'ಅಮೃತಮತಿ': ನಟಿ ಹರಿಪ್ರಿಯಾಗೆ ಅತ್ಯುತ್ತಮ ನಟಿ ಪ್ರಶಸ್ತಿ

ಕನ್ನಡ ನಟಿ ಮತ್ತೊಂದು ಪ್ರಶಸ್ತಿಗೆ ಭಾಜನರಾಗಿದ್ದಾರೆ. 'ಅಮೃತಮತಿ' ಚಿತ್ರದಲ್ಲಿನ ಅಭಿನಯಕ್ಕಾಗಿ ನಟಿ ಹರಿಪ್ರಿಯಾ 'ಅತ್ಯುತ್ತಮ ನಟಿ' ಪ್ರಶಸ್ತಿ ಪಡೆದುಕೊಂಡಿದ್ದಾರೆ. ನಿರ್ದೇಶನದ 'ಅಮೃತಮತಿ' ಸಿನಿಮಾ 'ಹಾಲಿವುಡ್ ಇಂಟರ್‌ನ್ಯಾಷನಲ್ ಗೋಲ್ಡನ್ ಏಜ್ ಚಿತ್ರೋತ್ಸವ'ದಲ್ಲಿ ಪ್ರದರ್ಶನ ಕಂಡಿದ್ದು, ನಟಿ ಹರಿಪ್ರಿಯಾಗೆ 'ಅತ್ಯುತ್ತಮ ನಟಿ' ಪ್ರಶಸ್ತಿ ಲಭಿಸಿದೆ. ಅನೇಕ ಪ್ರಶಸ್ತಿಗಳನ್ನು ಪಡೆದಿರುವ 'ಅಮೃತಮತಿ' ಈ ಹಿಂದೆ.. ನೋಯ್ಡಾದ ನಾಲ್ಕನೇ ಭಾರತೀಯ ವಿಶ್ವ ಸಿನಿಮೋತ್ಸವದಲ್ಲಿ 'ಅಮೃತಮತಿ' ಚಿತ್ರದಲ್ಲಿನ ನಟನೆಗಾಗಿ ಹರಿಪ್ರಿಯಾ 'ಶ್ರೇಷ್ಠ ನಟಿ' ಪ್ರಶಸ್ತಿ ಪಡೆದುಕೊಂಡಿದ್ದರು. ಅಟ್ಲಾಂಟಾ ಅಂತಾರಾಷ್ಟ್ರೀಯ ಚಿತ್ರೋತ್ಸವದಲ್ಲಿ 'ಶ್ರೇಷ್ಠ ವಿದೇಶಿ ಭಾಷೆಯ ಚಿತ್ರ' ಪ್ರಶಸ್ತಿ 'ಅಮೃತಮತಿ' ಸಿನಿಮಾಕ್ಕೆ ಲಭಿಸಿತ್ತು. ದಾದಾ ಸಾಹೇಬ್ ಫಾಲ್ಕೆ ಚಿತ್ರೋತ್ಸವದಲ್ಲಿ ವಿಶೇಷ ಚಿತ್ರ ಮನ್ನಣೆಗೆ 'ಅಮೃತಮತಿ' ಪಾತ್ರವಾಗಿತ್ತು. ಲಾಸ್ ಏಂಜಲೀಸ್ ಸನ್ ಅಂತಾರಾಷ್ಟ್ರೀಯ ಚಿತ್ರೋತ್ಸವದಲ್ಲಿ 'ಶ್ರೇಷ್ಠ ಚಿತ್ರ' ಮತ್ತು 'ಶ್ರೇಷ್ಠ ಚಿತ್ರಕತೆ' ಪ್ರಶಸ್ತಿಗೆ 'ಅಮೃತಮತಿ' ಚಿತ್ರ ಭಾಜನವಾಗಿತ್ತು. 'ಅಮೃತಮತಿ' ಚಿತ್ರದ ಕುರಿತು.. ಬರಗೂರು ರಾಮಚಂದ್ರಪ್ಪ ನಿರ್ದೇಶನದ 'ಅಮೃತಮತಿ' ಸಿನಿಮಾ ಹತ್ತಕ್ಕೂ ಹೆಚ್ಚು ಅಂತಾರಾಷ್ಟ್ರೀಯ ಚಿತ್ರೋತ್ಸವಗಳಲ್ಲಿ ಪಾಲ್ಗೊಂಡಿದೆ. ಅನ್ಯಪುರುಷನ ಸಂಬಂಧ ಮತ್ತು ಮಹಿಳಾ ಮನಸ್ಸಿನ ತಲ್ಲಣಗಳ ಸುತ್ತ ಹೆಣೆದಿರುವ ಚಿತ್ರವೇ 'ಅಮೃತಮತಿ'. ಕನ್ನಡ ಕವಿ ಜನ್ನ ರಚಿಸಿರುವ 'ಯಶೋಧರಚರಿತೆ' ಕಾವ್ಯವನ್ನು 'ಅಮೃತಮತಿ' ಸಿನಿಮಾ ಆಧರಿಸಿದೆ. ಪ್ರಮೀಳಾ ಜೋಷಾಯಿ, ಸುಪ್ರಿಯಾ ರಾವ್, ಕಿಶೋರ್, ಸುಂದರ್ ರಾಜ್, ಅಂಬರೀಶ್ ಸಾರಂಗಿ, ವತ್ಸಲಾ ಮೋಹನ್ ಮುಂತಾದವರ ದೊಡ್ಡ ತಾರಾಬಳಗ 'ಅಮೃತಮತಿ' ಚಿತ್ರದಲ್ಲಿದೆ. ಸುರೇಶ್ ಅರಸ್ ಅವರ ಸಂಕಲನ, ನಾಗರಾಜ್ ಅವದಾನಿಯವರ ಛಾಯಾಗ್ರಹಣ ಮತ್ತು ಶಮಿತಾ ಮಲ್ನಾಡ್ ಅವರ ಸಂಗೀತ ನಿರ್ದೇಶನ 'ಅಮೃತಮತಿ' ಚಿತ್ರಕ್ಕಿದೆ.