ಶಾಕಿಂಗ್‌: ಸುಪ್ರೀಂಕೋರ್ಟ್‌ನ ಶೇ. 50ರಷ್ಟು ಸಿಬ್ಬಂದಿಗಳಿಗೆ ಕೊರೊನಾ ಪಾಸಿಟಿವ್‌!
ಸುಪ್ರೀಂಕೋರ್ಟ್‌ನ ಶೇ. 50 ರಷ್ಟು ಮಂದಿ ಸಿಬ್ಬಂದಿಗಳಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ. ಈ ಹಿನ್ನೆಲೆ ವೀಡಿಯೊ ಕಾನ್ಫರೆನ್ಸ್‌ ಮೂಲಕ ಮನೆಯಿಂದಲೇ ಸುಪ್ರೀಂಕೋರ್ಟ್‌ನ ಹಲವು ವಿಚಾರಣೆಗಳು ನಡೆಯುತ್ತಿದೆ ಎಂದು ಸುಪ್ರೀಂಕೋರ್ಟ್‌ ಮೂಲಗಳ ತಿಳಿಸಿವೆ. ಈ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.
Admin
0
6
ಹೊಸದಿಲ್ಲಿ: ದೇಶದಲ್ಲಿ ಎರಡನೇ ಅಲೆ ಭಾರೀ ಕಳವಳ ಸೃಷ್ಟಿಸುತ್ತಿದೆ. ಭಾರೀ ಸಂಖ್ಯೆಯಲ್ಲಿ ಜನರಿಗೆ ಕೊರೊನಾ ಸೋಂಕು ತಗುಲುತ್ತಿದೆ. ಕೊರೊನಾ ಸೋಂಕು ಸಿಬ್ಬಂದಿಗಳನ್ನು ಬಿಟ್ಟಿಲ್ಲ. ಹೌದು, ಸುಪ್ರೀಂಕೋರ್ಟ್‌ನ ಶೇ. 50 ರಷ್ಟು ಮಂದಿ ಸಿಬ್ಬಂದಿಗಳಿಗೆ ಕೊರೊನಾ ಸೋಂಕು ದೃಢಪಟ್ಟಿರುವುದು ವರದಿಯಾಗಿದೆ.
ಈ ಹಿನ್ನೆಲೆ ವೀಡಿಯೊ ಕಾನ್ಫರೆನ್ಸ್‌ ಮೂಲಕ ಮನೆಯಿಂದಲೇ ಸುಪ್ರೀಂಕೋರ್ಟ್‌ನ ಹಲವು ವಿಚಾರಣೆಗಳು ನಡೆಯುತ್ತಿದೆ ಎಂದು ಸುಪ್ರೀಂಕೋರ್ಟ್‌ ಮೂಲಗಳ ತಿಳಿಸಿವೆ. ಇನ್ನು ಸಿಬ್ಬಂದಿಗಳಿಗೆ ಕೊರೊನಾ ಸೋಂಕು ತಟ್ಟಿರುವುದರಿಂದ, ಕೋರ್ಟ್ ಕೊಠಡಿಗಳು, ಬೆಂಚುಗಳಿಗೆ ಸ್ಯಾನಿಟೈಸ್‌ ಮಾಡುವ ಹಿನ್ನೆಲೆ ಸೋಮವಾರ 11 ಗಂಟೆಗೆ ನಡೆಯಬೇಕಿದ್ದ ಕೆಲ ವಿಚಾರಣೆಗಳು ಒಂದು ಗಂಟೆ ತಡವಾಗಿ ನಡೆಯುತ್ತಿದೆ.
ಶನಿವಾರ ಒಂದೇ ದಿನ ಸುಪ್ರೀಂಕೋರ್ಟ್‌ನ 44 ಮಂದಿ ಸಿಬ್ಬಂದಿಗಳಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ ಎಂದು ಮೂಲಗಳು ತಿಳಿಸಿವೆ. ಇನ್ನು ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ನ್ಯಾಯಮೂರ್ತಿಯೊಬ್ಬರು, ನನ್ನ ಹೆಚ್ಚಿನ ಸಿಬ್ಬಂದಿ ಮತ್ತು ಕಾನೂನು ಗುಮಾಸ್ತರಿಗೆ ಆಗಿದೆ. ಈ ಹಿಂದೆ ಕೂಡ ಕೆಲವು ನ್ಯಾಯಮೂರ್ತಿಗಳ ಸಿಬ್ಬಂದಿಗಳಿಗೆ ಕೋವಿಡ್ ಬಂದಿತ್ತು.
ಚಿಕಿತ್ಸೆ ನಂತರ ಗುಣಮುಖರಾಗಿದ್ದರು. ಸದ್ಯ ದೇಶದಲ್ಲಿ ದೈನಂದಿನ ಕೊರೊನಾ ಸೋಂಕಿತರ ಸಂಖ್ಯೆ 1 ಲಕ್ಷದ ಐವತ್ತು ಸಾವಿರ ದಾಟಿದೆ. ಹೀಗಾಗಿ ಮತ್ತಷ್ಟು ಕಳವಳ ಸೃಷ್ಟಿಯಾಗಿದೆ. ಅಲ್ಲದೇ ಸಾವಿನ ಸಂಖ್ಯೆಯು ಭಾರೀ ಪ್ರಮಾಣದಲ್ಲಿ ಏರಿಕೆಯಾಗುತ್ತಿದೆ. ಇನ್ನು ಮಹಾರಾಷ್ಟ್ರವಂತೂ ಕೆಲ ವಾರಗಳ ಕಾಲ ಲಾಕ್‌ಡೌನ್‌ ಜಾರಿಗೆ ಯೋಚಿಸುತ್ತಿದೆ.
