'ಬಿಗ್ ಬಾಸ್' ದಿವ್ಯಾ ಸುರೇಶ್ ನಟನೆಯ ಸಖತ್ ಗ್ಲಾಮರಸ್ ಆಗಿರುವ ಹಾಡು ರಿಲೀಸ್! ಇದು ಯಾವ ಸಿನಿಮಾದ್ದು?
ಬಿಗ್ ಬಾಸ್ ಕನ್ನಡ ಸೀಸನ್ 8ರಲ್ಲಿ ಮಿಂಚಿದ ದಿವ್ಯಾ ಸುರೇಶ್, ಈ ಬಾರಿ ಎಲ್ಲರ ಗಮನಸೆಳೆದಿದ್ದರು. ಆದರೆ, ದಿವ್ಯಾ ಯಾವ ಸಿನಿಮಾಗಳಲ್ಲಿ ಬಣ್ಣ ಹಚ್ಚಿದ್ದಾರೆ ಎಂಬ ಬಗ್ಗೆ ಮಾಹಿತಿ ಇರಲಿಲ್ಲ. ಇದೀಗ ಆ ಬಗ್ಗೆ ಮಾಹಿತಿ ಸಿಕ್ಕಿದೆ. ಅವರ ಹೊಸ ಸಿನಿಮಾದ ಹಾಡು ಕೂಡ ರಿಲೀಸ್ ಆಗಿದೆ.
Admin
0
7
ಕನ್ನಡ ಸೀಸನ್ 8ರಲ್ಲಿ ಭಾಗವಹಿಸಿದ್ದ ಸ್ಪರ್ಧಿಗಳಲ್ಲಿ ದಿವ್ಯಾ ಸುರೇಶ್ ಕೂಡ ಒಬ್ಬರು. ಬಿಗ್ ಬಾಸ್ ಮನೆಗೆ ಹೋಗೋದಕ್ಕೂ ಮುನ್ನ ಅಷ್ಟೇನೂ ಪರಿಚಿತರಾಗಿರಲಿಲ್ಲ. ಒಂದಷ್ಟು ಸಿನಿಮಾ ಹಾಗೂ ಧಾರಾವಾಹಿಗಳಲ್ಲಿ ಕಾಣಿಸಿಕೊಂಡಿದ್ದರೂ, ದೊಡ್ಡ ಬ್ರೇಕ್ ಅಂತ ಸಿಕ್ಕಿರಲಿಲ್ಲ. ಬಿಗ್ ಬಾಸ್ ಮನೆಗೆ ಹೋಗಿ ಬಂದ ಮೇಲೆ ದಿವ್ಯಾಗೆ ಜನಪ್ರಿಯತೆ ಸಿಕ್ಕಿದೆ. ಈ ಮಧ್ಯೆ ಅವರು ಶೋಗೆ ಹೋಗುವುದಕ್ಕೂ ಮುನ್ನ ನಟಿಸಿದ್ದ ಸಿನಿಮಾವೊಂದರ ಹಾಡೊಂದು ಈಗ ರಿಲೀಸ್ ಆಗಿದೆ. ಇದರಲ್ಲಿ ದಿವ್ಯಾ ಸಖತ್ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿರುವುದು ವಿಶೇಷ.
''ಯಲ್ಲಿ ದಿವ್ಯಾ
ಹಿರಿತೆರೆ ಹಾಗೂ ಕಿರುತೆರೆಯಲ್ಲಿ ಕಾರ್ಯನಿರ್ವಹಿಸಿ ಅನುಭವವಿರುವ ರೆಡ್ಡಿ ಕೃಷ್ಣ, ಚೊಚ್ಚಲ ಬಾರಿಗೆ ನಿರ್ದೇಶನ ಮಾಡಿರುವ 'ರೌಡಿ ಬೇಬಿ' ಸಿನಿಮಾದಲ್ಲಿ ನಾಯಕರಾಗಿ ರವಿ ಗೌಡ ಕಾಣಿಸಿಕೊಂಡಿದ್ದು, ಅವರಿಗೆ ನಾಯಕಿಯಾಗಿ ದಿವ್ಯಾ ಸುರೇಶ್ ನಟಿಸಿದ್ದಾರೆ. ಈಗಾಗಲೇ ಚಿತ್ರೀಕರಣ ಮುಗಿಸಿರುವ ಈ ಸಿನಿಮಾದ 'ನಾ ನೀನಾದರೆ..' ಎಂಬ ಹಾಡಿನ ಲಿರಿಕಲ್ ವಿಡಿಯೋವನ್ನು ಚಿತ್ರತಂಡ ರಿಲೀಸ್ ಮಾಡಿದೆ. ಹಾಡಿನ ಕೆಲ ಸ್ಟಿಲ್‌ಗಳು ರಿಲೀಸ್ ಆಗಿದ್ದು, ದಿವ್ಯಾ ಸುರೇಶ್ ಸಖತ್ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿದ್ದಾರೆ. ಲಿಪ್‌ಲಾಕ್ ಕೂಡ ಮಾಡಿದ್ದಾರೆ!
