ಬ್ರಾ, ಸೊಂಟ, ಪಾದದ ಗಾತ್ರ ಹಾಕಿ ಹುಡುಗಿ ಬೇಕೆಂದವನ ವಿರುದ್ಧ ಕ್ರಮ ಕೈಗೊಂಡ ಮ್ಯಾಟ್ರಿಮೋನಿಯಲ್ ಸಂಸ್ಥೆ
Matrimonial Ad: ಅನೇಕರು ಕಾಮೆಂಟ್ ವಿಭಾಗದಲ್ಲಿ ಈತನ ಬೇಡಿಕೆಗಳನ್ನು ವ್ಯಂಗ್ಯವಾಡಿದ್ದು, ಕೆಲವರು ‘ಇವನು ಲೇಡಿಸ್‌ ಟೈಲರಾ ಏನು?’ ಎಂದು ಆಡಿಕೊಂಡಿದ್ದಾರೆ. ಇನ್ನೊಬ್ಬ ವ್ಯಕ್ತಿ ‘ ಬಹುಶಃ ಇವನಿಗೆ ಸಂಗಾತಿ ಬೇಕಿಲ್ಲ, ಕೇವಲ ದೈಹಿಕ ತೃಷೆ ತೀರಿಸಿಕೊಳ್ಳಲು ಹೆಣ್ಣು ಬೇಕಾಗಿದೆ’ ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಮ್ಯಾಟ್ರಿಮೋನಿಯಲ್ ಗ್ರಾಹಕ ಕಾಮೆಂಟ್ ಮಾಡಿ ‘ ಅವನಿಗೊಂದು ಬಾರ್ಬಿ ಡಾಲ್ ಸೆಟ್ ಕೊಟ್ಟು ಬಿಡಿ, ಅದೇ ಒಳ್ಳೆಯದು’ ಎಂದು ಕಾಮೆಂಟ್ ಮಾಡಿದ್ದಾರೆ.
Admin
0
5
ಹೊಸದಿಲ್ಲಿ: ಸಂಗಾತಿಗಳನ್ನು ಆಯ್ಕೆ ಮಾಡಲೆಂದೇ ಇರುವ ಜಾಹಿರಾತು ವೇದಿಕೆಗಳಲ್ಲಿ ‘ನೋಡಲು ಚೆನ್ನಾಗಿರಬೇಕು’, ‘ಎತ್ತರ 5 ಅಡಿ ಸಾಕು’, ‘ಪದವಿ ಪಡೆದಿರಬೇಕು’, '24 ವರ್ಷದವಳಾಗಿರಬೇಕು’, ಈ ರೀತಿ ಬೇಡಿಕೆಗಳನ್ನು ಇಟ್ಟಿರುವುದನ್ನು ನಾವು ನೀವು ನೋಡಿರುತ್ತೀವಿ. ಆದರೆ ಇಲ್ಲೊಬ್ಬ ವ್ಯಕ್ತಿ ಹುಡುಗಿಯ ಬ್ರಾ ಸೈಜ್, ಸೊಂಟದ ಸುತ್ತಳತೆ, ಆಕೆಯ ಉಡುಪು ಸೇರಿ ಇನ್ನಿತರ ಪಟ್ಟಿಯನ್ನು ನೀಡಿ ವೆಬ್‌ಸೈಟ್‌ನ ಕೆಂಗಣ್ಣಿಗೆ ಗುರಿಯಾಗಿದ್ದಾನೆ.
ಈತನ ಬೇಡಿಕೆ ನೋಡಿ ಸಾಮಾಜಿಕ ಜಾಲತಾಣದಲ್ಲಿ ಜನರು ವ್ಯಂಗ್ಯ ಮಾಡಿದ್ದಾರೆ. ತನ್ನನ್ನು ವರಿಸುವವಳ ‘ಎತ್ತರ 5.2 ಅಡಿಯಿಂದ 5.6 ಇರಬೇಕು, 47-52 ಕೆಜಿ ತೂಕ ಇರಬೇಕು, ಸೊಂಟದ ಸುತ್ತಳತೆ 12-16 ಇಂಚು ಸಾಕು, ಬ್ರಾ ಗಾತ್ರ 32b ರಿಂದ 32c ಇರಬೇಕು, ಪಾದಗಳು 6-7 ಇಂಚು ಉದ್ದ ಇರಬೇಕು’ ಎಂದು 'ಬೆಟರ್‌ಹಾಫ್‌.ಎಐ' ಎಂಬ ಮ್ಯಾಟ್ರಿಮೋನಿಯಲ್ ವೆಬ್‌ಸೈಟ್‌ನ ತನ್ನ ಪ್ರೊಫೈಲ್‌ನ 'ಬಯೋ' ವಿಭಾಗದಲ್ಲಿ ಬೇಡಿಕೆ ಇರಿಸಿದ್ದಾನೆ. ಇವಿಷ್ಟೇ ಅಲ್ಲದೇ, ಇವನನ್ನು ವರಿಸುವವಳು ‘18-26 ವಯಸ್ಸಿನವಳಾಗಿರಬೇಕಂತೆ, ನಾಯಿಯನ್ನು ಪ್ರೀತಿಸುವ, ಮಕ್ಕಳನ್ನು ಇಷ್ಟಪಡದ, ಪ್ರವಾಸ ಪ್ರಿಯೆ ಆಗಿರಬೇಕು. 2ಎ ಕೆಟಗರಿಯವಳು, ಕುಟುಂಬಸ್ಥರು ಹಾಗೂ ಸಮಾಜದಲ್ಲಿ ಬೆರೆಯುವ ಮನಸ್ಥಿತಿ ಹೊಂದಿದವಳು, ಹಾಸ್ಯ ಮನೋಭಾವ ಇದ್ದು, ಮೆನಿಕ್ಯೂರ್‌/ ಪೆಡಿಕ್ಯೂರ್‌ ಮಾಡಿಸಿಕೊಳ್ಳುವ ಜತಗೆ ಸ್ವಚ್ಛತೆ ಕಾಪಾಡಿಕೊಳ್ಳುವವಳು ಆಗಿರಬೇಕು, ಸಿನಿಮಾ ವೀಕ್ಷಣೆ, ಸಭ್ಯ ಬಟ್ಟೆ ಧರಿಸುವವಳು, ಜತೆಗೆ ನಿಷ್ಠೆ, ಪ್ರಾಮಾಣಿಕತೆಯಿಂದ ಇರುವವಳು ಆದರೆ ಮದುವೆಗೆ ಸಿದ್ಧ’ ಎಂದು ಇಷ್ಟುದ್ದ ಪಟ್ಟಿ ಮಾಡಿದ್ದಾನೆ.
