ಸದ್ಯಕ್ಕೆ ಬೂಸ್ಟರ್‌ ಲಸಿಕೆ ಅಗತ್ಯವಿಲ್ಲ: ಎರಡು ಡೋಸ್‌ ಪೂರ್ಣಗೊಳಿಸಲು ಆದ್ಯತೆ!
ಕೇರಳ ಸೇರಿ ಹಲವು ರಾಜ್ಯಗಳಲ್ಲಿಎರಡೂ ಡೋಸ್‌ ತೆಗದುಕೊಂಡವರಲ್ಲೂ ಸೋಂಕು ಕಾಣಿಸಿಕೊಂಡಿದೆ. ಹಾಗಾಗಿ, ಮೂರನೇ ಡೋಸ್‌ ಲಸಿಕೆ ನೀಡಬೇಕು ಎನ್ನುವ ಒತ್ತಾಯ ಕೇಳಿ ಬಂದಿದೆ. ಆದರೆ ಈ ಬಗ್ಗೆ ಸರಕಾರ ಯಾವುದೇ ನಿರ್ಧಾರ ಕೈಗೊಂಡಿಲ್ಲ.
Admin
0
6
ಮಹಾಬಲೇಶ್ವರ ಕಲ್ಕಣಿ, ಬೆಂಗಳೂರು
ಕೋವಿಡ್‌ ಎರಡೂ ಡೋಸ್‌ ತೆಗೆದುಕೊಂಡ ಕೆಲವರಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಕೆಲವು ದೇಶಗಳು ಮೂರನೇ ಡೋಸ್‌ (ಬೂಸ್ಟರ್‌ ಡೋಸ್‌) ನೀಡುತ್ತಿವೆ. ದೇಶದಲ್ಲಿ ಕೇರಳ ಸೇರಿ ಹಲವು ರಾಜ್ಯಗಳಲ್ಲಿಎರಡೂ ಡೋಸ್‌ ತೆಗದುಕೊಂಡವರಲ್ಲೂ ಸೋಂಕು ಕಾಣಿಸಿಕೊಂಡಿದೆ. ಹಾಗಾಗಿ, ಮೂರನೇ ಡೋಸ್‌ ನೀಡಬೇಕು ಎನ್ನುವ ಒತ್ತಾಯ ಕೇಳಿ ಬಂದಿತ್ತು. ಆದರೆ, ಸರಕಾರ ಸದ್ಯ ಮೂರನೇ ಡೋಸ್‌ ಬಗ್ಗೆ ಯಾವುದೇ ನಿರ್ಧಾರ ತೆಗೆದುಕೊಂಡಿಲ್ಲ.
ಈಗಾಗಲೇ ಜಾಗತಿಕವಾಗಿ ಇಸ್ರೇಲ್‌, ಇಟಲಿ, ಫ್ರಾನ್ಸ್‌, ಅಮೆರಿಕ, ಯುಎಇ ಹಾಗೂ ಜರ್ಮನಿ ಸಹಿತ 15ಕ್ಕೂ ಹೆಚ್ಚು ರಾಷ್ಟ್ರಗಳು ಹಿರಿಯ ನಾಗರಿಕರಿಗೆ ಕೊರೊನಾ ತಡೆಗೆ 3ನೇ ಡೋಸ್‌ ಲಸಿಕೆ ನೀಡಲು ಆರಂಭಿಸಿವೆ. ಆದರೆ, ವಿಶ್ವ ಆರೋಗ್ಯ ಸಂಸ್ಥೆಯ ಸೂಚನೆ ಪ್ರಕಾರ, 3ನೇ ಡೋಸ್‌ ಲಸಿಕೆ ನೀಡುವ ಕುರಿತಂತೆ ಯಾವುದೇ ಸ್ಪಷ್ಟ ಅಧಿಸೂಚನೆ ಇಧಿಲ್ಲ. ಒಂದು ವೇಳೆ ಡಬ್ಲ್ಯುಎಚ್‌ಒ ಮಾರ್ಗದರ್ಶನ ನೀಡಿದರೂ ಭಾರತದಲ್ಲಿ 3ನೇ ಡೋಸ್‌ ನೀಡುವುದು ಸದ್ಯದ ಮಟ್ಟಿಗೆ ಕಷ್ಟಸಾಧ್ಯ.
