ಡಿಜಿಟಲೀಕರಣದ ಪರಿಣಾಮ ಭಾರತದ ಶೇ. 80 ಆರ್ಥಿಕತೆ ಈಗ ಔಪಚಾರಿಕ; ಅಸಂಘಟಿತ ವಲಯ ಭಾರಿ ಕುಸಿತ
ಡಿಜಿಟಲೀಕರಣ ಪರಿಣಾಮ ದೇಶದ ಸುಮಾರು ಶೇ. 80 ಆರ್ಥಿಕತೆ ಔಪಚಾರಿಕವಾಗಿದೆ ಎಂದು ಎಸ್‌ಬಿಐ ಸಂಶೋಧನಾ ವರದಿ ತಿಳಿಸಿದೆ. 2018ರಲ್ಲಿ ಅನೌಪಚಾರಿಕ ಆರ್ಥಿಕತೆ, ಶೇ. 52.4 ಇತ್ತು. ಅದು ಈಗ ಶೇ. 15-20ಕ್ಕೆ ಇಳಿಮುಖವಾಗಿದೆ.
Admin
0
6
ಹೊಸದಿಲ್ಲಿ: ಹಾಗೂ ಕೋವಿಡ್‌ - 19 ಬಿಕ್ಕಟ್ಟಿನ ಸಂದರ್ಭ ಗಿಗಾ ಎಕಾನಮಿಯ ವಿಕಾಸದ ಪರಿಣಾಮ ದೇಶದ ಸುಮಾರು ಶೇ. 80 ಔಪಚಾರಿಕವಾಗಿದೆ ಎಂದು ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾದ () ಸಂಶೋಧನಾ ವರದಿ ತಿಳಿಸಿದೆ.
2018ರಲ್ಲಿ ಅನೌಪಚಾರಿಕ ಆರ್ಥಿಕತೆ, ಶೇ. 52.4 ಇತ್ತು. ಅದು ಈಗ ಶೇ. 15-20ಕ್ಕೆ ಇಳಿಮುಖವಾಗಿದೆ ಎಂದು ಎಸ್‌ಬಿಐ ಸಮೂಹದ ಮುಖ್ಯ ಆರ್ಥಿಕ ಸಲಹೆಗಾರ ಸೌಮ್ಯ ಕಾಂತಿ ಘೋಷ್‌ ತಿಳಿಸಿದ್ದಾರೆ. 2011 - 12ರಲ್ಲಿ ಇದು ಶೇ.53.9 ಇತ್ತು.
2016ರ ನವೆಂಬರ್‌ನಲ್ಲಿ ನೋಟು ಅಮಾನ್ಯತೆಯ ನಂತರ ಡಿಜಿಟಲೀಕರಣದ ವೃದ್ಧಿಗೆ ಹಲವಾರು ಕ್ರಮಗಳನ್ನು ಕೈಗೊಳ್ಳಲಾಯಿತು. ಇದರ ಪರಿಣಾಮ ಔಪಚಾರಿಕ ವಲಯ ಅಭಿವೃದ್ಧಿಯಾಯಿತು. ಅನೌಪಚಾರಿಕ ವಲಯ ಕಡಿಮೆಯಾಗತೊಡಗಿತು.
ನೋಟು ಅಮಾನ್ಯತೆಯಿಂದ ಶೇ. 93ರಷ್ಟು ಕಾರ್ಮಿಕ ಬಲವನ್ನು ಹೊಂದಿದ್ದ ಅನೌಪಚಾರಿಕ ವಲಯಕ್ಕೆ ಹೊಡೆತ ಬಿದ್ದಿತ್ತು. ಎರಡನೇ ಹೊಡೆತ ಜಿಎಸ್‌ಟಿಯಿಂದ ಉಂಟಾಗಿತ್ತು. ಆದರೆ ಇವೆರಡೂ ಆರ್ಥಿಕ ಸುಧಾರಣಾ ಕ್ರಮಗಳಿಂದ ಔಪಚಾರಿಕ ವಲಯ ವಿಕಾಸವಾಗಿದೆ. ಜಿಡಿಪಿಯಲ್ಲಿ ಔಪಚಾರಿಕ ಕ್ಷೇತ್ರದ ಕೊಡುಗೆ ವೃದ್ಧಿಸಿದೆ. ಕಳೆದ ಕೆಲ ವರ್ಷಗಳಿಂದ ಕನಿಷ್ಠ 13 ಲಕ್ಷ ಕೋಟಿ ರೂ. ಔಪಚಾರಿಕ ವಲಯದಿಂದ ಬಂದಿದೆ.
