Shanvi: 'ಬ್ಯಾಂಗ್' ಸಿನಿಮಾ ಶೂಟಿಂಗ್ ವೇಳೆ ಅವಘಡ; ನಟಿ ಶಾನ್ವಿ ಶ್ರೀವಾಸ್ತವಗೆ ಗಾಯ!
ನಟಿ ಶಾನ್ವಿ ಶ್ರೀವಾಸ್ತವ ನಟನೆಯ 'ಬ್ಯಾಂಗ್' ಸಿನಿಮಾದ ಮೇಲೆ ಸಾಕಷ್ಟು ನಿರೀಕ್ಷೆಗಳಿವೆ. ಸದ್ಯ ಈ ಸಿನಿಮಾದ ಶೂಟಿಂಗ್ ವೇಳೆ ಶಾನ್ವಿಗೆ ಗಾಯವಾಗಿದೆ. ಸಾಹಸ ಸನ್ನಿವೇಶದ ಚಿತ್ರೀಕರಣದ ವೇಳೆ ಈ ಘಟನೆ ನಡೆದಿದೆ.
Admin
0
5
ನಟಿ ಪ್ರಸ್ತುತ '' ಸಿನಿಮಾದಲ್ಲಿ ತೊಡಗಿಕೊಂಡಿದ್ದಾರೆ. ಡಾರ್ಕ್ ಕಾಮಿಡಿ ಪ್ರಕಾರದಲ್ಲಿ 'ಬ್ಯಾಂಗ್' ಸಿನಿಮಾ ಮೂಡಿಬರಲಿದ್ದು, ಶಾನ್ವಿ ಅವರೇ ಪ್ರಧಾನ ಪಾತ್ರ ಮಾಡುತ್ತಿದ್ದಾರೆ. ಸದ್ಯ ಈ ಸಿನಿಮಾದ ಸಾಹಸ ಸನ್ನಿವೇಶಗಳ ಚಿತ್ರೀಕರಣದ ವೇಳೆ ಶಾನ್ವಿಗೆ ಪೆಟ್ಟಾಗಿದೆ. ಫೈಟ್ ಮಾಡುವಾಗ ಆಯತಪ್ಪಿ ಜಾರಿಬಿದ್ದಿದ್ದರಿಂದ ಅವರ ಕೈಗೆ ಪೆಟ್ಟು ಬಿದ್ದಿದೆ. ಕೂಡಲೇ ಅವರಿಗೆ ಪ್ರಥಮ ಚಿಕಿತ್ಸೆ ಕೊಡಿಸಲಾಗಿದೆ. ಸದ್ಯ ಚಿತ್ರೀಕರಣವೂ ಸ್ಥಗಿತಕೊಂಡಿದೆ.
ಗ್ಯಾಂಗಸ್ಟರ್ ಪಾತ್ರದಲ್ಲಿ ಶಾನ್ವಿ'ಬ್ಯಾಂಗ್' ಸಿನಿಮಾದಲ್ಲಿ ಅವರದ್ದು ಗ್ಯಾಂಗ್‌ಸ್ಟರ್ ಪಾತ್ರ. ಆದ್ದರಿಂದ ಒಂದಷ್ಟು ಸಾಹಸ ಸನ್ನಿವೇಶಗಳಲ್ಲಿ ಅವರು ಕಾಣಿಸಿಕೊಳ್ಳಬೇಕಿತ್ತು. ಅದಕ್ಕಾಗಿಯೇ ಅವರು ಪೂರ್ವ ತಯಾರಿಗಳನ್ನು ಮಾಡಿಕೊಂಡಿದ್ದರು. ಎಲ್ಲ ತರಬೇತಿಯನ್ನು ಪಡೆದುಕೊಂಡು, ಅಗತ್ಯ ಸಿದ್ಧತೆಗಳ ನಡುವೆಯೇ ಶೂಟಿಂಗ್ ಶುರು ಮಾಡಲಾಗಿತ್ತು. ಆದರೆ ಮಳೆ ಎಫೆಕ್ಟ್‌ನಲ್ಲಿ ಶೂಟಿಂಗ್ ಮಾಡುವಾಗ ಅವರು ಕಾಲು ಜಾರಿ ಬಿದ್ದಿದ್ದಾರೆ. ಆ ವೇಳೆ ಅವರ ಕೈಗೆ ಪೆಟ್ಟುಬಿದ್ದಿದೆ. ಚಿಕಿತ್ಸೆ ಪಡೆದ ನಂತರ ಪುನಃ ಶೂಟಿಂಗ್ ಆರಂಭಿಸಲು ಅವರು ಸಿದ್ಧರಾಗಿದ್ದರಂತೆ. ಆದರೆ, ಚಿತ್ರತಂಡವೇ ಅವರಿಗೆ ವಿಶ್ರಾಂತಿ ಪಡೆಯಲು ಹೇಳಿ ಶೂಟಿಂಗ್ ನಿಲ್ಲಿಸಿದೆ.
