Zaid Khan: ರಿಲೀಸ್‌ಗೂ ಮೊದಲೇ ದಾಖಲೆ ಸೃಷ್ಟಿಸಿದ ಶಾಸಕ ಜಮೀರ್ ಪುತ್ರನ 'ಬನಾರಸ್' ಸಿನಿಮಾ!

ಚಾಮರಾಜಪೇಟೆ ಶಾಸಕ ಬಿ.ಝೆಡ್. ಅವರ ಪುತ್ರ ಝೈದ್‌ ಖಾನ್ ಮೊದಲ ಬಾರಿಗೆ ಹೀರೋ ಆಗಿರುವ ಸಿನಿಮಾ ''. ಈ ಸಿನಿಮಾದಲ್ಲಿ ಅವರಿಗೆ ನಾಯಕಿಯಾಗಿ 'ಪಂಚತಂತ್ರ', 'ರಾಬರ್ಟ್' ಸಿನಿಮಾಗಳ ಖ್ಯಾತಿಯ ಸೋನಲ್ ನಟಿಸಿದ್ದಾರೆ. 'ಬ್ಯೂಟಿಫುಲ್ ಮನಸುಗಳು', 'ಬೆಲ್ ಬಾಟಂ' ಸಿನಿಮಾಗಳ ನಿರ್ದೇಶಕ ಜಯತೀರ್ಥ ಇದರ ನಿರ್ದೇಶಕರು. ಸದ್ಯ ಸಿನಿಮಾ ರಿಲೀಸ್‌ಗೆ ಸಿದ್ಧಗೊಂಡಿದೆ. ವಿಶೇಷವೆಂದರೆ, ಸಿನಿಮಾ ರಿಲೀಸ್‌ಗೂ ಮೊದಲೇ ಸದ್ದು ಮಾಡುತ್ತಿದೆ. ಹೌದು, ಈ ಸಿನಿಮಾದ ಆಡಿಯೋ ಹಕ್ಕುಗಳು ದೊಡ್ಡ ಮೊತ್ತಕ್ಕೆ ಸೇಲ್ ಆಗಿವೆ. ಸಾಮಾನ್ಯವಾಗಿ ಸ್ಟಾರ್ ನಟರ ಸಿನಿಮಾಗಳ ಆಡಿಯೋ ಭಾರಿ ಮೊತ್ತದ ಡಿಮ್ಯಾಂಡ್ ಇರುವುದು ಸಹಜ. ಆದರೆ, ಚೊಚ್ಚಲ ಬಾರಿಗೆ ಹೀರೋ ಆಗಿ ಚಿತ್ರರಂಗಕ್ಕೆ ಕಾಲಿಡುತ್ತಿರುವ ಝೈದ್ ಖಾನ್ ಸಿನಿಮಾಕ್ಕೆ ಇಷ್ಟೊಂದು ಡಿಮ್ಯಾಂಡ್ ಇರುವುದು ಅಚ್ಚರಿ. ಅಂದಹಾಗೆ, ಲಹರಿ ಮ್ಯೂಸಿಕ್ ಮತ್ತು ಟಿ-ಸಿರೀಸ್‌ ಸಂಸ್ಥೆಗಳು ಈ ಸಿನಿಮಾದ ಆಡಿಯೋ ಹಕ್ಕುಗಳನ್ನು ಬರೋಬ್ಬರಿ 3.5 ಕೋಟಿ ರೂ. ನೀಡಿ ಖರೀದಿ ಮಾಡಿದೆ. ಸ್ಯಾಂಡಲ್‌ವುಡ್‌ಮಟ್ಟಿಗೆ ಇದು ದೊಡ್ಡ ದಾಖಲೆಯೇ ಸರಿ. ಅಜನೀಶ್ ಲೋಕನಾಥ್ ಸಂಗೀತ ನೀಡಿರುವ ಈ ಸಿನಿಮಾದಲ್ಲಿ ಐದು ಹಾಡುಗಳಿವೆ. ಪ್ಯಾನ್ ಇಂಡಿಯಾ ರಿಲೀಸ್!ನ್ಯಾಷನಲ್ ಖಾನ್ ಪ್ರೊಡಕ್ಷನ್ಸ್ ನಿರ್ಮಾಣದ 'ಬನಾರಸ್' ಚಿತ್ರವನ್ನು ಭಾರತದಾದ್ಯಂತ ಐದು ಭಾಷೆಗಳಲ್ಲಿ ಬಿಡುಗಡೆ ಮಾಡುವುದಕ್ಕೆ ನಿರ್ಮಾಪಕರು ಪ್ಲ್ಯಾನ್ ಮಾಡಿಕೊಂಡಿದ್ದಾರೆ. 