'ಯುವರತ್ನ' ನಟಿ ಸಾಯೇಷಾ ಪತಿ ಆರ್ಯ ಮೇಲೆ ಮಹಿಳೆಗೆ ಮದುವೆಯಾಗುವುದಾಗಿ 70 ಲಕ್ಷ ರೂ ವಂಚಿಸಿದ ಆರೋಪ

ಖ್ಯಾತ ತಮಿಳು ನಟ ಆರ್ಯರಿಗೆ ಇತ್ತೀಚೆಗಷ್ಟೇ ತಂದೆ ಸ್ಥಾನಕ್ಕೆ ಬಡ್ತಿ ಪಡೆದ ಖುಷಿ ಜೊತೆಗೆ 'ಸರಪಟ್ಟ ಪರಂಬರೈ' ಸಿನಿಮಾ ಯಶಸ್ಸು ಕಂಡ ಸಂಭ್ರಮದಲ್ಲಿದ್ದಾರೆ. ಈ ಎರಡು ಖುಷಿ ವಿಷಯದ ಮಧ್ಯೆ ನಟ ಮೇಲೆ ಮಹಿಳೆಗೆ ಮದುವೆಯಾಗುವುದಾಗಿ ಹೇಳಿ 70 ಲಕ್ಷ ರೂಪಾಯಿ ವಂಚಿಸಿದ ಆರೋಪ ಕೇಳಿ ಬಂದಿದೆ. ದೂರು ದಾಖಲು ಜರ್ಮನ್ ಮೂಲದ ವಿದ್ಜಾ ಎಂಬ ಮಹಿಳೆಗೆ ಆರ್ಯ ಮದುವೆಯಾಗುವುದಾಗಿ ಹೇಳಿ 70 ಲಕ್ಷ ರೂಪಾಯಿ ವಂಚಿಸಿದ್ದಾರಂತೆ. ಈ ಕುರಿತು ಆ ಮಹಿಳೆ ಆನ್‌ಲೈನ್‌ನಲ್ಲಿ ದೂರು ದಾಖಲಿಸಿದ್ದಾರೆ. ಆರ್ಯ ಜೊತೆಗಿನ ವಾಟ್ಸಪ್‌ ಚಾಟ್ ಸ್ಕ್ರೀನ್‌ಶಾಟ್‌ನ್ನು ಕೂಡ ದೂರು ನೀಡುವ ವೇಳೆ ವಿದ್ಜಾ ಒದಗಿಸಿದ್ದಾರೆ. ಹೀಗಾಗಿ ಆರ್ಯ ಸಿನಿಮಾ ರಿಲೀಸ್‌ಗೆ ತಡೆಯೊಡ್ಡಿ, ಬ್ಯಾನ್ ಮಾಡಿ ಎಂದು ಕೂಡ ವಿದ್ಜಾ ದೂರಿನಲ್ಲಿ ಹೇಳಿದ್ದಾರೆ. ಈ ದೂರನ್ನು ಆರ್ಯ ವಿರೋಧಿಸಿಲ್ಲ ಜರ್ಮನ್ ಮೂಲದ ವಕೀಲನ ಮೂಲಕ ವಿದ್ಜಾ ದೂರು ದಾಖಲಿಸಿದ್ದಾರೆ. ಈ ಕುರಿತು ವಿಚಾರಣೆ ಕೂಡ ನಡೆದಿದ್ದು, "ಪೊಲೀಸರಿಗೆ ಅಗತ್ಯವಾದ ಮಾಹಿತಿ ಸಂಗ್ರಹ ಮಾಡಿ, ಆಗಸ್ಟ್ 17ಕ್ಕೆ ಮತ್ತೊಮ್ಮೆ ವಿಚಾರಣೆ ನಡೆಯಲಿದೆ ಎಂದಿದ್ದಾರೆ. ಈ ಕೇಸ್‌ನ್ನು ಆರ್ಯ ಆಗಲೀ, ಅವರ ತಂಡ ಆಗಲೀ ವಿರೋಧ ಮಾಡದಿರುವುದು ಆಶ್ಚರ್ಯ ಮೂಡಿಸುತ್ತಿದೆ. ಆರ್ಯ ಕೂಡ ಈ ಕೇಸ್ ಕುರಿತಾದ ಕೆಲ ಟ್ವಿಟ್ಟರ್‌ ಪೋಸ್ಟ್‌ಗಳನ್ನು ಲೈಕ್ ಮಾಡಿರೋದು ಅಭಿಮಾನಿಗಳಿಗೆ ಶಾಕ್ ಉಂಟು ಮಾಡಿದೆ. ತಂದೆಯಾಗಿರುವ ಆರ್ಯ ಇತ್ತೀಚೆಗಷ್ಟೇ ಆರ್ಯ ಹಾಗೂ ದಂಪತಿ ಹೆಣ್ಣು ಮಗುವಿನ ಪಾಲಕರಾಗಿ ಬಡ್ತಿ ಪಡೆದಿದ್ದರು. ಈ ವಿಷಯವನ್ನು ನಟ ವಿಶಾಲ್ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. 'ಟೆಡ್ಡಿ', 'ಗಜನಿಕಾಂತ್', 'ಕಾಪ್ಪಾನ್' ಸಿನಿಮಾಗಳಲ್ಲಿ ಸಾಯೇಷಾ ಹಾಗೂ ಆರ್ಯ ಒಟ್ಟಾಗಿ ನಟಿಸಿದ್ದು, ಅವರಿಬ್ಬರ ಮಧ್ಯೆ ಪ್ರೀತಿಯ ಮೊಳಕೆಯೊಡೆದಿತ್ತು. ಆ ನಂತರದಲ್ಲಿ ಕುಟುಂಬದ ಒಪ್ಪಿಗೆ ಪಡೆದು ವಯಸ್ಸಿನಲ್ಲಿ 12 ವರ್ಷದ ಅಂತರ ಇದ್ದಾಗ್ಯೂ ಕೂಡ ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿತ್ತು.