ಈ ಸೀನ್‌ನ ಶೂಟಿಂಗ್ ಬಗ್ಗೆ ಕೆಲ ದಿನಗಳ ಹಿಂದಷ್ಟೇ ಶಾನ್ವಿ ಹೇಳಿಕೊಂಡಿದ್ದರು. 'ಲಾಕ್‌ಡೌನ್‌ ನಂತರ ಮತ್ತೆ ಶೂಟಿಂಗ್ ಪ್ರಾರಂಭ ಆಗಿದ್ದು ಖುಷಿ ಕೊಟ್ಟಿದೆ. ಬ್ಯಾಂಗ್ ಸಿನಿಮಾ ಟೀಮ್‌ ಚೆನ್ನಾಗಿದೆ. ಫನ್‌ ಇದೆ ಮತ್ತು ಸ್ವಲ್ಪ ನೆಗೆಟಿವ್‌ ಶೇಡ್‌ ಇರೋ ಪಾತ್ರವಿದು. ಡಾರ್ಕ್ ಕಾಮಿಡಿ ಸಿನಿಮಾ ಎನ್ನಬಹುದು. ನನ್ನ ಪಾತ್ರ ಎಕ್ಸ್‌ಪ್ಲೋರ್‌ ಮಾಡೋಕೆ ಬಹಳ ಇದೆ. ಫೈಟ್ ದೃಶ್ಯ ಮಾಡುವ ಮೊದಲು ನಾಲ್ಕೈದು ದಿನ ಟ್ರೇನಿಂಗ್‌ ಕೊಟ್ಟಿದ್ದಾರೆ' ಎಂದು ಹೇಳಿದ್ದರು. 2-3 ದಿನಗಳ ಬ್ರೇಕ್ ನಂತರ ಮತ್ತೆ ಶೂಟಿಂಗ್ ಆರಂಭಗೊಳ್ಳಲಿದ್ದು, ಕೆಲವೇ ಕೆಲವು ದಿನಗಳ ಚಿತ್ರೀಕರಣವಷ್ಟೇ ಬಾಕಿ ಇದೆಯಂತೆ. 'ಯುಕೆ ಪ್ರೊಡಕ್ಷನ್ಸ್‌' ಬ್ಯಾನರ್‌ನಲ್ಲಿ ಅಡಿಯಲ್ಲಿ 'ಬ್ಯಾಂಗ್' ಚಿತ್ರಕ್ಕೆ ಪೂಜಾ ವಸಂತ್‌ ಕುಮಾರ್‌ ಮತ್ತು ವಸಂತ್‌ ಕುಮಾರ್‌ ಅವರು ಬಂಡವಾಳ ಹೂಡಿದ್ದಾರೆ.
ಇದೇ ಮೊದಲ ಬಾರಿಗೆ ಶ್ರೀಗಣೇಶ್‌ ಪರಶುರಾಮ್ ಈ ಸಿನಿಮಾಗೆ ನಿರ್ದೇಶನ ಮಾಡುತ್ತಿದ್ದಾರೆ. ರಿತ್ವಿಕ್ ಮುರಳೀಧರ್ ಹಾಡುಗಳಿಗೆ ಸಂಗೀತ ಸಂಯೋಜನೆ ಮಾಡುವುದರ ಜೊತೆಗೆ ಒಂದು ಪಾತ್ರವನ್ನೂ ನಿಭಾಯಿಸುತ್ತಿದ್ದಾರೆ. ಸಂಗೀತ ನಿರ್ದೇಶಕ/ಗಾಯಕ ರಘು ದೀಕ್ಷಿತ್ ಸ್ಟೈಲಿಶ್‌ ಡಾನ್ ಆಗಿ 'ಬ್ಯಾಂಗ್'ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ವಿಜೇತ್‌ ಚಂದ್ರ ಸಂಕಲನ, ಉದಯ್‌ ಲೀಲಾ ಛಾಯಾಗ್ರಹಣ, ಬಿ.ಆರ್‌. ನವೀನ್‌ ಧ್ವನಿ ವಿನ್ಯಾಸ ಮಾಡುತ್ತಿದ್ದಾರೆ. ಈ ಸಿನಿಮಾದ ಹಾಡುಗಳಿಗೆ ಯೋಗರಾಜ್ ಭಟ್ ಸಾಹಿತ್ಯ ಬರೆಯುತ್ತಿದ್ದಾರೆ. ಸಾಹಸ ನಿರ್ದೇಶನವನ್ನು ಚೇತನ್ ಮಾಡುತ್ತಿದ್ದಾರೆ. 'ನಮ್ ಗಣಿ ಬಿ.ಕಾಮ್ ಪಾಸ್‌' ಸಿನಿಮಾದಲ್ಲಿ ಗಮನಸೆಳೆದಿದ್ದ ನಾಟ್ಯ ರಂಗ, ಸುನೀಲ್ ಗುಜ್ಜರ್‌, ಜಹಾಂಗೀರ್, ನಾಗೇಂದ್ರ ಶಾ 'ಬ್ಯಾಂಗ್'ನಲ್ಲಿ ನಟಿಸುತ್ತಿದ್ದಾರೆ. ಅಂದಹಾಗೆ, ಈ ಸಿನಿಮಾ ಕನ್ನಡ ಮಾತ್ರವಲ್ಲದೆ, ತೆಲುಗು ಭಾಷೆಯಲ್ಲಿಯೂ ತೆರೆಗೆ ಬರಲಿದೆ.