2020-21ರಲ್ಲಿ ಜಿಡಿಪಿ ಮೌಲ್ಯ 135 ಲಕ್ಷ ಕೋಟಿ ರೂ. ಇತ್ತು. ಕೋವಿಡ್‌-19 ಬಿಕ್ಕಟ್ಟಿನ ಪರಿಣಾಮ ಶೇ. 7.3 ಇಳಿಕೆಯಾಗಿತ್ತು. ಇಪಿಎಫ್‌ಒ ಲೆಕ್ಕಾಚಾರದ ಪ್ರಕಾರ 2021ರ ಜುಲೈ ತನಕ 36.6 ಲಕ್ಷ ಉದ್ಯೋಗಗಳು ಔಪಚಾರಿಕ ವಲಯದಲ್ಲಿ ಸೃಷ್ಟಿಯಾಗಿದೆ.
2017 - 18ರಿಂದೀಚೆಗೆ ಕೃಷಿ ವಲಯವೂ ಶೇ. 20-25ರಷ್ಟು ಔಪಚಾರಿಕವಾಗಿವೆ. ಕೆಸಿಸಿ ಕ್ರೆಡಿಟ್‌ ಸೌಲಭ್ಯ ಹೆಚ್ಚಳವಾಗಿದೆ. ಈಗ ಅನೌಪಚಾರಿಕ ಕೃಷಿ ವಲಯ ಶೇ. 70-75ರಷ್ಟಿದೆ. ಕಳೆದ ಕೆಲ ವರ್ಷಗಳಿಂದ ಕಿಸಾನ್‌ ಕಾರ್ಡ್‌ಗಳ ವಿತರಣೆ ಏರಿಕೆಯಾಗಿದೆ. 2017 - 18ರಿಂದ 2021 - 22ರ ಅವಧಿಯಲ್ಲಿ ಕಿಸಾನ್‌ ಕಾರ್ಡ್‌ಗಳ ವಿತರಣೆಯಲ್ಲಿ ಏರಿಕೆಯಾಗಿದೆ. ಕೇಂದ್ರ ಸರಕಾರ ಕಳೆದ ಆಗಸ್ಟ್‌ನಲ್ಲಿ ಜಾರಿಗೊಳಿಸಿರುವ ಇ - ಶ್ರಮ್‌ ಪೋರ್ಟಲ್‌ ಪ್ರಕಾರ ಅನೌಪಚಾರಿಕ ವಲಯದ 5.7 ಕೋಟಿ ಕಾರ್ಮಿಕರು ಎರಡೇ ತಿಂಗಳಿನಲ್ಲಿ ನೋಂದಣಿಯಾಗಿದ್ದಾರೆ.
ಏನಿದು ಔಪಚಾರಿಕ ವಲಯ?
ಔಪಚಾರಿಕ ವಲಯ ಎಂದರೆ 10ಕ್ಕಿಂತ ಹೆಚ್ಚು ಉದ್ಯೋಗಿಗಳಿರುವ, ಪಿಎಫ್‌, ಇಎಸ್‌ಐ ಇತ್ಯಾದಿ ಸಾಮಾಜಿಕ ಭದ್ರತೆ ಇರುವ ವಲಯ. ಇದಕ್ಕೆ ಎಂಬ ಹೆಸರೂ ಇದೆ. ನಿಯಮಿತ ವೇತನ ಸೌಲಭ್ಯ ಇಲ್ಲಿ ಇರುತ್ತದೆ.
ಅನೌಪಚಾರಿಕ ವಲಯ ಎಂದರೆ 10ಕ್ಕಿಂತ ಕಡಿಮೆ ಉದ್ಯೋಗಿಗಳಿರುವ, ಪಿಎಫ್‌, ಇಎಸ್‌ಐ ಇತ್ಯಾದಿ ಸಾಮಾಜಿಕ ಭದ್ರತೆಗಳಿಂದ ವಂಚಿತವಾಗಿರುವ ದುಡಿಮೆಯ ವಲಯ.
