾಗುತ್ತಿವೆ.
Admin
0
4
ಬೆಂಗಳೂರು: ಭಾರತದಲ್ಲಿ ಕಾರ್ಖಾನೆಗಳ ಉತ್ಪಾದನಾ ಚಟುವಟಿಕೆಗಳು ಕಳೆದ ಜುಲೈನಲ್ಲಿ ಚೇತರಿಸಿವೆ. ದೇಶಿ ಮತ್ತು ವಿದೇಶಿ ಮಾರುಕಟ್ಟೆಗಳಲ್ಲಿ ಬೇಡಿಕೆ ವೃದ್ಧಿಸಿದ್ದು, ಕೋವಿಡ್‌ ಬಿಕ್ಕಟ್ಟಿನ ನಂತರ ಕಂಪನಿಗಳಲ್ಲಿ ಮೊದಲ ಬಾರಿಗೆ ಹೊಸ ಉದ್ಯೋಗಗಳೂ ಸೃಷ್ಟಿಯಾಗುತ್ತಿವೆ ಎಂದು ಖಾಸಗಿ ಸಮೀಕ್ಷೆ ತಿಳಿಸಿದೆ.
ಐಎಚ್‌ಎಸ್‌ ಮಾರ್ಕಿಟ್‌ ಸಂಸ್ಥೆಯ ಮಾನ್ಯುಫಾಕ್ಚರಿಂಗ್‌ ಪರ್ಚೇಸಿಂಗ್‌ ಮ್ಯಾನೇಜರ್ಸ್ ಇಂಡೆಕ್ಸ್‌ ಪ್ರಕಾರ ಜೂನ್‌ ನಲ್ಲಿ 48.1 ಅಂಕದಲ್ಲಿದ್ದ ಇಂಡೆಕ್ಸ್‌ ಜುಲೈ ವೇಳೆಗೆ 55.3 ಅಂಕಗಳಿಗೆ ಏರಿಕೆಯಾಗಿದೆ. ಮೂರನೇ ಒಂದರಷ್ಟು ಕಂಪನಿಗಳು ಉತ್ಪಾದನೆಯನ್ನು ಚುರುಕುಗೊಳಿಸಿವೆ.
ಸ್ಥಳೀಯ ಕೋವಿಡ್‌ ನಿರ್ಬಂಧಗಳು ಸಡಿಲವಾಗಿರುವುದು ಇದಕ್ಕೆ ಕಾರಣ. ಕಳೆದ ಏಪ್ರಿಲ್‌-ಮೇನಲ್ಲಿ ಕೋವಿಡ್‌ ಎರಡನೇ ಅಲೆ ಅನಾಹುತಕಾರಿಯಾಗಿತ್ತು. ಈಗಲೂ ದಿನಕ್ಕೆ 40,000 ಹೊಸ ಕೇಸ್‌ ಗಳು ಪತ್ತೆಯಾಗುತ್ತಿದ್ದರೂ, ಬೇಡಿಕೆ ಉಂಟಾಗಿರುವುದರಿಂದ ಕಾರ್ಖಾನೆಗಳಲ್ಲಿ ಉತ್ಪಾದನೆಯೂ ಗರಿಗೆದರಿದೆ.
ಏಪ್ರಿಲ್‌ ನಂತರ ಹೊಸ ರಫ್ತು ಆರ್ಡರ್‌ ಗಳೂ ವೃದ್ಧಿಸಿವೆ. 2020ರ ಮಾರ್ಚ್ ನಂತರ ಮೊದಲ ಬಾರಿಗೆ ಉದ್ಯೋಗಾವಕಾಶಗಳು ಜುಲೈನಲ್ಲಿ ವಿಸ್ತರಿಸಿವೆ. ಹೀಗಿದ್ದರೂ ನಿರುದ್ಯೋಗ ಸಮಸ್ಯೆ ಒಟ್ಟಾರೆಯಾಗಿ ಇನ್ನೂ ಬಗೆಹರಿದಿಲ್ಲ. ಕಚ್ಚಾ ಸಾಮಾಗ್ರಿಗಳ ಪೂರೈಕಲೆಯೂ ಸಮರ್ಪಕವಾಗಿ ನಡೆಯುತ್ತಿಲ್ಲ.
