ಬ್ಯಾಚುಲರ್ ಪಾರ್ಟಿಯಲ್ಲಿ ಮಿಂದೆದ್ದ 'ಹೆಬ್ಬುಲಿ' ನಟಿ; ಅಶ್ಲೀಲ ಮಾತನಾಡಿದವನಿಗೆ ಅಮಲಾ ಪೌಲ್ ತಿರುಗೇಟು

ದಕ್ಷಿಣ ಭಾರತದ ಖ್ಯಾತ ನಟಿ ಅವರು ಅಣ್ಣನ ಮದುವೆಯ ಸಂಭ್ರಮದಲ್ಲಿದ್ದಾರೆ. ಈ ನಡುವೆ ಅವರು ಸ್ನೇಹಿತರು, ಸಂಬಂಧಿಕರ ಜೊತೆ ಸರ್ಪ್ರೈಸ್‌ ಪಾರ್ಟಿ ಮಾಡಿದ್ದರು. ಆ ವಿಡಿಯೋವನ್ನು ಅವರು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡರು. ಆ ವೇಳೆ ನೆಟ್ಟಿಗನೊಬ್ಬ ಅಶ್ಲೀಲವಾಗಿ ಕಾಮೆಂಟ್ ಮಾಡಿದ್ದಾನೆ. ಅದಕ್ಕೆ ಅಮಲಾ ಖಾರವಾಗಿ ಉತ್ತರ ನೀಡಿದ್ದಾರೆ. ಅಮಲಾ ಪೌಲ್ ಸಹೋದರ ಅಭಿಜಿತ್ ಪೌಲ್ ಬ್ಯಾಚುಲರ್ ಪಾರ್ಟಿಯನ್ನು ಆಚರಿಸಿದ್ದಾರೆ. ಪಾರ್ಟಿಯ ವಿಡಿಯೋವನ್ನು ಹಂಚಿಕೊಂಡ ಅಮಲಾ, "ಗಂಡಸರು ಯಾಕೆ ಎಲ್ಲವನ್ನು ಎಂಜಾಯ್ ಮಾಡಬೇಕು? ಹುಡುಗರೇ, ನಾವು ನಿಮ್ಮನ್ನು ಇಷ್ಟಪಡ್ತೀವಿ" ಎಂದು ಕಾಮೆಂಟ್ ಮಾಡಿದ್ದಾರೆ. ಚಿಕ್ಕ ಡ್ರೆಸ್ ಹಾಕಿ, ಕೈಯಲ್ಲಿ ಮದ್ಯದ ಬಾಟಲಿ ಹಿಡಿದು ಅಮಲಾ ಇಂಗ್ಲಿಷ್ ಹಾಡಿಗೆ ಗ್ಲಾಮರಸ್ ಆಗಿ ಡ್ಯಾನ್ಸ್ ಮಾಡಿದ್ದರು. ಆ ವಿಡಿಯೋ ಕೆಲವರ ಕಣ್ಣು ಕುಕ್ಕಿದೆ. "ಅಮಲಾ ಆಡುತ್ತಿರುವುದನ್ನು ನೋಡಿದರೆ ಇಂದು ರಾತ್ರಿ ಅವಳು ಏನು ಬಯಸುತ್ತಿದ್ದಾಳೆ ಎಂಬುದು ಗೊತ್ತಾಗುತ್ತದೆ" ಎಂದು ಅಮಲಾಗೆ ನೆಟ್ಟಿಗನೊಬ್ಬ ಕಾಮೆಂಟ್ ಮಾಡಿದ್ದನು. ಆ ಕಾಮೆಂಟ್ ಮಾಡಿದವನಿಗೆ "ಲೆಜೆಂಡ್ ಮಾತ್ರ ನೋಡಬಲ್ಲರು" ಎಂದು ಇನ್ನೊಬ್ಬ ಕಾಮೆಂಟ್ ಮಾಡಿದ್ದನು. ಅಮಲಾ ಪೌಲ್ ಅವರು 'ನಿನಗೆ ಗೊತ್ತಾಯ್ತಲ್ಲ' ಎಂದು ಖಾರವಾಗಿ ಉತ್ತರ ನೀಡಿದ್ದಾರೆ. ಅಮಲಾ ಪೌಲ್ ಉತ್ತರ ನೀಡಿದ ರೀತಿ ಅನೇಕರಿಗೆ ಇಷ್ಟ ಆಗಿದೆ. ಇಂತಹವರಿಗೆ ಹೀಗೆ ಉತ್ತರ ಕೊಡಬೇಕು ಎಂದು ಹೇಳುತ್ತಿದ್ದಾರೆ. ಇತ್ತೀಚೆಗೆ ಅಮಲಾ ಪೌಲ್ ಸಿನಿಮಾಗಳಿಗಿಂತ ಜಾಸ್ತಿ ವೈಯಕ್ತಿಕ ವಿಚಾರಕ್ಕೆ ಸುದ್ದಿಯಾಗಿದ್ದೇ ಜಾಸ್ತಿ. ಅಮಲಾ ಪೌಲ್ ಹಾಗೂ ನಿರ್ದೇಶಕ ಎ.