ಹೊಸ ದಾಖಲೆ ಬರೆದ ಷೇರುಪೇಟೆ! ಸೆನ್ಸೆಕ್ಸ್‌ 58, 723, ನಿಫ್ಟಿ 17,519ಕ್ಕೆ ಏರಿಕೆ!

ಹೊಸದಿಲ್ಲಿ: 2021ರಲ್ಲಿ ಮತ್ತು ನಿಫ್ಟಿ-50 ಎರಡೂ ಕೂಡ ಗರಿಷ್ಠ ಮಟ್ಟ ತಲುಪಲಿವೆ ಎಂಬ ಮಾರುಕಟ್ಟೆ ತಜ್ಞರ ಭವಿಷ್ಯ ನಿಜವಾಗಿದೆ. ಭಾರತೀಯ ಷೇರುಪೇಟೆ ದಾಖಲೆಯ ಮೇಲೆ ದಾಖಲೆ ಬರೆಯುತ್ತಿದ್ದು, ಇದೀಗ ಸೆನ್ಸೆಕ್ಸ್ ಮತ್ತು ನಿಫ್ಟಿಗಳೆರಡೂ ಮತ್ತೊಮ್ಮೆ ದಾಖಲೆಯ ಗಳಿಕೆ ಕಂಡಿವೆ. ಬಿಎಸ್‌ಇ ಸೆನ್ಸೆಕ್ಸ್‌ ಇದೇ ಮೊದಲ ಬಾರಿಗೆ 58,723ಕ್ಕೆ ಏರಿಕೆಯಾಗಿದೆ. ಬುಧವಾರ ಒಂದೇ ದಿನ ಸೆನ್ಸೆಕ್ಸ್‌ 476 ಪಾಯಿಂಟ್ಸ್‌ ಗಳಿಕೆ ಕಂಡಿದೆ. ಈ ಮೂಲಕ ಷೇರುಪೇಟೆ ಸಾರ್ವಕಾಲಿಕ ದಾಖಲೆ ಬರೆದಿದೆ. ಕೂಡ ದಿನದ ಅಂತ್ಯಕ್ಕೆ 17,519.45ಕ್ಕೆ ಏರಿಕೆಯಾಗಿದ್ದು, ಸಾರ್ವಕಾಲಿಕ ದಾಖಲೆ ಬರೆದಿದೆ. ಇದು ಶೇ.0.80ರಷ್ಟು ಏರಿಕೆಯಾಗಿದ್ದು, ಒಂದೇ ದಿನ 139.45ರಷ್ಟು ಹೆಚ್ಚಳ ಕಂಡಿದೆ. ಈ ಮೂಲಕ ಸೆನ್ಸೆಕ್ಸ್‌ ಮತ್ತು ನಿಫ್ಟಿಗಳೆರಡೂ ದಾಖಲೆಯ ಏರಿಕೆ ಕಂಡಿದೆ. ಇಂದಿನ ಷೇರು ಮಾರುಕಟ್ಟೆಯಲ್ಲಿ ಎನ್‌ಟಿಪಿಸಿ ಶೇ.7ರಷ್ಟು ಗಳಿಕೆ ಯೊಂದಿಗೆ ಅತಿ ಹೆಚ್ಚು ಲಾಭಗಳಿಸಿದ ಕಂಪನಿಯಾಗಿ ಹೊರಹೊಮ್ಮಿದೆ. ಭಾರ್ತಿ ಏರ್‌ಟೆಲ್‌, ಎಚ್‌ಸಿಎಲ್‌ ಟೆಕ್‌, ಟೈಟಾನ್‌, ಪವರ್‌ ಗ್ರಿಡ್ ಕಾರ್ಪೊರೇಷನ್ ಆಫ್‌ ಇಂಡಿಯಾ, ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್‌ (ಟಿಸಿಎಸ್‌), ಇಂಡಸ್‌ ಬ್ಯಾಂಕ್‌, ಇನ್ಫೋಸಿಸ್‌ ಕಂಪನಿಗಳಿ ಲಾಭ ಗಳಿಸಿವೆ. ಆದರೆ, ಆಕ್ಸಿಸ್‌ ಬ್ಯಾಂಕ್‌, ಏಷ್ಯನ್‌ ಪೇಂಟ್ಸ್‌, ಅಲ್ಟ್ರಾಟೆಕ್‌ ಸಿಮೆಂಟ್‌, ನೆಸ್ಲೆ ಇಂಡಿಯಾ, ಸನ್‌ ಫಾರ್ಮಾ, ಎಚ್‌ಡಿಎಫ್‌ಸಿ ಬ್ಯಾಂಕ್‌ಗಳು ಬಿಎಸ್‌ಇ ಸೆನ್ಸೆಕ್ಸ್‌ನಲ್ಲಿ ನಷ್ಟ ಅನುಭವಿಸಿವೆ. ಹೊಸ ಮೈಲಿಗಲ್ಲು ಸ್ಥಾಪಿಸಿ ಎರಡೂ ಸೂಚ್ಯಂಕಗಳು ಗೂಳಿ ಓಟ ಮತ್ತೆ ಕಾರ್ಯಪ್ರವೃತ್ತವಾದ ಬೆನ್ನಲ್ಲೇ ಎರಡೂ ಸೂಚ್ಯಂಕಗಳು ಹೊಸ ದಾಖಲೆ ನಿರ್ಮಿಸಿವೆ. ಬುಧವಾರದ ವಹಿವಾಟು ಆರಂಭದಿಂದಲೇ ಚುರುಕುಗೊಂಡಿತ್ತು. ಟೆಲಿಕಾಂ ಮತ್ತು ಆಯಿಲ್ & ಗ್ಯಾಸ್ ಷೇರುಗಳಲ್ಲಿ ಹೂಡಿಕೆದಾರರ ಭಾಗವಹಿಸುವಿಕೆಯಿಂದ ಸೂಚ್ಯಂಕದ ಏರಿಕೆಗೆ ಕಾರಣವಾಯಿತು. 2021ರಲ್ಲಿ ಸೆನ್ಸೆಕ್ಸ್‌ ಮತ್ತು ನಿಫ್ಟಿ-50 ಎರಡೂ ಕೂಡ ಗರಿಷ್ಠ ಮಟ್ಟ ತಲುಪುವ ಸಾಧ್ಯತೆ ಇದೆ ಎಂದು ಮಾರುಕಟ್ಟೆ ತಜ್ಞರು ಭವಿಷ್ಯ ನುಡಿದಿದ್ದರು. ಇದೀಗ ನಿಜವಾಗಿದೆ. ಭಾರತೀಯ ಇನ್ನೂ ಹೆಚ್ಚಿನ ದಾಖಲೆ ಬರೆಯಲಿದೆ ಎಂಬ ನಿರೀಕ್ಷೆಗಳಿವೆ. ನಿಫ್ಟಿ 18 ಸಾವಿರ ದಾಟುವ ನಿರೀಕ್ಷೆ ನಿಫ್ಟಿ-50ಯು ಅಲ್ಪಾವಧಿ ಮತ್ತು ಮಧ್ಯಮ ಅವಧಿಗೆ ಧನಾತ್ಮಕ ವಹಿವಾಟು ಮುಂದುವರಿಸಲಿದೆ. ಸೂಚ್ಯಂಕವು 18000 ದಾಟುವ ನಿರೀಕ್ಷೆ ಇದೆ. ಸೂಚ್ಯಂಕ 17080 ಕ್ಕೇರಿದ ನಂತರ ಧನಾತ್ಮಕವಾಗಿಯೇ ಇದೆ. ಆಟೋ ಮತ್ತು ಮಿಡ್-ಕ್ಯಾಪ್ ಬ್ಯಾಂಕಿಂಗ್ ಷೇರುಗಳಲ್ಲಿ ಹೆಚ್ಚಿನ ಮೌಲ್ಯ ಕಂಡುಬರುತ್ತಿದ್ದು, ಇಲ್ಲಿ ಉತ್ತಮ ಸಾಧನೆಯ ನಿರೀಕ್ಷೆ ಇದೆ ಎಂದು ಕೋಟಕ್‌ ಸೆಕ್ಯೂರಿಟೀಸ್‌ನ ಸಹಾಜ್‌ ಅಗರ್ವಾಲ್‌ ತಿಳಿಸಿದ್ದಾರೆ.