Sudeep Birthday: ಕಿಚ್ಚೋತ್ಸವ 2021ರ ಸೂಪರ್ ಸ್ಪೆಷಾಲಿಟಿಗಳಿವು

Kiccha Sudeep: ಅಭಿನಯ ಚಕ್ರವರ್ತಿ ಇಂದು ಜನ್ಮದಿನದ ಸಂಭ್ರಮದಲ್ಲಿದ್ದಾರೆ. ತಮ್ಮ ಹುಟ್ಟುಹಬ್ಬವನ್ನು ಕಿಚ್ಚ ಸುದೀಪ್ ಇಂದು ಕುಟುಂಬಸ್ಥರು ಹಾಗೂ ಸ್ನೇಹಿತರ ಜೊತೆಗೆ ಆಚರಿಸಿಕೊಳ್ಳಲಿದ್ದಾರೆ. ಕೋವಿಡ್ ಕಾರಣದಿಂದ ಕಿಚ್ಚ ಸುದೀಪ್ ಸಾರ್ವಜನಿಕವಾಗಿ ಅಭಿಮಾನಿಗಳ ಜೊತೆಗೆ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿಲ್ಲ. ಆದರೂ ಇಂದು ಅಭಿಮಾನಿಗಳ ಸಡಗರ ಜೋರಾಗಿಯೇ ಇದೆ. ಕಿಚ್ಚೋತ್ಸವ 2021 ಸೂಪರ್ ಸ್ಪೆಷಾಲಿಟಿಗಳೇನು? ಕಿಚ್ಚ ಸುದೀಪ್ ಬರ್ತಡೇಯನ್ನ ಅಭಿಮಾನಿಗಳು 'ಕಿಚ್ಚೋತ್ಸವ', 'ಕಿಚ್ಚನ ಹಬ್ಬ' ಅಂತಲೇ ಆಚರಿಸುತ್ತಾರೆ. ಹೀಗಾಗಿ, ಸೋಷಿಯಲ್ ಮೀಡಿಯಾದಲ್ಲಿ ಇಂದು 'ಕಿಚ್ಚೋತ್ಸವ', 'ಕಿಚ್ಚನ ಹಬ್ಬ' ಟ್ರೆಂಡ್ ಆಗುತ್ತಿದೆ. ಕಿಚ್ಚ ಸುದೀಪ್ ಬರ್ತಡೇ ಪ್ರಯುಕ್ತ ಅಭಿಮಾನಿಗಳು ಅನೇಕ ಸಾಮಾಜಿಕ ಕಾರ್ಯಕ್ರಮಗಳನ್ನು ಇಂದು ಹಮ್ಮಿಕೊಂಡಿದ್ದಾರೆ. 'ವಿಕ್ರಾಂತ್ ರೋಣ' ಟೀಸರ್ ಕಿಚ್ಚ ಸುದೀಪ್ ಹುಟ್ಟುಹಬ್ಬದ ಪ್ರಯುಕ್ತ ಇಂದು ಅನೂಪ್ ಭಂಡಾರಿ ನಿರ್ದೇಶನದ 'ವಿಕ್ರಾಂತ್ ರೋಣ' ಚಿತ್ರದ ಸಣ್ಣ ಝಲಕ್ ಬಿಡುಗಡೆಯಾಗಲಿದೆ. ಇಂದು ಬೆಳಗ್ಗೆ 11.05ಕ್ಕೆ 'ವಿಕ್ರಾಂತ್ ರೋಣ' ಚಿತ್ರದ 'ದಿ ಡೆಡ್ ಮ್ಯಾನ್ಸ್ ಆಂಥೆಮ್' ರಿಲೀಸ್ ಆಗಲಿದೆ. ಆ ಮೂಲಕ ಸುದೀಪ್ ಬರ್ತಡೇ ದಿನ 'ವಿಕ್ರಾಂತ್ ರೋಣ'ನ ದರ್ಶನ ಅಭಿಮಾನಿಗಳಿಗೆ ಉಡುಗೊರೆಯಾಗಿ ಸಿಗಲಿದೆ. ಸ್ಪೆಷಲ್ ಟ್ರಿಬ್ಯೂಟ್ ವಿಡಿಯೋ ಕಿಚ್ಚ ಸುದೀಪ್ ಬರ್ತಡೇ ಪ್ರಯುಕ್ತ ಇಂದು ಕೆಆರ್‌ಕನೆಕ್ಟ್ಸ್ ಕಡೆಯಿಂದ 'ಬರ್ತಡೇ ಸ್ಪೆಷಲ್ ಟ್ರಿಬ್ಯೂಟ್ ವಿಡಿಯೋ' ಬಿಡುಗಡೆಯಾಗಿದೆ. ಬ್ಲೀಡ್ ಫಾರ್ ಕಿಚ್ಚ ರೇ ಕಿಚ್ಚ ಸುದೀಪ್ ಹುಟ್ಟುಹಬ್ಬದ ಪ್ರಯುಕ್ತ ಇಂದು 'ಬ್ಲೀಡ್ ಫಾರ್ ಕಿಚ್ಚ ರೇ' ಹಾಡು ಬಿಡುಗಡೆಯಾಗಿದೆ. ಕಿಚ್ಚ ಸುದೀಪ್‌ಗಾಗಿ ತಯಾರಾಗಿರುವ ಈ ಹಾಡನ್ನು ಪತ್ನಿ ಪ್ರಿಯಾ ಸುದೀಪ್ ಬಿಡುಗಡೆ ಮಾಡಿದ್ದಾರೆ. ಇ-ಬುಕ್ ಕಿಚ್ಚ ಸುದೀಪ್ ಜೀವನ ಚರಿತ್ರೆ ಒಳಗೊಂಡ 