ದೇಶದಲ್ಲಿ ಇನ್ನೂ ಎರಡನೇ ಡೋಸ್‌ ಎಲ್ಲರಿಗೂ ನೀಡಿಲ್ಲ, ಇದೇ ವೇಳೆ ಬೂಸ್ಟರ್‌ ಡೋಸ್‌ ನೀಡಲು ಆರಂಭಿಸಿದರೆ ಲಸಿಕೆ ಸಮಸ್ಯೆ ಉದ್ಭವಿಸುವ ಸಾಧ್ಯತೆ ಇರುವುದರಿಂದ ಸರಕಾರ ಯಾವುದೇ ನಿರ್ಣಯ ಕೈಗೊಂಡಿಲ್ಲ ಎನ್ನುವ ಮಾತು ಕೂಡ ಕೇಳಿ ಬರುತ್ತಿದೆ.
ನಮ್ಮ ದೇಶ ಅಥವಾ ರಾಜ್ಯದಲ್ಲಿ ಈ ಬಗ್ಗೆ ಸರಕಾರ ಯಾವುದೇ ನಿರ್ದೇಶನಗಳನ್ನು ನೀಡಿಲ್ಲದ ಕಾರಣ ಎಲ್ಲೂ ಬೂಸ್ಟರ್‌ ಡೋಸ್‌ ನೀಡಲಾಗುತ್ತಿಲ್ಲ. ಒಂದು ವೇಳೆ ನೀಡುವುದಾದರೆ ಕೋವಿಡ್‌ ಮುಂಚೂಣಿ ಕಾರ್ಯಕರ್ತರು, 60 ವರ್ಷ ಮೇಲ್ಪಟ್ಟವರು ಹಾಗೂ ಗಂಭೀರ ಕಾಯಿಲೆಯಿಂದ ಬಳಲುತ್ತಿದ್ದವರಿಗೆ ಆದ್ಯತೆಯ ಮೇಲೆ ನೀಡಲಾಗುತ್ತದೆ.
''ಬೂಸ್ಟರ್‌ ಡೋಸ್‌ ನೀಡುವಲ್ಲಿಎರಡು ಆಯ್ಕೆಗಳಿವೆ. ಎರಡನೇ ಡೋಸ್‌ ಅವಧಿ ಮುಗಿಯುವುದರೊಳಗೆ ಮೂರನೇ ಡೋಸ್‌ ನೀಡುವುದು, ಇನ್ನೊಂದು ಎರಡೂ ಡೋಸ್‌ ಅವಧಿ ಮುಗಿದ ನಂತರ ನೀಡುವುದು. ಸದ್ಯ ಎರಡೂ ಡೋಸ್‌ ಮುಗಿದ ನಂತರ ಮೂರನೇ ಡೋಸ್‌ ನೀಡಬೇಕು ಎನ್ನುವ ಚಿಂತನೆ ಇದೆ. ಆದರೆ, ಇದಕ್ಕೆ ಕೇಂದ್ರ ಸರಕಾರ ಇದುವರೆಗೂ ಯಾವುದೇ ನಿರ್ದೇಶನಗಳನ್ನು ನೀಡಿಲ್ಲ,'' ಎನ್ನುತ್ತಾರೆ ರಾಜ್ಯ ಕೋವಿಡ್‌ ತಾಂತ್ರಿಕ ಸಮಿತಿ ಸದಸ್ಯ ಹಾಗೂ ಮಣಿಪಾಲ್‌ ಆಸ್ಪತ್ರೆಯ ಮುಖ್ಯಸ್ಥ ಡಾ. ಸುದರ್ಶನ್‌ ಬಲ್ಲಾಳ್‌.
