ಡೀಸೆಲ್ ಇಂಜಿನ್‌ಗಳನ್ನು ಹೈಡ್ರೋಜನ್‌ ಇಂಜಿನ್‌ ಆಗಿ ಪರಿವರ್ತಿಸಲು ಬಿಡ್‌ ಕರೆದ ರೈಲ್ವೆ
ಭಾರತೀಯ ರೈಲ್ವೆ ತನ್ನ ತಂತ್ರಜ್ಞಾನವನ್ನು ಉನ್ನತೀಕರಿಸಲು ಬಿಡ್‌ ಕರೆತಿದೆ. ಪ್ರಸ್ತುತ ಚಾಲ್ತಿಯಲ್ಲಿರುವ ಡೀಸೆಲ್ ಇಂಜಿನ್‌ಗಳನ್ನು ಹೈಡ್ರೋಜನ್‌ ಆಧಾರಿತ ಇಂಜಿನ್‌ಗಳಾಗಿ ಉನ್ನತೀಕರಿಸುವ ಯೋಜನೆ ಹೊಂದಿದೆ.
Admin
0
7
ಹೊಸದಿಲ್ಲಿ: ತನ್ನ ತಂತ್ರಜ್ಞಾನವನ್ನು ಉನ್ನತೀಕರಿಸಲು ಬಿಡ್‌ ಕರೆತಿದೆ. ಪ್ರಸ್ತುತ ಚಾಲ್ತಿಯಲ್ಲಿರುವ ಡೀಸೆಲ್ ಇಂಜಿನ್‌ಗಳನ್ನು ಹೈಡ್ರೋಜನ್‌ ಆಧಾರಿತ ಇಂಜಿನ್‌ಗಳಾಗಿ ಉನ್ನತೀಕರಿಸುವ ಯೋಜನೆ ಹೊಂದಿದೆ.
ರಾಷ್ಟ್ರೀಯ ಸಾರಿಗೆಯಾಗಿರುವ ರೈಲ್ವೆ ಇಲಾಖೆಯು ತನ್ನ ಡೀಸೆಲ್ ಇಂಜಿನ್‌ಗಳನ್ನು ಹೈಡ್ರೋಜನ್‌ ಇಂಧನ ಆಧಾರಿತ ಇಂಜಿನ್‌ಗಳಾಗಿ ಮರುರೂಪಿಸಬಹುದೇ ಎಂಬ ಕುರಿತು ಪ್ರಯೋಗ ನಡೆಸುತ್ತಿದೆ.
ಡೀಸೆಲ್ ಇಂಜಿನ್‌ಗಳನ್ನು ಹೈಡ್ರೋಜನ್‌ ಆಧಾರಿತ ಇಂಜಿನ್‌ಗಳಾಗಿ ಪರಿವರ್ತಿಸಲು ಸಾಧ್ಯವಾದರೆ, ರೈಲ್ವೆ ಇಲಾಖೆಗೆ ವಾರ್ಷಿಕ 2.3 ಕೋಟಿ ರೂಪಾಯಿಯಷ್ಟು ಇಂಧನ ವೆಚ್ಚ ಉಳಿತಾಯ ಆಗಲಿದೆ. ಹಣದ ಉಳಿತಾಯದ ಜತೆಗೆ ಕಾರ್ಬನ್‌ ಹೊರಸೂಸುವಿಕೆ ಪ್ರಮಾಣವೂ ತಗ್ಗಲಿದೆ.
ವಾರ್ಷಿಕವಾಗಿ 11.12 ಟನ್‌ ಕಾರ್ಬನ್‌ ಹೊರಸೂಸುವಿಕೆಯನ್ನು ತಪ್ಪಿಸಬಹುದು. ಕಾರ್ಬುನ್‌ ಸೂಕ್ಷ್ಮ ಕಣಗಳ ಹೊರಸೂಸುವಿಕೆಯನ್ನು 0.72 ಟನ್‌ನಷ್ಟು ನಿಯಂತ್ರಿಸಬಹುದು ಎಂದು ರೈಲ್ವೆ ಇಲಾಖೆ ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ಯೋಜನೆಯು ಯಶಸ್ವಿಯಾದರೆ, ವಿದ್ಯುದ್ದೀಕರಣಗೊಂಡ ಇಂಜಿನ್‌ಗಳ ಹೊರತಾದ ಎಲ್ಲ ಡೀಸೆಲ್ ಇಂಜಿನ್‌ಗಳನ್ನು ಹೈಡ್ರೋಜನ್‌ ಇಂಜಿನ್‌ ಆಗಿ ಪರಿವರ್ತಿಸುವ ಕುರಿತು ರೈಲ್ವೆ ಇಲಾಖೆ ಗಮನಹರಿಸಿದೆ.
ರೈಲ್ವೆ ಇಲಾಖೆಯ ತಂತ್ರಜ್ಞಾನ ಉನ್ನತೀಕರಣ ಯೋಜನೆಯಡಿ ಮೊದಲಿ ಡೀಸೆಲ್ ಇಂಜಿನ್‌ಗಳನ್ನು ಹೈಡ್ರೋಜನ್‌ ಇಂಜಿನ್‌ಗಳಾಗಿ ಪರಿವರ್ತಿಸುವುದು. ನಂತರದಲ್ಲಿ ದೇಶದ ಎರಡು ಹೈಬ್ರಿಡ್‌ ನ್ಯಾರೋಗೇಜ್‌ ರೈಲ್ವೆ ಮಾರ್ಗದ ಇಂಜಿನ್‌ಗಳನ್ನು ಹೈಡ್ರೋಜನ್‌ ಆಧಾರಿತ ಇಂಜಿನ್‌ಗಳಾಗಿ ಪರಿವರ್ತಿಸುವ ಯೋಜನೆಯೂ ರೈಲ್ವೆ ಇಲಾಖೆ ಬಳಿ ಇದೆ.
