ಕೋವಿಡ್ 19 ಚಿಕಿತ್ಸೆಗೆ ಹೊಸ ಶಕ್ತಿ: ಶೀಘ್ರದಲ್ಲಿಯೇ ಬರಲಿವೆ ಮಾತ್ರೆಗಳು

ಹೊಸದಿಲ್ಲಿ: ವಿರುದ್ಧದ ಹೋರಾಟದಲ್ಲಿ ಜನರ ಸಾವಿನ ಪ್ರಮಾಣವನ್ನು ಕಡಿಮೆ ಮಾಡುವುದರಲ್ಲಿ ಲಸಿಕೆಗಳು ಮಹತ್ವದ ಪಾತ್ರ ವಹಿಸುತ್ತಿವೆ ಎಂದು ವಿಜ್ಞಾನಿಗಳು ಮತ್ತು ಅಧಿಕಾರಿಗಳು ಹೇಳುತ್ತಿದ್ದಾರೆ. ಈ ನಡುವೆ ಒಟ್ಟಾರೆ ಸನ್ನಿವೇಶಕ್ಕೆ ತಿರುವು ನೀಡಬಲ್ಲ ಎರಡು ಹೊಸ ಆವಿಷ್ಕಾರಗಳು ಶೀಘ್ರದಲ್ಲಿಯೇ ಜನರ ಕೈ ಸೇರಲಿವೆ. ಅಮೆರಿಕದ ಔಷಧ ದಿಗ್ಗಜ ಸಂಸ್ಥೆ ಫೈಜರ್‌ನ ಆಂಟಿವೈರಲ್ ಮಾತ್ರೆ ಪ್ಯಾಕ್ಸ್ಲೋವಿಡ್ ಮತ್ತು ಮೆರ್ಕ್ ಕಂಪೆನಿಯ ಬಳಕೆಗೆ ಸಿಗಲಿವೆ. ಮೆರ್ಕ್, ಶಾರ್ಪ್ ಆಂಡ್ ಡೋಹ್ಮ್ ಹಾಗೂ ರಿಡ್ಜ್‌ಬ್ಯಾಕ್ ಬಯೋಥೆರಪಿಟಿಕ್ಸ್ ಜತೆಯಾಗಿ ತಯಾರಿಸಿರುವ ಮಾಲ್ನುಪಿರಾವೈರ್ () ಮಾತ್ರೆಯು ಲಘು ಹಾಗೂ ಮಧ್ಯಮ ಪ್ರಮಾಣದ ಸೋಂಕಿಗೆ ಚಿಕಿತ್ಸೆ ನೀಡುವ ಮೌಖಿಕ ಆಂಟಿವೈರಲ್ ಔಷಧವಾಗಿದೆ. ಇದಕ್ಕೆ ಭಾರತದಲ್ಲಿ ಕೆಲವೇ ದಿನಗಳಲ್ಲಿ ತುರ್ತು ಬಳಕೆ ಅನುಮೋದನೆ (EUA) ಸಿಗುವ ಸಾಧ್ಯತೆ ಇದೆ ಎಂದು ಸಿಎಸ್‌ಐಆರ್‌ನ ಕೋವಿಡ್ ಕಾರ್ಯತಂತ್ರ ಸಮೂಹದ ಅಧ್ಯಕ್ಷ ಡಾ ರಾಮ್ ವಿಶ್ವಕರ್ಮ ತಿಳಿಸಿದ್ದಾರೆ. ಫೈಜರ್‌ನ ಪಾಕ್ಸ್ಲೋವಿಡ್ ಲಸಿಕೆಗೆ ಭಾರತದಲ್ಲಿ ತುರ್ತು ಬಳಕೆ ಅನುಮೋದನೆ ಸಿಗಲು ಕೆಲವು ಸಮಯ ಬೇಕಾಗಬಹುದು ಎಂದೂ ಅವರು ಹೇಳಿದ್ದಾರೆ. 'ನಾವು ಸಾಂಕ್ರಾಮಿಕದಿಂದ ಅದರ ಅಂತ್ಯದ ಕಡೆಗೆ ಸಾಗುತ್ತಿದ್ದೇವೆ. ಈ ಸಂದರ್ಭದಲ್ಲಿ ಕೋವಿಡ್ 19 ವಿರುದ್ಧದ ಮಾತ್ರೆಗಳು ಲಸಿಕೀಕರಣಕ್ಕಿಂತಲೂ ಬಹಳ ಮುಖ್ಯ ಪಾತ್ರ ವಹಿಸಲಿವೆ. ಈ ಎರಡೂ ಮಾತ್ರೆಗಳು ಬಹುದೊಡ್ಡ ಬದಲಾವಣೆ ಸೃಷ್ಟಿಸಬಲ್ಲವು' ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. 