ನಟ ಮಾಧವನ್ ದುಬೈ ಪ್ರಯಾಣ; ಏರ್‌ಪೋರ್ಟ್‌, ವಿಮಾನದಲ್ಲಿ ಯಾರೂ ಇಲ್ಲ! ಹುಟ್ಟಿತೊಂದು ಅನುಮಾನ

ಕಳೆದ ಒಂದೂವರೆ ವರ್ಷದಲ್ಲಿ ಎಷ್ಟೋ ಜನರ ಜೀವನ, ಜೀವನ ಶೈಲಿ ಬದಲಾಗಿದೆ, ಉದ್ಯಮ ನೆಲಕಚ್ಚಿದೆ, ಪ್ರೀತಿಪಾತ್ರರಾದವರನ್ನು ಕಳೆದುಕೊಂಡಿದ್ದೇವೆ, ಎಲ್ಲವೂ ಡಿಜಿಟಲ್‌ಮಯವಾಗಿದೆ. ಇತ್ತೀಚೆಗೆ ನಟ ಅವರು ದುಬೈಗೆ ಪ್ರಯಾಣ ಮಾಡಿದ್ದಾಗ, ಅವರು ಇದ್ದ ವಿಮಾನದಲ್ಲಿಯಾಗಲೀ, ಏರ್‌ಪೋರ್ಟ್‌ನಲ್ಲಿಯಾಗಲೀ ಒಬ್ಬರೂ ಇಲ್ಲ ಅನ್ನೋದು ಕೊರೊನಾ ಯಾವ ಸ್ಥಿತಿಗೆ ನಮ್ಮನ್ನು ದೂಕಿದೆ ಎಂಬುದಕ್ಕೆ ಒಂದು ನಿದರ್ಶನವಾಗಿದೆ. ಮಾಧವನ್ ಒಂಟಿ ಪ್ರಯಾಣ ಜುಲೈ 26, 2021ರಂದು ಮಾಧವನ್ ದುಬೈಗೆ ಪ್ರಯಾಣ ಮಾಡಿದ್ದರು. ಆ ವೇಳೆ ಏರ್‌ಪೋರ್ಟ್‌ನಲ್ಲಿ, ವಿಮಾನದಲ್ಲಿ ಮಾಧವನ್ ಬಿಟ್ಟರೆ ಯಾರೂ ಇಲ್ಲ. ಆ ಬಗ್ಗೆ ವಿಡಿಯೋ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುವ ಅವರು "ಮಜ ಎನಿಸುವುದು, ಬೇಸರವೂ ಆಗುತ್ತದೆ. ಇದೆಲ್ಲ ಬೇಗ ಮುಗಿದು, ನಮ್ಮ ಪ್ರೀತಿಪಾತ್ರರಾದವರ ಜೊತೆ ಅಕ್ಕ-ಪಕ್ಕ ಕೂತು ಪ್ರಯಾಣ ಮಾಡುವಂತಾಗಲಿ ಎಂದು ಬೇಡಿಕೊಳ್ಳುವೆ" ಎಂದು ಹೇಳಿದ್ದಾರೆ. ವಿಮಾನದಲ್ಲಿ ಯಾರೂ ಇಲ್ಲ ವಿಮಾನದಲ್ಲಿ, ಏರ್‌ಪೋರ್ಟ್‌ನಲ್ಲಿ ಯಾರೂ ಇಲ್ಲದಿರೋದರ ಬಗ್ಗೆಯೂ ಅವರು ವಿಡಿಯೋ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಮಾಧವನ್ ಹಂಚಿಕೊಂಡ ವಿಡಿಯೋದಲ್ಲಿ ನಿಶ್ಯಬ್ದ ತುಂಬಿತ್ತು. ಅನೇಕರು ಮಾಧವನ್ ಪೋಸ್ಟ್‌ಗೆ ಕಾಮೆಂಟ್ ಮಾಡಿದ್ದಾರೆ. ಏರ್‌ಪೋರ್ಟ್, ವಿಮಾನದಲ್ಲಿ ಯಾರೂ ಇಲ್ಲದಿರೋದು ಅನೇಕರಿಗೆ ಆಶ್ಚರ್ಯ ಮೂಡಿಸಿದೆ. ಸಿನಿಮಾ ಶೂಟಿಂಗ್‌ಗೋಸ್ಕರ ಪ್ರಯಾಣ "ಮಾಧವನ್ ಬಿಟ್ಟರೆ ಯಾಕೆ ಯಾರೂ ಇಲ್ಲ, ಏನೋ ಇದೆ ಅನಿಸುತ್ತಿದೆ. ಸಿನಿಮಾದ ದೃಶ್ಯದಂತಿದೆ. ಇದು ನಿಜಕ್ಕೂ ಥ್ರಿಲ್ಲಿಂಗ್ ಜೊತೆಗೆ ಭಯವನ್ನು ಹುಟ್ಟಿಸುವುದು" ಅಂತೆಲ್ಲ ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ. '' ಸಿನಿಮಾ ಶೂಟಿಂಗ್‌ಗೋಸ್ಕರ ಮಾಧವನ್ ದುಬೈಗೆ ಹಾರಿದ್ದಾರೆ. ಈ ಸಿನಿಮಾದಲ್ಲಿ ಮಾಧವನ್ ಜೊತೆಗೆ ಮಂಜು ವಾರಿಯರ್, ವಿನೀತ್ ಶರ್ಮಾ ಕೂಡ ನಟಿಸುತ್ತಿದ್ದಾರೆ. ಕಲ್ಪೇಶ್ ಗರ್ಗ್ ಅವರು ಈ ಸಿನಿಮಾದ ನಿರ್ದೇಶನದ ಜವಾಬ್ದಾರಿ ಹೊತ್ತಿದ್ದಾರೆ.