''ಒಂದು ವೇಳೆ ಮೂರನೇ ಡೋಸ್‌ ನೀಡುವುದಾದರೆ ಗಂಭೀರ ಕಾಯಿಲೆಯಿಂದ ಬಳಲುತ್ತಿರುವವರಿಗೆ ಆದ್ಯತೆಯ ಮೇರೆಗೆ ನೀಡಬಹುದು. ಆಧಿದರೆ, ವಿಶ್ವ ಆರೋಗ್ಯ ಸಂಸ್ಥೆ ಕೂಡ ಈ ಬಗ್ಗೆ ಇಧಿದುಧಿವಧಿರೆಗೆ ಸ್ಪಷ್ಟ ನಿರ್ದೇಶನವನ್ನು ನೀಡಿಲ್ಲವಾದ್ದರಿಂದ ಸದ್ಯಕ್ಕಂತೂ ಬೂಸ್ಟರ್‌ ಡೋಸ್‌ ಬಗ್ಗೆ ದೇಶದಲ್ಲಾಗಲಿ, ರಾಜ್ಯದಲ್ಲಾಗಲಿ ಚಿಂತಧಿನೆ ನಧಿಡೆಧಿಲ್ಲ'' ಎಂದು ಅವರು ಪ್ರಧಿತಿಧಿಕ್ರಿಧಿಯಿಧಿಸಿಧಿದಧಿರು.
ಸದ್ಯ ದೇಶದಲ್ಲಿಕೋವಿಶೀಲ್ಡ್‌, ಕೋವ್ಯಾಕ್ಸಿನ್‌ ಮತ್ತು ಸ್ಪುಟ್ನಿಕ್‌ ಲಸಿಕೆ ವಿತರಿಸಲಾಗುತ್ತಿದ್ದು, ಇವೆಲ್ಲವೂ ಎರಡು ಡೋಸಿನ ಲಸಿಕೆಗಳು. ಈ ಲಸಿಕೆ ಪಡೆದವರಲ್ಲಿ ಎಷ್ಟು ಸಮಯ ಪ್ರತಿಕಾಯ ಇರುತ್ತದೆ ಎಂಬುದು ನಿಖರವಾಗಿ ಯಾರಿಗೂ ಗೊತ್ತಿಲ್ಲ. ಈ ಬಗ್ಗೆ ಅಧ್ಯಯ ನಡೆಸಿ ಅವಶ್ಯಕತೆ ಇದ್ದರೆ ಮಾತ್ರವೇ ಮೂರನೇ ಡೋಸ್‌ ಅಥವಾ ಬೂಸ್ಟರ್‌ ಡೋಸ್‌ ನೀಡುವ ಚಿಂತನೆ ನಡೆಯುತ್ತಿದೆ.
ಕೇಂದ್ರ ಸರಕಾರ ನಿರ್ದೇಶನವಿಲ್ಲ: ಭಾರತದಲ್ಲಿಸೋಂಕಿಗೆ ಬೂಸ್ಟರ್‌ ಡೋಸ್‌ ನೀಡುವ ಕುರಿತು ಚಿಂತನೆ ನಡೆಸಿಲ್ಲಎಂದು ನೀತಿ ಆಯೋಗ ಕೂಡ ಕೆಲವು ದಿನಗಳ ಹಿಂದೆ ಸ್ಪಷ್ಟಪಡಿಸಿದೆ. ''ಭಾರತವು ನೂರು ಕೋಟಿ ಲಸಿಕೆಯನ್ನು ನೀಡುವ ಗುರಿಯತ್ತ ಗಮನಹರಿಸುತ್ತಿದೆ. ಬೂಸ್ಟರ್‌ ಡೋಸ್‌ ನೀಡುವ ಕುರಿತು ಯಾವುದೇ ಆಲೋಚನೆ ಮಾಡಿಲ್ಲ'' ಎಂದು ಕೇಂದ್ರ ಸರಕಾರದ ಮುಖ್ಯ ಕೋವಿಡ್‌ 19 ಸಲಹೆಗಾರ ವಿ ಕೆ ಪೌಲ್‌ ಹೇಳಿದ್ದಾರೆ.