'ಲಹರಿ ಮತ್ತು ಟಿ-ಸಿರೀಸ್ ಕಂಪನಿಯು 3.5 ಕೋಟಿ ರೂ. ಮೊತ್ತವನ್ನು ಕೊಟ್ಟು ಖರೀದಿ ಮಾಡಿದೆ ಹಾಗೂ ಭಾರತ ಚಿತ್ರರಂಗದಲ್ಲೇ ಮೊದಲ ಬಾರಿಗೆ ಹೊಸಬರ ಚಿತ್ರಕ್ಕೆ ಇಷ್ಟು ದೊಡ್ಡ ಮಟ್ಟದ ಆಡಿಯೋ ಹಕ್ಕು ದೊರಕಿದೆ ಎಂದು ತಿಳಿಸಲು ಸಂತಸಪಡುತ್ತೇವೆ. ಈ ಸಿನಿಮಾದ ಚಿತ್ರೀಕರಣವನ್ನು ಶೇ.90 ಭಾಗ ಬನಾರಸ್‌ನಲ್ಲಿಯೇ ಚಿತ್ರೀಕರಿಸಿದ್ದೇವೆ. ಅಲ್ಲಿನ ಎಲ್ಲಾ 84 ಘಾಟ್‌ಗಳನ್ನು ಬಹಳ ಅದ್ಭುತವಾಗಿ ತೋರಿಸಿದ್ದೇವೆ' ಎಂದು ನ್ಯಾಷನಲ್ ಖಾನ್ ಪ್ರೊಡಕ್ಷನ್ಸ್ ತಂಡ ಹೇಳಿಕೊಂಡಿದೆ. ಇನ್ನು, ಚಿತ್ರದ ಬಗ್ಗೆ ಮಾಹಿತಿ ನೀಡುವ ಜಯತೀರ್ಥ, 'ಬನಾರಸ್‌ ಸಿನಿಮಾದಲ್ಲಿ ಪರಿಶುದ್ಧ ಪ್ರೇಮ ಕಥೆಯನ್ನು ಡಿವೈನ್‌ ಬ್ಯಾಕ್‌ಗ್ರೌಂಡ್‌ನಲ್ಲಿ ಹೇಳುವ ಪ್ರಯತ್ನ ಮಾಡಿದ್ದೇನೆ. ಈ ಸಿನಿಮಾದ ಕಥೆ ಬೆಂಗಳೂರಿನಲ್ಲಿ ಆರಂಭವಾಗುತ್ತದೆ. ಆದರೆ ಪೂರ್ಣವಾಗುವುದು ಕಾಶಿಯಲ್ಲಿ. ಈ ರೀತಿ ಇಡೀ ಕಥೆಯನ್ನು ಕಾಶಿಯ ಹಿನ್ನೆಲೆಯಲ್ಲಿ ಮಾಡಿದ ದಕ್ಷಿಣ ಭಾರತದ ಎರಡನೇ ಸಿನಿಮಾವಿದು. ಮೊದಲನೆಯದ್ದು ತಮಿಳಿನ 'ನಾನ್‌ ಕಡವುಳ್‌' ಸಿನಿಮಾ. ಅದರಲ್ಲಿ ಒಂದಷ್ಟು ಕಥೆ ತಮಿಳುನಾಡಿಗೂ ಶಿಫ್ಟ್‌ ಆಗುತ್ತದೆ. ನಮ್ಮ ಸಿನಿಮಾದಲ್ಲಿ ಸಂಪೂರ್ಣವಾಗಿ ಅಲ್ಲಿಯೇ ನಡೆಯುತ್ತದೆ. ಕ್ಲೈಮ್ಯಾಕ್ಸ್‌ ಕೂಡ ಅಲ್ಲಿಯೆ ಆಗುತ್ತದೆ' ಎಂದು ಜಯತೀರ್ಥ ಹೇಳಿದ್ದಾರೆ. , ಸೋನಲ್ ಜೊತೆಗೆ ದೇವರಾಜ್‌, ಅಚ್ಯುತ್‌ ಕುಮಾರ್‌, ಸುಜಯ್‌ ಶಾಸ್ತ್ರಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಅದ್ವೈತ್‌ ಗುರುಮೂರ್ತಿ ಛಾಯಾಗ್ರಹಣ ಮಾಡಿದ್ದಾರೆ.