ಪೋಷಕರು ಇರಿಸಿದ ಹೆಸರನ್ನು ಕಲ್ಯಾಣ ಯೋಜನೆಗಳ ಮೂಲಕ ಸಾರ್ಥಕವಾಗಿಸಿದ ಕಲ್ಯಾಣ್ ಸಿಂಗ್: ಮೋದಿ ಸ್ಮರಣೆ

ಲಕ್ನೋ: ಶನಿವಾರ ರಾತ್ರಿ ನಿಧನರಾದ ಉತ್ತರ ಪ್ರದೇಶದ ಮಾಜಿ ಮುಖ್ಯಮಂತ್ರಿ ಹಾಗೂ ಹಿರಿಯ ನಾಯಕ ಅವರ ಪಾರ್ಥಿವ ಶರೀರಕ್ಕೆ ಪ್ರಧಾನಿ ಹಾಗೂ ಇತರೆ ನಾಯಕರು ಅಂತಿಮ ನಮನ ಸಲ್ಲಿಸಿದರು. ಈ ವೇಳೆ ಸುದ್ದಿಗಾರರೊಂದಿಗೆ ಮಾತನಾಡಿದ ಪ್ರಧಾನಿ, ಕಲ್ಯಾಣ್ ಸಿಂಗ್ ಅವರದು ಮೌಲ್ಯಯುತ ವ್ಯಕ್ತಿತ್ವ ಮತ್ತು ಸಾಮಾನ್ಯ ಜನರ ನಂಬಿಕೆಯ ಸಂಕೇತವಾಗಿ ಬೆಳೆದ ಸಮರ್ಥ ನಾಯಕ ಎಂದು ಬಣ್ಣಿಸಿದರು. 'ದೇಶವು ಮೌಲ್ಯಯುತ ವ್ಯಕ್ತಿತ್ವ ಹಾಗೂ ಸಮರ್ಥ ನಾಯಕನನ್ನು ಕಳೆದುಕೊಂಡಿದೆ. ಅವರು ಬಿಟ್ಟುಹೋದ ಶೂನ್ಯವನ್ನು ಭರ್ತಿ ಮಾಡಲು ನಾವೆಲ್ಲರೂ ಅವರ ಆದರ್ಶಗಳು, ಅವರ ಭರವಸೆಗಳಿಗಾಗಿ ಗರಿಷ್ಠ ಕಠಿಣ ಪರಿಶ್ರಮ ಪಡಬೇಕು. ಅವರ ಕನಸಗಳನ್ನು ಈಡೇರಿಸಲು ಯಾವ ಪ್ರಯತ್ನವನ್ನೂ ಬಿಡಬಾರದು' ಎಂದರು. 'ಇದು ನಮ್ಮೆಲ್ಲರಿಗೂ ದುಃಖದ ಸಂದರ್ಭ. ಅವರು ಪೋಷಕರು ಅವರಿಗೆ ಕಲ್ಯಾಣ್ ಸಿಂಗ್ ಎಂದು ಹೆಸರಿಟ್ಟಿದ್ದರು. ತಮ್ಮ ಪೋಷಕರು ನೀಡಿದ ಹೆಸರನ್ನು ಸಾರ್ಥಕಗೊಳಿಸುವ ರೀತಿಯಲ್ಲಿ ಅವರು ಬದುಕನ್ನು ಜೀವಿಸಿದ್ದಾರೆ. ಅವರು ತಮ್ಮ ಇಡೀ ಬದುಕನ್ನು ಸಾರ್ವಜನಿಕರ ಕಲ್ಯಾಣಕ್ಕಾಗಿ ಮುಡಿಪಾಗಿಟ್ಟರು. 'ಜನ ಕಲ್ಯಾಣ'ವನ್ನು ತಮ್ಮ ಜೀವನ ಮಂತ್ರವನ್ನಾಗಿಸಿದರು ಮತ್ತು ತಮ್ಮ ಜೀವನವನ್ನು ಭಾರತೀಯ ಜನ ಸಂಘದ ಕುಟುಂಬ ಹಾಗೂ ಬಿಜೆಪಿಗೆ, ಒಂದು ಸಿದ್ಧಾಂತಕ್ಕೆ ಮತ್ತು ದೇಶದ ಉಜ್ವಲ ಭವಿಷ್ಯಕ್ಕಾಗಿ ಸಮರ್ಪಿಸಿದರು' ಎಂದು ಸ್ಮರಿಸಿದರು. 'ತಮ್ಮ ಪಾದತಲದಲ್ಲಿ ಕಲ್ಯಾಣ್ ಸಿಂಗ್ ಅವರಿಗೆ ಸ್ಥಾನ ನೀಡುವಂತೆ ಭಗವಾನ್ ರಾಮನ ಪಾದಗಳಲ್ಲಿ ಪ್ರಾರ್ಥಿಸುತ್ತೇನೆ. ಈ ನಷ್ಟವನ್ನು ಭರಿಸಲು ಅವರ ಕುಟುಂಬದವರಿಗೆ ರಾಮ ದೇವ ಶಕ್ತಿ ನೀಡಲಿ. ಅವರ ಮೌಲ್ಯಗಳು, ಆದರ್ಶ, ಸಂಸ್ಕೃತಿ ಮತ್ತು ಸಂಪ್ರದಾಯಗಳಲ್ಲಿ ನಂಬಿಕೆ ಇರಿಸಿರುವ ದೇಶದ ಜನತೆಗೆ ದೇವರು ಸಾಂತ್ವನ ಕರುಣಿಸಲಿ' ಎಂದರು.