ನೂತನ ವಿಮಾನಯಾನ ಸಚಿವ ಸಿಂಧಿಯಾಗೆ ಮೊದಲ ಕೆಲಸ: ಕೊಟ್ಟಿದ್ದು ಮೋದಿಯಲ್ಲ, ಬಾಂಬೆ ಹೈಕೋರ್ಟ್!

ಮುಂಬಯಿ: ಕಾಂಗ್ರೆಸ್‌ನಲ್ಲಿ ಬಂಡಾಯವೆದ್ದು ಮಧ್ಯಪ್ರದೇಶದಲ್ಲಿ ಬಿಜೆಪಿ ಸರಕಾರ ಅಸ್ತಿತ್ವಕ್ಕೆ ಬರಲು ನೆರವಾಗಿದ್ದ ಅವರಿಗೆ ವೇಳೆ ಸಚಿವ ಸ್ಥಾನ ನೀಡುವ ಮೂಲಕ ಋಣ ಸಂದಾಯ ಮಾಡಲಾಗಿದೆ. ಕೇಂದ್ರ ಸಚಿವರಾಗಿ ಜ್ಯೋತಿರಾದಿತ್ಯ ಸಿಂಧಿಯಾ ಅವರಿಗೆ ಎರಡನೆಯ ದಿನವೇ ಕೆಲಸವೊಂದನ್ನು ನಿಯೋಜಿಸಲಾಗಿದೆ. ಆದರೆ ಅದನ್ನು ನೀಡಿರುವುದು ಪ್ರಧಾನಿ ನರೇಂದ್ರ ಮೋದಿ ಅಲ್ಲ, ಬದಲಾಗಿ . ವಿಮಾನ ನಿಲ್ದಾಣಗಳಿಗೆ ನಾಮಕರಣ ಮಾಡುವ ನೀತಿಯನ್ನು ಅಂತಿಮಗೊಳಿಸುವಂತೆ ನಾಗರಿಕ ವಿಮಾನಯಾನ ಸಚಿವಾಲಯಕ್ಕೆ ಬಾಂಬೆ ಹೈಕೋರ್ಟ್ ಆದೇಶಿಸಿದೆ. 'ಈಗಷ್ಟೇ ಹೊಸ ಸಂಪುಟ ಪುನರಾಚನೆಯಾಗಿದೆ. ಹೊಸ ವಿಮಾನಯಾನ ಸಚಿವರು ಮಾಡಬೇಕಾದ ಮೊದಲ ಕೆಲಸ ಇದೇ ಆಗಲಿ. 2017ರ ಕರಡು ನೀತಿಯು ಕರಡು ಹಂತದಲ್ಲಿಯೇ ಉಳಿದುಕೊಳ್ಳುವುದು ಬೇಡ' ಎಂದು ಕೋರ್ಟ್ ಹೇಳಿದೆ. ಹಾಲಿ ಇರುವ ವಿಮಾನ ನಿಲ್ದಾಣಗಳಿಗೆ ಮರು ನಾಮಕರಣ ಮತ್ತು ಭವಿಷ್ಯದ ವಿಮಾನ ನಿಲ್ದಾಣಗಳಿಗೆ ವ್ಯಕ್ತಿಗಳ ಬದಲು ನಗರಗಳ ಹೆಸರನ್ನೇ ಇರಿಸುವ ಸಂಬಂಧ ಪ್ರಸ್ತಾಪವನ್ನು ಸರಕಾರ ಪರಿಗಣಿಸುತ್ತಿದೆ ಎಂದು 2017ರಲ್ಲಿ ವರದಿಯಾಗಿತ್ತು. ವಿಮಾನ ನಿಲ್ದಾಣಗಳಿಗೆ ಇರಿಸುವ ಹೆಸರುಗಳು ಒಂದಿಲ್ಲೊಂದು ವಿವಾದಕ್ಕೆ ಎಡೆ ಮಾಡಿಕೊಡುತ್ತವೆ. ಅಲ್ಲದೆ, ಪ್ರಯಾಣಿಕರು ಮತ್ತು ಭಾರತೀಯ ವ್ಯಕ್ತಿಗಳ ಹೆಸರಿನ ಪರಿಚಯವಿಲ್ಲದ ವಿದೇಶಿ ಪ್ರಯಾಣಿಕರಿಗೆ ಅನನಕೂಲ ಉಂಟಾಗುತ್ತದೆ ಎಂಬ ಕಾರಣಗಳಿಂದ ನಗರಗಳ ಹೆಸರಿನ ಮೂಲಕವೇ ವಿಮಾನ ನಿಲ್ದಾಣಗಳನ್ನು ಗುರುತಿಸುವುದು ಸೂಕ್ತ ಎಂದು ಅಭಿಪ್ರಾಯ ವ್ಯಕ್ತವಾಗಿತ್ತು. 2016ರ ಮೇ 3ರಂದು ರಾಜ್ಯಸಭೆಗೆ ಮಾಹಿತಿ ನೀಡಿದ್ದ ಸರಕಾರ, ಸ್ಥಳೀಯ ಇತಿಹಾಸದ ಪರಿಚಯವಿಲ್ಲದ ಸಾಮಾನ್ಯ ಪ್ರಯಾಣಿಕರು ಹಾಗೂ ವಿದೇಶಿ ಪ್ರವಾಸಿಗರ ಅನುಕೂಲತೆಯನ್ನು ಗಮನದಲ್ಲಿಟ್ಟುಕೊಂಡು, ಆಯಾ ವಿಮಾನ ನಿಲ್ದಾಣಗಳು ಇರುವ ನಗರದ ಹೆಸರನ್ನೇ ಇಡುವ ಬಗ್ಗೆ ಪರಿಗಣಿಸಲಾಗುತ್ತಿದೆ ಎಂದು ತಿಳಿಸಿತ್ತು. ಆರು ನಾಮಕರಣ ಬದಲಾವಣೆಕಳೆದ 10 ವರ್ಷಗಳಲ್ಲಿ ಆರು ವಿಮಾನ ನಿಲ್ದಾಣಗಳ ಹೆಸರನ್ನು ಬದಲಾಯಿಸಲಾಗಿದೆ. ಅವುಗಳಲ್ಲಿ ಐದು ವ್ಯಕ್ತಿಗಳ ಹೆಸರನ್ನು ಪಡೆದುಕೊಂಡಿವೆ. ಇನ್ನೊಂದು ಮುಂಬಯಿಯ ಛತ್ರಪತಿ ಶಿವಾಜಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ 'ಮಹಾರಾಜ್' ಪದವನ್ನು ಸೇರ್ಪಡೆ ಮಾಡಿತ್ತು. ಆರು ತಿದ್ದುಪಡಿಗಳಲ್ಲಿ ಎರಡು ನರೇಂದ್ರ ಮೋದಿ ಸರಕಾರದ ಅವಧಿಯಲ್ಲಿ ಆಗಿದ್ದರೆ, ಉಳಿದ ನಾಲ್ಕು ಹಿಂದಿನ ಮನಮೋಹನ್ ಸಿಂಗ್ ಸರಕಾರದ ಅವಧಿಯಲ್ಲಿ ನಡೆದಿದ್ದವು.