'ಕೊರೊನಾ ವೈರಸ್‌ನ ಶವಪೆಟ್ಟಿಗೆಗೆ ವಿಜ್ಞಾನವು ಹೊಡೆಯುತ್ತಿರುವ ಕೊನೆಯ ಮೊಳೆ ಈ ಔಷಧ' ಎಂದು ಬಣ್ಣಿಸಿರುವ ಅವರು, 'ಮಾಲ್ನುಪಿರಾವೈರ್ ಈಗಾಗಲೇ ನಮಗೆ ಲಭ್ಯವಿದೆ ಎನಿಸುತ್ತದೆ. ಐದು ಕಂಪೆನಿಗಳು ಔಷಧ ತಯಾರಕರ ಜತೆಗೆ ಮಾತುಕತೆ ನಡೆಸುತ್ತಿವೆ. ಹೀಗಾಗಿ ಮುಂದಿನ ಯಾವುದೇ ದಿನದಲ್ಲಿ ಮಾಲ್ನುಪಿರಾವೈರ್‌ಗೆ ಅನುಮೋದನೆ ಸಿಗಬಹುದು' ಎಂದು ತಿಳಿಸಿದ್ದಾರೆ. ಪ್ರಯೋಗದ ಬಳಿಕದ ವರದಿಮಾಲ್ನುಪಿರಾವೈರ್, ಕೋವಿಡ್ 19 ಲಕ್ಷಣಗಳಿರುವ ರೋಗಿಗಳಿಗೆ ಚಿಕಿತ್ಸೆ ನೀಡಲು ಮೊದಲು ಅಭಿವೃದ್ಧಿಪಡಿಸಲಾದ ಮೌಖಿಕ ಔಷಧವಾಗಿದೆ. ಕೊರೊನಾ ವೈರಸ್ ಪಾಸಿಟಿವ್ ಪತ್ತೆಯಾದ 775 ರೋಗಿಗಳಿಗೆ ಮಾಲ್ನುಪಿರಾವೈರ್ ಮಾತ್ರೆ ನೀಡಲಾಗಿತ್ತು. ಇವರಲ್ಲಿ ಶೇ 7.3ರಷ್ಟು ಮಂದಿ ಮಾತ್ರವೇ ಆಸ್ಪತ್ರೆಗೆ ದಾಖಲಾಗುವಷ್ಟು ಕೋವಿಡ್ ತೀವ್ರವಾಗಿತ್ತು. ಆದರೆ ಇವರಲ್ಲಿ ಯಾರಿಗೂ ಮಾರಣಾಂತಿಕ ಸೋಂಕು ಉಂಟಾಗಿರಲಿಲ್ಲ ಎಂದು ಆರಂಭಿಕ ಪ್ರಯೋಗಗಳ ವರದಿ ತಿಳಿಸಿದೆ. ಫೈಜರ್‌ನ ಕ್ಲಿನಿಕಲ್ ಪ್ರಯೋಗದಲ್ಲಿ ಪಾಕ್ಸ್ಲೋವಿಡ್ ಮಾತ್ರೆಯು ಶೇ 89ರಷ್ಟು ಪರಿಣಾಮಕಾರಿಯಾಗಿದೆ ಎಂದು ವರದಿ ತಿಳಿಸಿದೆ. ಲಘು ಮತ್ತು ಮಧ್ಯಮ ಪ್ರಮಾಣದ ಕೋವಿಡ್ 19 ಲಕ್ಷಣಗಳಿರುವ 1,219 ರೋಗಿಗಳಿಗೆ ಈ ಮಾತ್ರೆ ನೀಡಲಾಗಿದೆ. ಇದರಲ್ಲಿ ಆಸ್ಪತ್ರೆಗೆ ದಾಖಲಾಗುವುದು ಹಾಗೂ ಸಾವಿನ ಸಾಧ್ಯತೆಗಳು ಶೇ 89ರಷ್ಟು ಕಡಿಮೆಯಾಗಿದೆ. ಪಾಕ್ಸ್ಲೋವಿಡ್ ಪಡೆದುಕೊಂಡ ಶೇ 0.8ರಷ್ಟು ಮಂದಿ ಮಾತ್ರ ಆಸ್ಪತ್ರೆಗೆ ದಾಖಲಾಗಿದ್ದಾರೆ. 