ರೌಡಿ ಬೇಬಿ ಸಿನಿಮಾಗೆ ಬೆಂಗಳೂರು, ಕೇರಳ, ಮಂಗಳೂರಿನಲ್ಲಿ 32 ದಿನಗಳ ಕಾಲ ಶೂಟಿಂಗ್ ಮಾಡಲಾಗಿದೆ. ದಿವ್ಯಾ ಸುರೇಶ್, ಇದರ ಶೂಟಿಂಗ್ ಮುಗಿಸಿಕೊಂಡ ಬಳಿಕವೇ ಶೋಗೆ ಹೋಗಿದ್ದರು. ವಾರ್ ಫುಟ್ ಸ್ಟುಡಿಯೋ ಹಾಗೂ ಸುಮುಖ ಎಂಟರ್ ಟೈನರ್ ಲಾಂಛನದಲ್ಲಿ ಈ ಚಿತ್ರ ನಿರ್ಮಾಣವಾಗಿದೆ. ಸದ್ಯ ಲಾಕ್‌ಡೌನ್ ಇರುವುದರಿಂದ, ಚಿತ್ರಮಂದಿರಗಳು ಎಂದಿನಂತೆ ಕೆಲಸ ಆರಂಭಿಸಿದ ಮೇಲೆ ರೌಡಿ ಬೇಬಿಯನ್ನು ತೆರೆಕಾಣಿಸುವ ಉದ್ದೇಶ ಚಿತ್ರತಂಡದ್ದು.
ಸದ್ಯ ರಿಲೀಸ್ ಆಗಿರುವ ಹಾಡಿಗೆ ಕಿನ್ನಾಳ್‌ ರಾಜ್ ಸಾಹಿತ್ಯ ಬರೆದಿದ್ದಾರೆ. ಈ ಹಿಂದೆ ಅವರು 'ಕೆಜಿಎಫ್‌: ಚಾಪ್ಟರ್ 1' ಚಿತ್ರದ ಹಾಡುಗಳಿಗೆ ಲಿರಿಕ್ಸ್ ಬರೆದಿದ್ದರು. ರೌಡಿ ಬೇಬಿ ಹಾಡುಗಳಿಗೆ ಅಭಿಷೇಕ್ ರಫಸ್ ಸಂಗೀತ ನೀಡಿದ್ದು, ಉಳಿದ ಮೂರು ಹಾಡುಗಳಿಗೆ ಡಾ. ವಿ. ನಾಗೇಂದ್ರ ಪ್ರಸಾದ್, 'ಸಿಂಪಲ್' ಸುನಿ ಸಾಹಿತ್ಯ ಬರೆದಿದ್ದಾರೆ. ಛಾಯಾಗ್ರಹಣವನ್ನು ಸಾಮ್ರಾಟ್ ಮಾಡಿದ್ದು, ಸಾಹಸ ನಿರ್ದೇಶನವನ್ನು ಚಂದ್ರು ಮಾಡಿದ್ದಾರೆ. ಎಸ್. ಎಸ್. ರವಿಗೌಡ, ದಿವ್ಯಾ ಸುರೇಶ್ ಜೊತೆಗೆ ಹೀರ್ ಕೌರ್, ಅಮಿತ್, ಕೆಂಪೇಗೌಡ, ಅರುಣಾ ಬಾಲರಾಜ್, ಶ್ರೀನಾಥ್ ವಸಿಷ್ಠ ಮುಂತಾದವರು ಈ ಚಿತ್ರದಲ್ಲಿ ನಟಿಸಿದ್ದಾರೆ.
