SRK 124: ಶಿವಣ್ಣ ನಟನೆಯ ಹೊಸ ಸಿನಿಮಾಕ್ಕೆ ಜನಪ್ರಿಯ ಬಹುಭಾಷಾ ನಟಿ ಎಂಟ್ರಿ!

'ಸೆಂಚುರಿ ಸ್ಟಾರ್' ಶಿವರಾಜ್‌ಕುಮಾರ್‌ ಪುನಃ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಆಗಿದ್ದಾರೆ. 'ಬೈರಾಗಿ' ಸಿನಿಮಾದ ಕೊನೇ ಹಂತದ ಕೆಲಸಗಳನ್ನು ಮುಗಿಸಿಕೊಟ್ಟಿರುವ ಅವರು, '' ಚಿತ್ರದ ಬಿಡುಗಡೆಯನ್ನು ಎದುರು ನೋಡುತ್ತಿದ್ದಾರೆ. ಈ ಮಧ್ಯೆ ಅವರ 124ನೇ ಸಿನಿಮಾದ ಬಗ್ಗೆ ಒಂದು ಬ್ರೇಕಿಂಗ್ ನ್ಯೂಸ್ ಹೊರಬಿದ್ದಿದೆ. ಅದೇನೆಂದರೆ, ರಾಮ್ ಧುಲಿಪುಡಿ ನಿರ್ದೇಶನದ ಈ ಸಿನಿಮಾದಲ್ಲಿ ಶಿವಣ್ಣ ಎದುರು ನಾಯಕಿಯಾಗಿ ದಕ್ಷಿಣ ಭಾರತದ ಖ್ಯಾತ ನಟಿ ನಟಿಸಲಿದ್ದಾರೆ. ತೆಲುಗು-ತಮಿಳಿನ ಜನಪ್ರಿಯ ನಟಿ ಮೆಹ್ರೀನ್26ರ ಹರೆಯದ ಮೆಹ್ರೀನ್ ಮೂಲತಃ ಪಂಜಾಬ್‌ನವರು. 2016ರಲ್ಲಿ ತೆರೆಕಂಡ ತೆಲುಗಿನ 'ಕೃಷ್ಣ ಗಾಡಿ ವೀರ ಪ್ರೇಮಗಾಥ' ಚಿತ್ರದ ಮೂಲಕ ನಟಿಯಾಗಿ ಎಂಟ್ರಿ ಕೊಟ್ಟ ಮೆಹ್ರೀನ್, ಆನಂತರ ಸಾಲು ಸಾಲು ತೆಲುಗು-ತಮಿಳುನಲ್ಲಿ ಮಿಂಚಿದರು. ಹಿಂದಿ, ಪಂಜಾಬಿ ಭಾಷೆಯ ಸಿನಿಮಾಗಳಲ್ಲಿ ನಟಿಸಿದ್ದರೂ, ಕೂಡ ಅವರಿಗೆ ಹೆಚ್ಚು ಜನಪ್ರಿಯತೆ ಸಿಕ್ಕಿದ್ದು, ತೆಲುಗು ಭಾಷೆಯಲ್ಲಿ. 'ರಾಜಾ ದಿ ಗ್ರೇಟ್', 'ಎಫ್‌ 2', 'ಪಟ್ಟಾಸ್‌', 'ಚಾಣಕ್ಯ', 'ಪಂಥಂ' ಮುಂತಾದ ಸಿನಿಮಾಗಳಲ್ಲಿ ನಟಿಸಿರುವ ಅವರು, ಪ್ರಸ್ತುತ 'ಎಫ್‌ 3' ಶೂಟಿಂಗ್‌ನಲ್ಲಿ ಬ್ಯುಸಿ ಆಗಿದ್ದಾರೆ. ಇನ್ನು, ರಾಮ್‌ ಧುಲಿಪುಡಿ ಅವರ ಕಥೆ ಕೇಳಿ ಇಂಪ್ರೇಸ್ ಆದ ಮೆಹ್ರೀನ್, ಶಿವಣ್ಣ ಜೊತೆಗೆ ಈ ಸಿನಿಮಾದಲ್ಲಿ ನಟಿಸುವುದಾಗಿ ಒಪ್ಪಿಕೊಂಡರಂತೆ. ಶಿವಣ್ಣ-ರಾಮ್‌ ಧುಲಿಪುಡಿ ಕಾಂಬಿನೇಷನ್‌ನ ಈ ಸಿನಿಮಾಕ್ಕೆ ಶೀರ್ಷಿಕೆ ಅಂತಿಮಗೊಂಡಿಲ್ಲ. ಬಾಲ ಶ್ರೀರಾಮ್ ಸ್ಟುಡಿಯೋಸ್ ಲಾಂಛನದಲ್ಲಿ ಸ್ವಾತಿ ವನಪಲ್ಲಿ, ಶ್ರೀಕಾಂತ್ ಧುಲಿಪುಡಿ ಹಾಗೂ ನಾರಾಲ ಶ್ರೀನಿವಾಸ ರೆಡ್ಡಿ ಹಣ ಹಾಕುತ್ತಿದ್ದಾರೆ. ಖ್ಯಾತ ನಟರಾದ ನಾಜರ್, ಸಂಪತ್ ರಾಜ್ ಹಾಗೂ ಮಂಗ್ಲಿ (ಗಾಯಕಿ) ಸಹ ಈ ಚಿತ್ರದ ಮುಖ್ಯ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಕುಡಿಪುಡಿ ವಿಜಯಕುಮಾರ್ ಕಾರ್ಯಕಾರಿ ನಿರ್ಮಾಪಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಎಮೋಷನಲ್ ಹಾಗೂ ಮಿಲಿಟರಿ ಹಿನ್ನೆಲೆಯ ಕಥಾಹಂದರ ಹೊಂದಿರುವ ಈ ಚಿತ್ರಕ್ಕೆ ಕಾಶ್ಮೀರ, ಚಿಕ್ಕಮಗಳೂರು, ಅಮೆರಿಕದಲ್ಲಿ ಚಿತ್ರೀಕರಣ ಮಾಡುವ ಉದ್ದೇಶವನ್ನು ನಿರ್ದೇಶಕ ರಾಮ್ ಹೊಂದಿದ್ದಾರೆ. ಈ ಚಿತ್ರದ ಚಿತ್ರೀಕರಣ ಆಗಸ್ಟ್ ನಲ್ಲಿ ಆರಂಭವಾಗಲಿದೆ. ಶ್ರೀಚರಣ್ ಪಕಾಲ ಅವರು ಸಂಗೀತ ಸಂಯೋಜನೆ ಮಾಡುತ್ತಿದ್ದು, ರವಿಕುಮಾರ್ ಸನಾ ಛಾಯಾಗ್ರಹಣದ ಹೊಣೆ ಹೊತ್ತುಕೊಂಡಿದ್ದಾರೆ.