ಗಂಡು ಮಗುವಿಗೆ ಜನ್ಮ ನೀಡಿದ ಕಾಂಗ್ರೆಸ್ ಸಂಸದೆ ನುಸ್ರತ್ ಜಹಾನ್; ಮಗು ನನ್ನದಲ್ಲ ಎಂದಿದ್ದ ಮಾಜಿ ಪತಿ

ನಟಿ, ತೃಣಮೂಲ ಕಾಂಗ್ರೆಸ್ ಸಂಸದೆ ಅವರು ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಗುರುವಾರ ಅವರು ಮೊದಲ ಮಗುವಿಗೆ ಜನ್ಮ ನೀಡಿದ್ದಾರೆ. ನುಸ್ರತ್ ಅವರ ಬಾಯ್‌ಫ್ರೆಂಡ್ ಯಶ್ ದಾಸ್‌ಗುಪ್ತ ಅವರು ತಾಯಿ-ಮಗು ಆರೋಗ್ಯದಿಂದ ಇದ್ದಾರೆ ಎಂದು ಹೇಳಿದ್ದಾರೆ. ಆದರೆ ನುಸ್ರತ್ ಮಾಜಿ ಪತಿ ಮಾತ್ರ ಮಗು ನನ್ನದಲ್ಲ ಎಂದಿದ್ದರು. ಮೌನದಿಂದಿರುವ ನುಸ್ರತ್ ಕೋಲ್ಕತ್ತಾದ ಖಾಸಗಿ ಆಸ್ಪತ್ರೆಗೆ ನುಸ್ರತ್ ಅವರು ಬುಧವಾರ ತಡರಾತ್ರಿ ದಾಖಲಾಗಿದ್ದರು. ಇದುವರೆಗೂ ನುಸ್ರತ್ ಅವರು ಗರ್ಭಿಣಿಯಾದ ಬಗ್ಗೆಯೂ ಮಾತನಾಡಿರಲಿಲ್ಲ. ಈಗಲೂ ಕೂಡ ಮಗುವಿನ ಫೋಟೋವನ್ನು ನುಸ್ರತ್ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿಲ್ಲ. ಆದರೆ ಜೂನ್ ತಿಂಗಳಲ್ಲಿ ಸೀಮಂತದ ಫೋಟೋಗಳನ್ನು ನುಸ್ರತ್ ಹಂಚಿಕೊಂಡಿದ್ದರು. ಈ ನಡುವೆ ಅವರು ಯಶ್ ದಾಸ್‌ಗುಪ್ತ ಜೊತೆಗಿನ ಸಂಬಂಧದ ಬಗ್ಗೆಯೂ ಮಾತನಾಡಿಲ್ಲ. ನುಸ್ರತ್ ಪತಿ ಹೇಳಿದ್ದೇನು? ನುಸ್ರತ್ ಜಹಾನ್ ಅವರು 2019ರಲ್ಲಿ ಟರ್ಕಿಯ ಬೋದ್ರಮ್ ಎಂಬ ನಗರದಲ್ಲಿ ಕುಟುಂಬದ ಸದಸ್ಯರು ಹಾಗೂ ಕೆಲವು ಸ್ನೇಹಿತರ ಸಮ್ಮುಖದಲ್ಲಿ ಉದ್ಯಮಿ ನಿಖಿಲ್ ಜೈನ್ ಅವರನ್ನು ವರಿಸಿದ್ದರು. ನುಸ್ರತ್ ಗರ್ಭಿಣಿ ಎನ್ನುವ ವಿಷಯ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡಲು ಆರಂಭವಾದಾಗ "ಕಳೆದ ಆರು ತಿಂಗಳಿನಿಂದ ನಾವಿಬ್ಬರೂ ಒಟ್ಟಾಗಿಲ್ಲ, ಹೀಗಾಗಿ ಅದು ನನ್ನ ಮಗು ಅಲ್ಲ" ಎಂದಿದ್ದರು ನಿಖಿಲ್ ಮದುವೆ ಅಸಿಂಧುವಂತೆ! "ವಿದೇಶದಲ್ಲಿ, ಟರ್ಕಿಶ್ ವಿವಾಹ ನಿಯಮದಡಿ ನಡೆದ ಈ ಮದುವೆ ಅಸಿಂಧುವಾಗಿದೆ. ಅಂತರ್ ಧರ್ಮೀಯ ಮದುವೆ ಆಗಿರೋದರಿಂದ ಭಾರತದಲ್ಲಿನ ವಿಶೇಷ ವಿವಾಹ ಕಾಯ್ದೆಯಡಿ ಸಿಂಧುತ್ವ ಪಡೆದುಕೊಳ್ಳಬೇಕು. ಆದರೆ ಅದು ಸಾಧ್ಯವಾಗಿಲ್ಲ. ಕಾನೂನಿನ ಪ್ರಕಾರ, ಇದು ಮದುವೆಯಲ್ಲ. ಹೀಗಾಗಿ ವಿಚ್ಚೇದನ ಪಡೆಯಬೇಕಿಲ್ಲ" ಎಂದು ನುಸ್ರತ್ ಅವರು ಮುರಿದ ಮದುವೆ ಬಗ್ಗೆ ಮಾತನಾಡಿದ್ದರು. ಮುಸ್ಲಿಂ ಧರ್ಮ ಗುರುಗಳ ಕೆಂಗಣ್ಣಿಗೆ ಗುರಿಯಾಗಿದ್ದ ನುಸ್ರತ್ ಸೀರೆ ಉಟ್ಟು, ಸಿಂಧೂರ, ಮಂಗಳಸೂತ್ರ ಧರಿಸಿ ಸಂಸತ್ತಿಗೆ ಬಂದ ಕಾರಣಕ್ಕೆ ನುಸ್ರತ್ ಅವರು ಮುಸ್ಲಿಂ ಧರ್ಮಗುರುಗಳ ಕೆಂಗಣ್ಣಿಗೆ ಗುರಿಯಾಗಿದ್ದರು. ಆನಂತರದಲ್ಲಿ ದುರ್ಗಾ ಮಾತೆ ರೀತಿಯಲ್ಲಿ ಅವರು ಮಾಡಿಸಿದ ಫೋಟೋಶೂಟ್ ಕೂಡ ಸಾಕಷ್ಟು ಚರ್ಚೆಯಾಗಿತ್ತು.