ಎಲ್. ವಿಜಯ್‌ ಮದುವೆಯು ಮುರಿದು ಬಿದ್ದಿತ್ತು. ಆನಂತರದಲ್ಲಿ ಅವರು ಮುಂಬೈ ಮೂಲದ ಸಿಂಗರ್ ಭವನಿಂದರ್ ಸಿಂಗ್ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ಹೇಳಲಾಗಿತ್ತು. ಅಮಲಾ, ಭವನಿಂದರ್ ಮದುವೆಯ ಫೋಟೋಗಳು ವೈರಲ್ ಆಗಿದ್ದು, ಅವು ನಿಜವಾದ ಮದುವೆಯಲ್ಲ ಎಂದು ಅಮಲಾ ಆನಂತರದಲ್ಲಿ ಸ್ಪಷ್ಟನೆ ನೀಡಿದ್ದರು. ವೃತ್ತಿಪರ ಉದ್ದೇಶದಿಂದ ಆ ಫೋಟೋಶೂಟ್ ಮಾಡಿಸಲಾಗಿದ್ದು, ಭವನಿಂದರ್ ಸಿಂಗ್ ಅವರು ದುರ್ಬಳಕೆ ಮಾಡಿಕೊಳ್ಳುತ್ತಿದ್ದಾರೆ ಎಂದು ಅಮಲಾ ಆರೋಪ ಮಾಡಿದ್ದರು. ಸೈಂಟಿಫಿಕ್‌ ಥ್ರಿಲ್ಲರ್‌ ಕಥೆ ಹೊಂದಿರುವ ವೆಬ್‌ ಕಂಟೆಂಟ್‌ ಒಂದನ್ನು 'ಲೂಸಿಯಾ' ಖ್ಯಾತಿಯ ಪವನ್ ನಿರ್ದೇಶನ ಮಾಡುತ್ತಿದ್ದಾರೆ. ಇದು ಎಂಟು ಭಾಗಗಳಲ್ಲಿ ಇರಲಿದೆ. ಇದರಲ್ಲಿ ರಾಹುಲ್‌ ವಿಜಯ್‌ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಈಗಾಗಲೇ ಹೈದರಾಬಾದ್‌ನಲ್ಲಿ ಚಿತ್ರೀಕರಣ ಪ್ರಾರಂಭವಾಗಿದೆ. 'ಅಡೈ' ಚಿತ್ರದಲ್ಲಿ ಬೋಲ್ಡ್‌ ಆಗಿ ಕಾಣಿಸಿಕೊಂಡಿದ್ದ ನಟಿ ಅಮಲಾ ಪೌಲ್‌ ಪೊಲೀಸ್‌ ಆಫೀಸರ್‌ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಸದ್ಯಕ್ಕೆ ತೆಲುಗು ಭಾಷೆಯಲ್ಲಿ ನಿರ್ಮಾಣವಾಗುತ್ತಿದ್ದು, ಬೇರೆ ಭಾಷೆಗಳಿಗೂ ಡಬ್‌ ಆಗುವ ಸಾಧ್ಯತೆಗಳಿವೆ. ಈ ಚಿತ್ರದಲ್ಲಿ ಪವನ್ ಕುಮಾರ್ ಕೂಡ ನಟಿಸಲಿದ್ದಾರಂತೆ. ಪವನ್‌ ಈಗ 'ಗಾಳಿಪಟ 2' ಚಿತ್ರದಲ್ಲೂ ಅಭಿನಯಿಸುತ್ತಿದ್ದಾರೆ. ನಟನೆಯ 'ಹೆಬ್ಬುಲಿ' ಸಿನಿಮಾದಲ್ಲಿ ಅಮಲಾ ಪೌಲ್ ನಟಿಸಿದ್ದರು. ಕೇರಳ ಮೂಲದ ಅಮಲಾ ಪೌಲ್‌ ಬಹುಭಾಷೆಯಲ್ಲಿ ಗುರುತಿಸಿಕೊಂಡಿದ್ದಾರೆ. ತೆಲುಗು, ಮಲಯಾಳಂ, ತಮಿಳು ಭಾಷೆಯ ಸಿನಿಮಾಗಳಲ್ಲಿ ಅಮಲಾ ಬಣ್ಣ ಹಚ್ಚಿದ್ದಾರೆ.