ಸದ್ಯ ಈತನ ಹಲವು ಬೇಡಿಕೆಗಳ ಫೋಟೊವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಇತ್ತ ‘ವೈಯಕ್ತಿಕ’ ವಿಷಯಗಳ ಕುರಿತು ಮಾಹಿತಿ ಕೇಳಿದ ಹಿನ್ನೆಲೆಯಲ್ಲಿ ಇದು ಮ್ಯಾಟ್ರಿಮೋನಿಯಲ್ ವೆಬ್‌ಸೈಟ್‌ನ ನಿಯಮಗಳ ಉಲ್ಲಂಘನೆಯಾಗಿದ್ದು, ‘ವ್ಯಕ್ತಿಯ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಲಾಗುವುದು’ ಎಂದು ಸಂಸ್ಥೆ ಜಾಲತಾಣದಲ್ಲಿ ಸ್ಪಷ್ಟನೆ ನೀಡಿದೆ.
ಅನೇಕರು ಕಾಮೆಂಟ್ ವಿಭಾಗದಲ್ಲಿ ಈತನ ಬೇಡಿಕೆಗಳನ್ನು ವ್ಯಂಗ್ಯವಾಡಿದ್ದು, ಕೆಲವರು ‘ಇವನು ಲೇಡಿಸ್‌ ಟೈಲರಾ ಏನು?’ ಎಂದು ಆಡಿಕೊಂಡಿದ್ದಾರೆ. ಇನ್ನೊಬ್ಬ ವ್ಯಕ್ತಿ ‘ ಬಹುಶಃ ಇವನಿಗೆ ಸಂಗಾತಿ ಬೇಕಿಲ್ಲ, ಕೇವಲ ದೈಹಿಕ ತೃಷೆ ತೀರಿಸಿಕೊಳ್ಳಲು ಹೆಣ್ಣು ಬೇಕಾಗಿದೆ’ ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ಮ್ಯಾಟ್ರಿಮೋನಿಯಲ್ ಗ್ರಾಹಕ ಕಾಮೆಂಟ್ ಮಾಡಿ ‘ ಅವನಿಗೊಂದು ಬಾರ್ಬಿ ಡಾಲ್ ಸೆಟ್’ ಕೊಟ್ಟು ಬಿಡಿ ಎಂದು ಕಾಮೆಂಟ್ ಮಾಡಿದ್ದಾರೆ.
ಮ್ಯಾಟ್ರಿಮೋನಿಯಲ್ ಸೇರಿದಂತೆ ಇನ್ನಿತರ ವಧು-ವರರ ವೇದಿಕೆಗಳು ಹುಡುಗ- ಹುಡುಗಿಗೆ ತಮ್ಮ ಇಷ್ಟಗಳಿಗೆ ತಕ್ಕಂತ ಸಂಗಾತಿಯನ್ನು ಹುಡುಕಾಡಲು ಇರುವಂತಹ ಒಂದು ವೇದಿಕೆ. ಇಲ್ಲಿ ಸಾವಿರಾರು ಜನರು ತಮ್ಮ ಬದುಕಿಗೆ ಸೂಕ್ತವಾದ ಸಂಗಾತಿಯನ್ನು ಆಯ್ಕೆ ಮಾಡಿಕೊಂಡವರೂ ಇದ್ದಾರೆ, ಆಯ್ಕೆಗಳಲ್ಲಿ ಎಡವಿ ಸಂಕಷ್ಟಕ್ಕೆ ಸಿಲುಕಿದವರೂ ಇದ್ದಾರೆ. ಮೊದಲೆಲ್ಲಾ ಪತ್ರಿಕೆಗಳಲ್ಲಿ ಬರುತ್ತಿದ್ದ ಇಂತಹ ಜಾಹೀರಾತುಗಳು ಡಿಜಿಟಲ್‌ ಯುಗ ಆರಂಭವಾದ ನಂತರ ಆನ್‌ಲೈನ್‌ನಲ್ಲಿ ಕಾಣಿಸಿಕೊಳ್ಳಲು ಆರಂಭವಾದವು. ತಮಗೆ ಬೇಕಾದ ಸಂಗಾತಿಗಳನ್ನು ಆಯ್ಕೆ ಮಾಡಲೆಂದೇ ಆಪ್‌ಗಳೂ ಹುಟ್ಟಿಕೊಂಡಿವೆ. ಅಂತಹ ಆಪ್‌ಗಳ ಪೈಕಿ ಮ್ಯಾಟ್ರಿಮೋನಿಯಲ್ ವೆಬ್‌ಸೈಟ್ ಕೂಡ ಪ್ರಮುಖವಾದವು.