28 ದಿನಗಳ ಚಿಕಿತ್ಸೆ ಬಳಿಕ ಯಾರೂ ಮೃತಪಟ್ಟಿಲ್ಲ. ಮಾತ್ರೆ ಬಳಕೆ ಹೇಗೆ?ಕೋವಿಡ್ 19 ಸೋಂಕು ದೃಢಪಟ್ಟ ರೋಗಿಗೆ ಫೈಜರ್‌ನ ಪಾಕ್ಸ್ಲೋವಿಡ್ ಅನ್ನು ದಿನಕ್ಕೆ ಎರಡು ಬಾರಿ ಮೂರು ಮಾತ್ರೆಗಳಂತೆ ನೀಡಬೇಕು. ಸೋಂಕು ಕಾಣಿಸಿಕೊಂಡ ಮೂರರಿಂದ ಐದು ದಿನಗಳ ಒಳಗೆ ಈ ಮಾತ್ರೆಗಳನ್ನು ನೀಡಬೇಕು. ಹಾಗೆಯೇ ಮೆರ್ಕ್ ಕಂಪೆನಿ ಮಾಲ್ನುಪಿರಾವೈರ್ ಅನ್ನು ದಿನಕ್ಕೆ ಎರಡು ಬಾರಿ ನಾಲ್ಕು ಮಾತ್ರೆಗಳಂತೆ ನೀಡಬೇಕು. ಇದನ್ನು ಕೂಡ ಸೋಂಕು ಕಾಣಿಸಿಕೊಂಡ ಐದು ದಿನಗಳ ಒಳಗೆ ನೀಡಲು ಆರಂಭಿಸಬೇಕು. ಬ್ರಿಟನ್‌ನಿಂದ ಖರೀದಿವಿವಿಧ ದೇಶಗಳು ಈ ಮಾತ್ರೆಗಳನ್ನು ಖರೀದಿಸುವ ಸಂಬಂಧ ಮತ್ತು ಮೆರ್ಕ್ ಜತೆಗೆ ಮಾತುಕತೆ ನಡೆಸುತ್ತಿವೆ. ಒಂದು ಕೋರ್ಸ್‌ಗೆ 10 ಡಾಲರ್‌ಗೆ ದರ ಇಳಿಸುವ ನಿಟ್ಟಿನಲ್ಲಿ ವಿಶ್ವ ಆರೋಗ್ಯ ಸಂಸ್ಥೆ ಪ್ರಯತ್ನಿಸುತ್ತಿದೆ. ಮಾಲ್ನುಪಿರಾವೈರ್ ಅನ್ನು ಅನುಮೋದಿಸಿದ ಮೊದಲ ದೇಶವಾಗಿರುವ ಬ್ರಿಟನ್, ನವೆಂಬರ್‌ನಲ್ಲಿ 4,80,000 ಕೋರ್ಸ್‌ಗಳನ್ನು ಮಾತ್ರೆಗಳ ಖರೀದಿಗೆ ಒಪ್ಪಿಕೊಂಡಿದೆ. ಅಲ್ಲದೆ ಅದು, ಫೈಜರ್‌ನ ಪಾಕ್ಲ್ಸೋವಿಡ್ ಮಾತ್ರೆಯ 2,50,000 ಕೋರ್ಸ್‌ಗಳಿಗೆ ಕೂಡ ಒಪ್ಪಂದ ಮಾಡಿಕೊಂಡಿದೆ. ಮಾತ್ರೆಗಳ ದರ ಎಷ್ಟು?ಭಾರತ ಸರ್ಕಾರವು ಈ ಕಂಪೆನಿಗಳಿಂದ ಬಲ್ಕ್‌ನಲ್ಲಿ ಖರೀದಿ ಮಾಡಲಿದೆ. ಎರಡು ಬಗೆಯ ದರ ವ್ಯವಸ್ಥೆ ಇರಲಿದೆ. ಒಂದು ಚಿಕಿತ್ಸೆಯ ಸುತ್ತಿಗೆ 2,000 ರೂಪಾಯಿಯಿಂದ 3,000 ರೂ ಅಥವಾ 4,000 ರೂ ಆರಂಭದಲ್ಲಿ ತಗುಲಬಹುದು. ಬಳಿಕ ಅದು 500-600 ರೂ ಅಥವಾ 1,000 ರೂಪಾಯಿಗೆ ಇಳಿಯಬಹುದು ಎಂದು ರಾಮ್ ವಿಶ್ವಕರ್ಮ ತಿಳಿಸಿದ್ದಾರೆ.