'ಕನ್ನಡ ಮಾಣಿಕ್ಯ ಕಿಚ್ಚ' ಪುಸ್ತಕದ ಆಡಿಯೋ ಮತ್ತು ಇ-ಬುಕ್ ಇಂದು ರಿಲೀಸ್ ಆಗಲಿದೆ. ಶುಭಾಶಯಗಳ ಮಹಾಪೂರ ಅಭಿಮಾನಿಗಳು ಹಾಗೂ ತಾರೆಯರು ಸಾಮಾಜಿಕ ಜಾಲತಾಣಗಳ ಮೂಲಕ ಕಿಚ್ಚ ಸುದೀಪ್‌ಗೆ ಶುಭಾಶಯಗಳನ್ನು ತಿಳಿಸುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಕಿಚ್ಚ ಸುದೀಪ್‌ಗೆ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ರಕ್ಷಿತಾ ಪ್ರೇಮ್ ''ಹ್ಯಾಪಿ ಬರ್ತಡೇ ಕೆ (ಕಿಚ್ಚ ಸುದೀಪ್) ಜೀವನಪರ್ಯಂತ ನಿಮಗೆ ಸಂತೋಷ, ಆರೋಗ್ಯ ಪ್ರಾಪ್ತಿಯಾಗಲಿ ಎಂದು ನಾನು ಹಾರೈಸುತ್ತೇನೆ'' ಸುಜಾತಾ ಸಂಜೀವ್ ''ಹ್ಯಾಪಿ ಬರ್ತಡೇ ದೀಪು. ನಾವು ನಿನ್ನನ್ನು ಪ್ರತಿದಿನವೂ ಸಂಭ್ರಮಿಸುತ್ತೇವೆ. ದೇವರು ನಿನಗೆ ಒಳ್ಳೇದು ಮಾಡಲಿ ಕಂದಮ್ಮ'' ಕಾರ್ತಿಕ್ ಜಯರಾಮ್ ''ಹುಟ್ಟುಹಬ್ಬದ ಹಾರ್ದಿಕ ಶುಭಾಶಯಗಳು ಅಭಿನಯ ಚಕ್ರವರ್ತಿ'' ರಘುರಾಮ್ ''ದೈವ ಸ್ವರೂಪದ ತಂದೆ-ತಾಯಿಗೆ ಮಗನಾಗಿ ಹುಟ್ಟಿದ ಅದೃಷ್ಟವಂತ.. ಶತ್ರುಗಳಿಗೂ ಕೇಡು ಬಯಸದ ಹೃದಯವಂತ.. ಅಭಿಮಾನಿಗಳನ್ನ ಸ್ನೇಹಿತರನ್ನಾಗಿ ಮಾಡಿದ ಧೀಮಂತ.. ಕರುನಾಡ ನಂದಾ ದೀಪ ಶ್ರೀ ಕಿಚ್ಚ ಸುದೀಪ್ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳು'' ರಿಷಬ್ ಶೆಟ್ಟಿ ''ಹುಟ್ಟುಹಬ್ಬದ ಹಾರ್ದಿಕ ಶುಭಾಶಯಗಳು ಕಿಚ್ಚ ಸುದೀಪ್ ಸರ್. ಈ ವರ್ಷ ನಿಮ್ಮ ಚಿತ್ರಗಳ ಕಿಚ್ಚು ನನ್ನಂತ ಅಭಿಮಾನಿಗಳ ಹುಚ್ಚು ಹೆಚ್ಚಾಗಿಸಲಿ. ನಿಮ್ಮ 'ವಿಕ್ರಾಂತ್ ರೋಣ' ಮತ್ತು 'ಕೋಟಿಗೊಬ್ಬ 3' ಚಿತ್ರಗಳಿಗೆ ಆಲ್‌ ದಿ ಬೆಸ್ಟ್'' ಸತೀಶ್ ನೀನಾಸಂ ''ಕನ್ನಡ ಸಿನಿಮಾಗಳನ್ನು ಭಾರತದಾದ್ಯಂತ ಕೊಂಡೊಯ್ದ, ನಿಮ್ಮ ಶ್ರಮ, ಶ್ರದ್ಧೆಯನ್ನು ಎಂದಿಗೂ ಇತಿಹಾಸ ಮರೆಯುವುದಿಲ್ಲ. ನೀವು ನಮಗೆಲ್ಲಾ ಸ್ಫೂರ್ತಿ. ಹೀಗೆ ಯಶಸ್ಸಿನ ಪಯಣ ನಮ್ಮನ್ನೆಲ್ಲ ಮುಂದುವರೆಸಲಿ. ಹ್ಯಾಪಿ ಬರ್ತಡೇ ಸರ್'' ಜೋಗಿ ಪ್ರೇಮ್ ''ನಮ್ಮ ಹೆಮ್ಮೆಯ ಕನ್ನಡ ಚಿತ್ರರಂಗವನ್ನು ಇಡೀ ಭಾರತಕ್ಕೆ ಕೊಂಡೊಯ್ತ ಡಾರ್ಲಿಂಗ್ ಕಿಚ್ಚ ಸುದೀಪ್ ರವರಿಗೆ ಹುಟ್ಟುಹಬ್ಬದ ಶುಭಾಶಯಗಳು''