ಸ್ಯಾಂಡಲ್‌ವುಡ್ ನಟ ಸೂರ್ಯೋದಯ್ ಪುತ್ರ ಮಯೂರ್ ಬೈಕ್ ಅಪಘಾತಕ್ಕೆ ಬಲಿ
ಸ್ಯಾಂಡಲ್‌ವುಡ್ ನಟ, ನಿರ್ದೇಶಕ ಸೂರ್ಯೋದಯ್ ಪುತ್ರ ಮಯೂರ್ ಅವರು ರಸ್ತೆ ಅಪಘಾತದಲ್ಲಿ ನಿಧನರಾಗಿದ್ದಾರೆ. ಶುಕ್ರವಾರ ಈ ಅಪಘಾತ ನಡೆದಿದೆ. ಆ ಕುರಿತು ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ. ಈ ಲೇಖನ ಪೂರ್ತಿ ಓದಿ
Admin
0
7
ಬೆಂಗಳೂರು: ಡ್ಯೂಕ್ ಬೈಕ್ ಟೆಸ್ಟ್‌ ಡ್ರೈವ್ ಮಾಡಲು ಹೋಗಿ , ನಿರ್ದೇಶಕ ಸೂರ್ಯೋದಯ್ ಪುತ್ರ ಮಯೂರ್ ಅಪಘಾತಕ್ಕೀಡಾಗಿ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ. ನಗರದ ಬ್ಯಾಡರಹಳ್ಳಿ ನ್ಯೂ ಲಿಂಕ್ ರಸ್ತೆಯಲ್ಲಿ ಶುಕ್ರವಾರ ರಾತ್ರಿ ಅಪಘಾತ ನಡೆದಿದೆ.
ಮಯೂರ್‌ಗೆ 20 ವರ್ಷ ವಯಸ್ಸಾಗಿತ್ತು. ಗೆಳೆಯನ ಡ್ಯೂಕ್ ಬೈಕ್‌ನಲ್ಲಿ ಓವರ್ ಸ್ಪೀಡ್‌ನಿಂದ ಬರುತ್ತಿದ್ದ ಮಯೂರ್ ಟ್ಯಾಂಕರ್‌ಗೆ ಡಿಕ್ಕಿ ಹೊಡೆದಿದ್ದಾರೆ. ಇದರಲ್ಲಿ ಯಾರದ್ದು ತಪ್ಪು ಅಂತ ಬ್ಯಾಡರಹಳ್ಳಿ ಪೊಲೀಸರು ತನಿಖೆ ಮಾಡುತ್ತಿದ್ದಾರೆ. ಸ್ಥಳೀಯರು ಮಯೂರ್ ಓವರ್ ಸ್ಪೀಡ್‌ನಲ್ಲಿ ಇದ್ದ ಎಂದು ಹೇಳುತ್ತಿದ್ದಾರೆ.
ಮಯೂರ್ ದೇಹವನ್ನು ಬೆಂಗಳೂರಿನ ವಿಕ್ಟೋರಿಯಾ ಆಸ್ಪತ್ರೆಗೆ ಪೋಸ್ಟ್ ಮಾಟರ್ನ್ ಮಾಡಲು ಕಳಿಸಿಕೊಡಲಾಗಿದೆ. ಬ್ಯಾಡರಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸೂರ್ಯೋದಯ್ ಕನ್ನಡ ಹಾಗೂ ತುಳು ಭಾಷೆಯ ಸಿನಿಮಾಗಳಲ್ಲಿ ನಟಿಸಿದ್ದರು.
ಕೆಲ ದಿನಗಳ ಹಿಂದೆ ನಟ ಸಂಚಾರಿ ವಿಜಯ್ ಕೂಡ ಬೈಕ್ ಅಪಘಾತದಲ್ಲಿ ಕೊನೆಯುಸಿರೆಳೆದಿದ್ದರು. ಈಗ ನಟನ ಪುತ್ರ ಮಯೂರ್ ಕೂಡ ಅಪಘಾತಕ್ಕೆ ಬಲಿಯಾಗಿದ್ದಾನೆ.
