ಫೇಸ್‌ಬುಕ್‌ನಲ್ಲಿ ಎಡವಟ್ಟು: ಟ್ರೋಲ್ ಆದ ನಿಖಿಲ್ ಕುಮಾರಸ್ವಾಮಿ

ಸೆಲೆಬ್ರಿಟಿಗಳು ಅಂದ್ರೆ ಮೈ ಎಲ್ಲಾ ಕಣ್ಣಾಗಿರಬೇಕು. ಸೆಲೆಬ್ರಿಟಿಗಳಿಂದ ಕೊಂಚ ಎಡವಟ್ಟಾದರೂ ಸೋಷಿಯಲ್ ಮೀಡಿಯಾದಲ್ಲಿ ಟ್ರೋಲ್ ಆಗುವುದು ಗ್ಯಾರೆಂಟಿ. ಸದ್ಯ ನಟ, ರಾಜಕಾರಣಿ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಆಗಿದ್ದಾರೆ. ನಿಖಿಲ್ ಕುಮಾರಸ್ವಾಮಿ ಟ್ರೋಲ್ ಆಗಿದ್ಯಾಕೆ? ಫೇಸ್‌ಬುಕ್‌ನಲ್ಲಿ ನಿಖಿಲ್ ಕುಮಾರಸ್ವಾಮಿ ಮಾಡಿದ್ದ ಪೋಸ್ಟ್ ಟ್ರೋಲ್‌ಗೆ ಕಾರಣವಾಗಿದೆ. ನಟ ನಿಖಿಲ್ ಕುಮಾರಸ್ವಾಮಿ '' ಚಿತ್ರದ ಚಿತ್ರೀಕರಣದಲ್ಲಿ ಬಿಜಿಯಾಗಿದ್ದಾರೆ. ಲೇ ಲಡಾಖ್‌ನಲ್ಲಿ 'ರೈಡರ್' ಶೂಟಿಂಗ್ ನಡೆಯುತ್ತಿದೆ. ಚಿತ್ರೀಕರಣದ ಸಂದರ್ಭದಲ್ಲಿ ನಿಖಿಲ್ ಕುಮಾರಸ್ವಾಮಿ ಫೋಟೋವೊಂದನ್ನು ಕ್ಲಿಕ್ ಮಾಡಿಕೊಂಡಿದ್ದರು. ಆ ಫೋಟೋವನ್ನು ತಮ್ಮ ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದಾರೆ. ಬರೀ ಇಷ್ಟೇ ಆಗಿದ್ದರೆ, ನಿಖಿಲ್ ಕುಮಾರಸ್ವಾಮಿ ಟ್ರೋಲ್ ಆಗುತ್ತಿರಲಿಲ್ಲ. ಫೋಟೋ ಜೊತೆಗೆ ''ರೈಡರ್' ಚಿತ್ರೀಕರಣದ ವೇಳೆ ಕಂಡುಬಂದ ದೃಶ್ಯ'' ಎಂಬರ್ಥದಲ್ಲಿ ಒಂದು ಸಾಲು ಬರೆಯಲಾಗಿತ್ತು. ಆ ಸಾಲಿನಲ್ಲಿ ತಪ್ಪಾದ ಪದಬಳಕೆ ಮತ್ತು ವ್ಯಾಕರಣ ದೋಷ ಉಂಟಾಗಿತ್ತು. ಇದನ್ನು ಕಂಡ ನೆಟ್ಟಿಗರು ನಿಖಿಲ್ ಕುಮಾರಸ್ವಾಮಿ ಕಾಲೆಳೆದಿದ್ದಾರೆ. ನಿಖಿಲ್ ಕುಮಾರಸ್ವಾಮಿರವರ ಕನ್ನಡದ ಬಗ್ಗೆ ಕೆಲವರು ಪ್ರಶ್ನೆ ಮಾಡಿದರೆ, ''ನಿಖಿಲ್ ಕುಮಾರಸ್ವಾಮಿರವರ ಸೋಷಿಯಲ್ ಮೀಡಿಯಾ ಅಕೌಂಟ್‌ಗಳನ್ನು ಹ್ಯಾಂಡಲ್ ಮಾಡುವ ಅಡ್ಮಿನ್‌ಗೆ ಕನ್ನಡ ಬರಲ್ವಾ?'' ಎಂದು ಹಲವರು ಪ್ರಶ್ನಿಸಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಈ ಪೋಸ್ಟ್ ಟ್ರೋಲ್ ಆಗುತ್ತಿದ್ದ ಹಾಗೆ, ತಪ್ಪುಗಳನ್ನು ಸರಿಪಡಿಸಲಾಗಿದೆ. ಅಂದ್ಹಾಗೆ, 'ಜಾಗ್ವಾರ್', 'ಸೀತಾರಾಮ ಕಲ್ಯಾಣ', 'ಕುರುಕ್ಷೇತ್ರ' ಚಿತ್ರಗಳ ಬಳಿಕ 'ರೈಡರ್' ಚಿತ್ರದಲ್ಲಿ ನಿಖಿಲ್ ಕುಮಾರಸ್ವಾಮಿ ಬಿಜಿಯಾಗಿದ್ದಾರೆ.