ವಿದ್ಯುತ್ ಕಳ್ಳತನ ಆರೋಪ: ನಿವಾಸಿಗಳ ವಿರುದ್ಧ ಎಫ್‌ಐಆರ್ ದಾಖಲಿಸಿದ Adani Electricity

ಮುಂಬಯಿ: ಕಳೆದ ಒಂದು ವರ್ಷದಿಂದ ಮಾಡುತ್ತಿದ್ದಾರೆ ಎಂದು ಆರೋಪಿಸಿ ಮಹಾರಾಷ್ಟ್ರದ ಚೆಂಬೂರ್‌ನಲ್ಲಿನ ಸಿದ್ಧಾರ್ಥ ಕಾಲೋನಿಯ 12 ಮಂದಿ ನಿವಾಸಿಗಳ ವಿರುದ್ಧ ಲಿಮಿಟೆಡ್ () ಚೆಂಬೂರ್ ವಿಭಾಗ ಎಫ್‌ಐಆರ್ ದಾಖಲಿಸಿದೆ. ವಿದ್ಯುತ್ ಕಾಯ್ದೆ 2003ರ ಸೆಕ್ಷನ್ 135 ಮತ್ತು 150ರ ಅಡಿ ಎಫ್‌ಐಆರ್ ದಾಖಲಿಸಲಾಗಿದೆ. ಈ ನಿವಾಸಿಗಳು ತಮ್ಮ ಮನೆಗಳ ಆವರಣದಲ್ಲಿ ಕೇಬಲ್ ಮೂಲಕ ಮುಖ್ಯ ವಿದ್ಯುತ್ ಪೂರೈಕೆಯಿಂದ ನೇರ ಸಂಪರ್ಕ ಪಡೆದು ಅಕ್ರಮವಾಗಿ ಬಳಕೆ ಮಾಡುತ್ತಿರುವುದು ಎಇಎಂಎಲ್ ತಂಡಕ್ಕೆ ಕಂಡುಬಂದಿದೆ. ವಿದ್ಯುತ್ ಬಿಲ್ ಪಾವತಿಸದ ಹಿನ್ನೆಲೆಯಲ್ಲಿ ಈ ನಿವಾಸಿಗಳ ಮನೆಗಳಿಗೆ ವಿದ್ಯುತ್ ಪೂರೈಕೆಯನ್ನು ಕಡಿತಗೊಳಿಸಲಾಗಿತ್ತು. ಹೀಗಾಗಿ ಅವರು ಈ ರೀತಿ ಅಕ್ರಮ ಸಂಪರ್ಕ ಕಲ್ಪಿಸಿದ್ದರು. ಈ ಅವಧಿಯಲ್ಲಿ ಅವರು 33,541 ಯುನಿಟ್ ವಿದ್ಯುತ್ ಬಳಕೆ ಮಾಡಿದ್ದು, ಅದರ ವೆಚ್ಚ 4,86,635 ರೂಪಾಯಿಯಷ್ಟಾಗುತ್ತದೆ ಎಂದು ಅದು ಹೇಳಿದೆ. ಕಳೆದ ಕೆಲವು ವರ್ಷಗಳಿಂದ ಸಿದ್ಧಾರ್ಥ ಕಾಲೋನಿಯಲ್ಲಿ ಬಿಲ್ ಪಾವತಿಸದ ಗ್ರಾಹಕರ ವಿರುದ್ಧ ಎಇಎಂಎಲ್, ಕಾರ್ಯಾಚರಣೆ ಆರಂಭಿಸಿತ್ತು. ಕಳೆದ ಎರಡು ವರ್ಷಗಳಲ್ಲಿ ಇಲ್ಲಿನ ಗ್ರಾಹಕರು ಸುಮಾರು 2.5 ಕೋಟಿ ರೂಪಾಯಿಯಷ್ಟು ಬಿಲ್ ಬಾಕಿ ಉಳಿಸಿಕೊಂಡಿದ್ದಾರೆ. ಈ ಹಿನ್ನೆಲೆಯಲ್ಲಿ ಮತ್ತೊಮ್ಮೆ ಕಾರ್ಯಾಚರಣೆ ನಡೆಸುವಾಗ ಅಕ್ರಮ ವಿದ್ಯುತ್ ಸಂಪರ್ಕ ಪತ್ತೆಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. 'ಶುಲ್ಕ ಪಾವತಿಸದ ಹಿನ್ನೆಲೆಯಲ್ಲಿ ನಾವು ನಡೆಸಿದ ಸಂಪರ್ಕ ಸ್ಥಗಿತ ಕಾರ್ಯಾಚರಣೆ ನಂತರದ ಕ್ರಮದ ವೇಳೆ ವಿದ್ಯುತ್ ಕಳ್ಳತನದ ಚಟುವಟಿಕೆಗಳು ಪತ್ತೆಯಾಗಿದೆ. ಅಂತಹ ಗ್ರಾಹಕರು, ನೈಜವಾಗಿ ಬಿಲ್ ಪಾವತಿಸುವ ಗ್ರಾಹಕರ ಮೇಲೆ ಅನಗತ್ಯ ಹೊರೆ ಉಂಟುಮಾಡುತ್ತಿದ್ದರು. ಹೀಗಾಗಿ ವಿದ್ಯುತ್ ಕಳವು ಪತ್ತೆಯ ಕಾರ್ಯಾಚರಣೆಯನ್ನು ನಾವು ಮುಂದುವರಿಸುತ್ತೇವೆ. ತಪ್ಪಿತಸ್ಥರ ವಿರುದ್ಧ ಪ್ರಕರಣ ದಾಖಲಿಸುತ್ತೇವೆ' ಎಂದು ಎಇಎಂಎಲ್ ವಕ್ತಾರರು ತಿಳಿಸಿದ್ದಾರೆ.