ಅಮೆಜಾನ್‌ನಲ್ಲಿ ಕ್ರಿಪ್ಟೋ ಕರೆನ್ಸಿ ಬಳಸಿ ಶಾಪಿಂಗ್ ಮಾಡಬಹುದೇ? ಕಂಪನಿ ನೀಡಿದ ಸ್ಪಷ್ಟನೆ ಇದು!
ಕ್ರಿಪ್ಟೋಕರೆನ್ಸಿ ಕುರಿತಂತೆ ತನ್ನ ಸುತ್ತ ಹಬ್ಬಿರುವ ಗಾಳಿಸುದ್ದಿಗಳನ್ನು ಅಮೆಜಾನ್ ಅಲ್ಲಗಳೆದಿದೆ. ಪ್ರಸ್ತುತ ಕಂಪನಿಯು ಪಾವತಿಗಳಿಗೆ ಕ್ರಿಪ್ಟೋಕರೆನ್ಸಿ ಬಳಸುವ ಯಾವುದೇ ಯೋಜನೆ ಹೊಂದಿಲ್ಲ ಎಂದು ಸ್ಪಷ್ಟಪಡಿಸಿದೆ.
Admin
0
5
ಹೊಸದಿಲ್ಲಿ: ವಿಶ್ವದ ಅತಿದೊಡ್ಡ ಇ-ಕಾಮರ್ಸ್‌ ಸಂಸ್ಥೆಗಳಲ್ಲಿ ಒಂದಾದ , ಕುರಿತಂತೆ ತನ್ನ ಸುತ್ತ ಹಬ್ಬಿದ್ದ ಗಾಳಿಸುದ್ದಿಗಳನ್ನು ಅಲ್ಲಗಳೆದಿದೆ. ಕಂಪನಿಯು ಪಾವತಿಗಳಿಗೆ ಕ್ರಿಪ್ಟೋಕರೆನ್ಸಿ ಬಳಸುವ ಯಾವುದೇ ಯೋಜನೆ ಹೊಂದಿಲ್ಲ ಎಂದು ಸ್ಪಷ್ಟಪಡಿಸಿದೆ.
ಮುಂದಿನ ದಿನಗಳಲ್ಲಿ ಅಮೆಜಾನ್ ತನ್ನ ಪಾವತಿಗಳಿಗೆ ಕ್ರಿಪ್ಟೋಕರೆನ್ಸಿಗಳನ್ನು ಸ್ವೀಕರಿಸಲಿದೆ. ಗ್ರಾಹಕರಿಗೆ ಪಾವತಿ ಮಾಡಲು ಹೊಸದೊಂದು ಪೇಮೆಂಟ್‌ ಆಪ್ಷನ್‌ ನೀಡಲಿದೆ ಎಂಬ ಸುದ್ದಿಗಳು ಹರಿದಾಡುತ್ತಿವೆ. ಆದರೆ, ಈ ಎಲ್ಲ ಗಾಳಿಸುದ್ದಿಗಳನ್ನು ಅಲ್ಲಗಳೆದಿರುವ ಅಮೆಜಾನ್, ಪ್ರಸ್ತುತ ಇಂತಹ ಯಾವುದೇ ಯೋಜನೆಗಳನ್ನು ಸಂಸ್ಥೆ ಹೊಂದಿಲ್ಲ ಎಂದು ತಿಳಿಸಿದೆ.
ಕ್ರಿಪ್ಟೋಕರೆನ್ಸಿ ಬಗ್ಗೆ ಅಮೆಜಾನ್ ವಕ್ತಾರರು ತಮ್ಮ ನಿಲುವನ್ನು ಬಹಿರಂಗಪಡಿಸಿದ್ದಾರೆ. ಅಮೆಜಾನ್ ಕ್ರಿಪ್ಟೋಕರೆನ್ಸಿಗಳನ್ನು ಸ್ವೀಕರಿಸಲಿದೆ ಎಂಬುದಾಗಿ ಸುಳ್ಳುಸುದ್ದಿಗಳು ಹರಿದಾಡುತ್ತಿವೆ. ಈ ಯಾವುದೇ ಊಹಾಪೋಹಗಳು ನಿಜವಲ್ಲ ಎಂದು ವಕ್ತಾರರು ಸ್ಪಷ್ಟಪಡಿಸಿರು. ಕಂಪನಿಯ ಪ್ರಸ್ತುತ ಉದ್ದೇಶಗಳನ್ನು ತಿಳಿಸಿದರಾದರೂ, ಭವಿಷ್ಯದಲ್ಲಿ ಕ್ರಿಪ್ಟೋಕರೆನ್ಸಿಯನ್ನು ಸ್ವೀಕರಿಸುವ ಸಾಧ್ಯತೆಯನ್ನು ವಕ್ತಾರರು ಪೂರ್ಣವಾಗಿ ನಿರಾಕರಿಸಲಿಲ್ಲ.
"ಅಮೆಜಾನ್‌ನಲ್ಲಿ ಶಾಪಿಂಗ್ ಮಾಡುವ ಗ್ರಾಹಕರಿಗೆ ಕ್ರಿಪ್ಟೋಕರೆನ್ಸಿ ಬಳಸಲು ಅವಕಾಶ ನೀಡಿದರೆ, ಹೇಗಿರಲಿದೆ ಎಂಬುದರ ಬಗ್ಗೆ ಅಧ್ಯಯನ ನಡೆಸುತ್ತಿದ್ದೇವೆ. ಇದರರ್ಥ, ಭವಿಷ್ಯದಲ್ಲಿ ಬಿಟ್‌ಕಾಯಿನ್‌ಗಳನ್ನು ಬಳಸಿ ಅಮೆಜಾನ್‌ನಲ್ಲಿ ಶಾಪಿಂಗ್ ಮಾಡುವ ದಿನಗಳು ಬಂದರೂ ಬರಬಹುದು. ಆದರೆ, ಅದಕ್ಕಿನ್ನೂ ಬಹಳ ಸಮಯವಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.
